YEHEZKIEL 39:10 - Tanou Moonsoi Timugon

¹⁰ Ginio ra ilo kalo pana manimung ra luton giu' ra umo kapoam mantagar ra puun tataun giu' ra kataunan, sabap ra naukapan ilo ra luton intor ra kuliamos malarom ondo' tinatang no. Tinalingaau nilo am ginaau rapu' ru ulun ondo' ragili nanalingaau am niayuk nampagaau ra rapu' nilo.” Tuhan Raja' nakaindagu noyo.

YEHEZKIEL 39:10 ပူးပေါင်းရင်းမြစ်များ

KAINGKUALAN 12:36

Nangkinibit Tuhan ra ulun ru Misir mangurumat ra ulun ru Israil saboi nangani' ulun ru Misir ra ngaangai' kitaak ru ulun ru Israil. Am koon raginio noyo nampagaau ulun ru Israil ra kalangkayaan ru ulun ru Misir.

KAINGKUALAN 3:22

Moonong ruandu' ru Israil makitaak ra bayang, am niayuk kuliamos mas am pirok intor ra pasambalayan nano ulun ru Misir am intor ra ruandu' ru Misir ondo' minayan ra pasambalayan nano. Papakayin min ginio ra anak-anak min. Ginio noyo ralan min mampagaau ra rapu' ru ulun ru Misir.”

JISAYA 14:2

Masuang bansa' mangindangan ra ulun ru Israil muli' ra tana' ondo' pinataak ru Tuhan risilo. Giu' no bansa'-bansa' masauk ra ulipon ru Israil. Ilo ondo' galing i nangala ra Israil, kalaan ilo boo ru Israil. Ulun ru Israil mamarinta ra bansa'-bansa' ondo' nakaili' nangimbolo' risilo.

JISAYA 33:1

Aibui boo ra pantula' takano! Mampagaau ilo am malaat kabalu' pana kolondo' osoi-osoi pana igondo' pampagaau am lumaat risilo. Kaa' bulintok ra ilo mampagaau am malaat no maampus, am ilo galama' gaawin am laaton.

YEHEZKIEL 39:11

Indagu Tuhan, “Paat ra ngaangai' no masauk ra tauli no, aniin Ku i Gog rondo' intok giu' ra Israil tayar ru pampalabangan riso, iono giu' ra Limayak Sandaupan tampilon ra sirangon ru Raat Matoi. I Gog am ngaangai' saujor nano lobongon ra giu' no, am limayak no sabiton ra ‘Limayak ru Saujor ri Gog’.

MIKA 5:8

Kalaan ru Israil pantula' nilo am mamuso risilo ngaangai'.

ABAKUK 2:8

Nampagaau kau ra rapu' ru masuang bansa'. Kaa' raino bansa'-bansa' ondo' naayag mampagaau ra rapu' min sabap ra namatayan ondo' binaal min am sabap ra kalaatan min ra mamagun ru tana' ti am niayuk bandar-bandar ra tana' ti.

ABAKUK 3:8

Sungoi kia nangkinibit Rirun siminangit, iou Tuhan? Raat kia nangkinibit Rirun siminangit? Sinakayan Mu gaun am siminakoi ra gaun ru rasam maawas, paat ra Okou matong koson mangani' ra kamanangan ra ulun Muno.

JAKARIA 14:14

Mamagun ru Jiuda mangayou koson manaung ra Jirusalim. Gaawon nilo rapu' ru ngaangai' bansa' – mas, pirok am bayang ondo' masuang kaga'.

MATIUS 7:2

sabap ri Aki Kapuuno' mangakim ramuyun koson akau mangakim ra ulun bokon. Panuku' ondo' alapon mino koson mangakim ra ulun bokon, panuku' raginio niayuk alapon ri Aki Kapuuno' koson mangakim ramuyun.

PINAINTALANG 13:10

Osoi ayuk inaru' noyo rokopon, maaru' marakop. Osoi ayuk inaru' potoyon ra ilang, maaru' matoi ra ilang. Ginio sabap ra ulun ri Aki Kapuuno' musiti' tumaan ra kaimbalaan am gumagaya'.”

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.