YEHEZKIEL 38:22 - Tanou Moonsoi Timugon

²² Ukumin Ku boo io ra maruol tumapik am pasasaron raraa'. Rasam maawas, rasam batu, apui am bilirang makalumpa' riso am saujor nano, am niayuk bansa'-bansa' ondo' maya' riso.

YEHEZKIEL 38:22 ပူးပေါင်းရင်းမြစ်များ

KASAUKAN 19:24

Pulalii' ru Tuhan napatuun ra rasam makabalirang ondo' makaapui ra bandar Sodom am Gomora.

MAZMUR 11:6

Ulun malaat ukumin No ra lumaag, mabaya' ra baa makasimbula', bilirang am angin ra makaumpo.

JISAYA 28:17

Katimpakan saukon Ku ra tali panunuku', am kabanisan ru guang saukon Ku ra tali unting.” Nansalinut abau ondo' masauk ra kalansanan mino malulun ru rasam batu, am sindungan mino pusoon ru liur maayo.

JISAYA 29:6

Tuhan Ondo' Maayo Kaga' Kuasa' mapalabus rirun am ra bagiu' am tana' mogonggon ondo' makalalaa'. Porotongon No bagiu' am apui ondo' masimbula'.

JISAYA 34:3

Baangkai nilono kalo lobongon, kaa' polosoon mootong. Ngaangai' gunung masauk malia' sabap ra maliuran ru raraa'.

JISAYA 66:16

Mabaya' ra apui am ilang, ukumin No ngaangai' ulun ru tana' ti ondo' mapandayan No makasala; masuang ulun ukumin ra matoi.

JIRIMIA 25:31

saboi ra pompor ru tana' ti bolos Nano mamintanou. Pinatalang ru Tuhan baal no ra bansa'-bansa'. Mangakim ilo ra ngaangai' ulun am mamuso ra ulun malaat. Tuhan nakaindagu noyo.’ ”

YEHEZKIEL 13:11

Balai' nabi-nabi no ra timbok nilo mapuut. Paratuon Ku rasam maawas. Timbok no tiwon ru bagiu' mapuor am malumpa' ru rasam batu.

YEHEZKIEL 28:23

Porotongon Kuno maruol tumapik rirun am mompoloso ra raraa' tumilis ra ralan-ralan muno. Bulunsaron kou ru pantula' intor ra ngaangai' intok am mamagun muno potoyon. Okou pana makapandai boo ra Aku noyo Tuhan.”

YEHEZKIEL 39:6

Mampaang Aku ra apui giu' ra pagun Magog, am giu' ra gawar ru nagas intok ru ulun maayag ra kaansayan. Ngaangai' ulun makapandai boo ra Aku noyo Tuhan.

YEHEZKIEL 5:17

Porotongon Ku maruol tumapik, pampatayan am pangayawan koson mamatoi ra mamagun muno. Porotongon Ku bitilan am niayuk bibiag masigo koson mamatoi ra anak-anak nilo. Aku, Tuhan nakaindagu noyo.”

JOIL 3:2

Timungon Ku ngaangai' bansa' am magibit risilo giu' ra Limayak Pangakiman. Akimin Ku ilo ra giu' no sabap ra ngaangai' binaal nilo ra ulun Kuno. Namatir ilo ra ulun Kuno giu' ra masuang pagun, am nantayar-tayar ra tana' ru Israil, pagun longgom Kuno.

MATIUS 7:27

Paat ra rumasam maawas, mampaliur am masiob ru bagiu' mapuor, baloi no pana matungkob am malunsai boo toojo.”

JOSUA 10:11

Paat ulun ru Amori nagiru' intor ra ulun ru Israil mansail ra pipilon ru gunung, naparatu' Tuhan ra rasam batu risilo ra galur ru ralan saboi ra Ajika, saboi masuang poyo pinatoi ru rasam batu intor ra ondo' pinatoi ru ulun ru Israil.

PINAINTALANG 14:10

Ginio pinawar No noyo ra sangkir ru sangit Nano am sanganu pana kalo tigowon No! Ngaangai' ondo' manginum no imboloon ralalom ru apui am balirang giu' ra saang ru malaikat-malaikat mapasau no am ra Anak Domba no.

PINAINTALANG 16:21

Intor ra limbowon no riminatu' ra ulun rasam batu ra maayo ondo' rorondo' makabagat limo ngoopor ngakilo no. Ginio boo ra magulas ilo ri Aki Kapuuno' sabap ra baal ru rasam batu no makalalaa'.

PINAINTALANG 20:9

Nakaralat ilo ra titikop ru tana' ti saboi liputin nilo kim ru ulun ri Aki Kapuuno', ioginio bandar ondo' tinagaman Nano. Kaa' timinuun apui intor ra suruga' mangumpo risilo.

PINAINTALANG 8:7

Malaikat kasaa' no nanamput ra bujung nano. Ratu' boo ais batu am apui nararatok ra raraa' ra tana' ti, koson ra rasam maawas. Sampitalu ru tana' ti, tataun am ngaangai' makaraun masansam nongosolob.