YEHEZKIEL 38:13 - Tanou Moonsoi Timugon

¹³ Ulun ru Syiba, ulun ru Didan, am ulun mantalan intor ra bandar-bandar ru Sipanyol mangkuot rirun, ‘Timungon mu kia saujor muno am mamulunsar koson mampagaau am niayuk mantakou? Makaguang kou kia koson mampagaau ra ngaangai' pirok am mas, bibiag tinambiag am rapu' no?’ ”

YEHEZKIEL 38:13 ပူးပေါင်းရင်းမြစ်များ

MAZMUR 57:4

Intor ra suruga' taamon am bayagon No aku; kalaan No ulun ondo' mangulipon raki'. I Aki Kapuuno' manulu' raki' ra togom am gagaya' Nano raki'.

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

JIRIMIA 15:13

Indagu Tuhan raki', “Mangator Aku ra pantula' koson magaut ra kalangkayaan am kuliamos ru ulun Kuno koson ra ukuman ra tula ondo' binaal nilo giu' ra titikop pagun.

JIRIMIA 50:17

Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

JIRIMIA 51:38

Mamagun ru Babilonia mansangal koson ra singa', am mokobolos koson ra anak ru singa'.

YEHEZKIEL 25:13

Raino potonowon Ku ra ukumin Ku Idom. Potoyon Ku ngaangai' ulun am bibiag ondo' minayan ra giu' no. Pusoon Ku pagun no, intor ra bandar Timan saboi ra Bandar Didan. Mamagun nano matoi ralalom pangayawan.

YEHEZKIEL 27:12

“Mantalan kou giu' ra Sipanyol am nangapu ra pirok, basi', timah mapulak am timah maitom koson ra pangalig ra bayaran ru kuliamos muno ondo' masuang no.

YEHEZKIEL 27:15

Ulun ru Rodis pana mantalan ramuyun; mamagun giu' ra masuang intok tampilon ra nagas nambali ra kuliamos muno am nambayar ra gading am tataun maitom.

YEHEZKIEL 27:20

Mamagun ru Didan nambayar ra kuliamos muno ra konoon apin ru palana.

YEHEZKIEL 27:25

Kuliamos talanon muno inibit ru kapal-kapal ondo' maayo kaga'. Okou koson ra kapal giu' ra raat, nososok ra kuliamos maagat.

YEHEZKIEL 32:2

“Okou ulun mapandai matoi, anii' ra pampakaraan moporos ra raja' ru Misir. Posoboyo' ragu Kuno riso, ‘Giu' ra saang ru bansa'-bansa' ra bokon ilai' kou ayuk koson ra singa', kaa' baal muno koson poyo ra buayo ondo' minabol giu' ralalom ru sungoi. Kalayam muno nampalutok am nampajamol ra sungoi-sungoi.

JOIL 3:8

Anak-anak ungkuyon am ruandu' min talanon ra ulun ru Jiuda; ulun ru Jiuda poyo mantalan risilo ra Syiba, pagun ondo' maalur kaga'. Aku, Tuhan nakaindagu noyo.

JAKARIA 11:3

Ulun-ulun manguasa' manulaboi, sabap ra katulayan nilo liminiot noyo. Rongogo' sangal ru singa'; sabap ra intok ayanan ru singa' giu' ra kataunan giu' ra gawar ru Sungoi Jordan napuso noyo.