YEHEZKIEL 38:12 - Tanou Moonsoi Timugon

¹² Takawin am gaawon mu rapu' ru mamagun ru bandar-bandar ondo' nalunsai ragili. Tinimung ilo intor ra pagun-pagun ra bokon am raino mokoondo' ilo ra rapu' am bibiag ra masuang. Minayan ilo giu' ra pusor ru tana' ti.

YEHEZKIEL 38:12 ပူးပေါင်းရင်းမြစ်များ

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

JIRIMIA 30:16

Kaa' raino ngaangai' ondo' monolon ramuyun tolonon, am ngaangai' pantula' min ibiton mugar koson ra ulun rinakop. Ngaangai' ulun ondo' nangimbolo' ramuyun imboloon, am ngaangai' ulun ondo' nantakou ramuyun takawin.

YEHEZKIEL 29:19

Ginio ra Aku, Tuhan Raja' mindagu, ‘Pataakon Ku pagun ru Misir ra Raja' Nibukadnijar. Talingaawon no pagun no am mampagaau ra ngaangai' rapu' ru pagun no koson ra gaji' ru saujor nano.

YEHEZKIEL 38:8

Kopongo kukula' ngambilor, Susubon Ku io mamulunsar ra Israil, pagun ondo' tinirong noyo saguli' kalupus nalunsai sabap ra pangayawan. Pagun no lair noyo nokoloso nasauk ra kolondo' tutuu' am masiluk, am saguli' boo ulun ru Israil intor ra pagun-pagun ra bokon ra kagunungan ru pagun nilo. Raino ilo ngaangai' naayag ra kaansayan.

AMOS 1:8

Iruon Ku kuasa' ru ulun-ulun manguasa' ra bandar Asdod am Askilon. Ukumin Ku bandar Ikron am mamuso ra ngaangai' ulun ru Palistin ondo' lakat poyo naayag.”

JAKARIA 1:12

Indagu boo malaikat no, “Iou Tuhan Ondo' Maayo Kaga' Kuasa', siminangit Kou ra Jirusalim am bandar-bandar giu' ra Jiuda buoi tulu' ngoopor ngambilor. Saboi sanggilan kia Okou magulayun sumangit am kalo mangampun risilo?”

JAKARIA 1:17

Nanusub malaikat no raki' nampatanou ra tanou ti niayuk, “Tuhan Ondo' Maayo Kaga' Kuasa' minindagu ra bandar-bandar Nano langkaya' saguli' am igondo' poyo mangindangan Io ra Jirusalim am mangiou riso koson ra longgom Nano galama'.”

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

TINGGANAI RU BANSA' 9:37

Indagu poyo i Gaal, “Ilai' noyo, ulun tatanga' tumuun intor ra pipilon ru gunung, am santimungan ulun tatanga' sumaboi ragiti intor ra puun oak ru mangngilong!”