YEHEZKIEL 38:11 - Tanou Moonsoi Timugon

¹¹ Namatas kono koson mamulunsar ra rondo' pagun ondo' kolondo' pinarinding ra batu, pagun ondo' mamagun nano maayag ra moonsoi am mamimio giu' ra bandar-bandar ondo' kolondo' timbok am kolondo' kuliamos mantula'.

YEHEZKIEL 38:11 ပူးပေါင်းရင်းမြစ်များ

MAZMUR 10:9

maginaa ilo ra intok pansibunian koson ra singa'. Mangkinuo ilo ra ulun ondo' kalo makalulu', am rokopon boo am ralaaton ilo mugar.

KAINGKUALAN 15:9

Kon ru pantula', ‘Mangilou aku am mamparakop risilo; tatayaron ku kalangkayaan nilono, am timpokon ku alapon kuno; pajuloyon ku ilang kuno am mangalap ra ngaangai' longgom nilo.’

YEHEZKIEL 30:9

“Paat ra orou raginio, paat ra Misir napuso, atarin Ku ulun ra kapal-kapal koson mampatigog ra Itiopia ondo' kalo manantam no saboi ilo malaa'. Orou raginio mamaar noyo!”

YEHEZKIEL 34:27

Puun ru tataun mangkawa', umo mangingkual ra ampos, am moonong ulun mayan ra moonsoi giu' ra tana' nano galama'. Paat ra Aku mangukat ra nakabangkil ra ulun Kuno am mampalabus risilo intor ra bansa' ondo' nangulipon risilo, bagu no makapandai ilo ra Aku noyo Tuhan.

YEHEZKIEL 38:14

Nanusub boo Tuhan Raja' raki' koson mambala' ri Gog intor ra ragu Nano, “Raino, tatanga' ru Israil, ulun Kuno maayag ra kaansayan, mintor kou

YEHEZKIEL 38:8

Kopongo kukula' ngambilor, Susubon Ku io mamulunsar ra Israil, pagun ondo' tinirong noyo saguli' kalupus nalunsai sabap ra pangayawan. Pagun no lair noyo nokoloso nasauk ra kolondo' tutuu' am masiluk, am saguli' boo ulun ru Israil intor ra pagun-pagun ra bokon ra kagunungan ru pagun nilo. Raino ilo ngaangai' naayag ra kaansayan.

JAKARIA 2:8

Osoi ayuk ondo' mamulunsar ramuyun, mamulunsar ra katagaman ru guang Kuno.” Ginio ra Tuhan Ondo' Maayo Kaga' Kuasa' nanusub raki' mampasaboi ra tanou ti ra bansa'-bansa' ondo' nantakou ra ulun Nano,

ROMA 3:15

Malingas ilo mangimbolo' am mamatoi.

SAGULION 12:10

Mopongo akau lumaup ra Sungoi Jordan, iowon kau ru Tuhan mayan ra tana' raginio am lumayun ra giu'. Magalung Io ramuyun intor ra ngaangai' pantula' maa' raginio maayag kau ra mamimio.

TINGGANAI RU BANSA' 18:27

Kaalap noyo ru ulun ru bansa' ru Dan ra imam am kuliamos ru sambayang binaal ri Mika no, minongoi ilo bulunsar ra Lais, bandar ru ulun ondo' mamimio am moonsoi. (Bandar no giu' ra Pipit ondo' nogondo' ra bandar Bit-Rigob.) Ulun ru bansa' ru Dan namatoi ra ngaangai' mamagun no am nonolob ra bandar no. Kolondo' sangulun pana ondo' namayag ra mamagun ru bandar no, sabap ra Lais maalur intor ra Sidon am ilo kolondo' pabukatan ra osoi pana. Ulun ru bansa' ru Dan pana nambaal saguli' ra bandar no, am ayan ilo ra giu' no.

TINGGANAI RU BANSA' 18:7

Kopongo raginio naparayus kalimo-limo ngaulun no ra pangkiralanan minongoi ra bandar Lais. Nakito nilo ra kaayagan ru ulun ra giu' no mamimio koson ra kaayagan ru ulun ru Sidon. Mamagun ru Lais maayag ra mamimio am moonsoi, am kalo nantutula' ra osoi pana; mokoondo' ilo ra ngaangai' pakuan. Minayan ilo maalur intor ra ulun ru Sidon am kalo makapabukatan ra bansa' ru ati pana.