YEHEZKIEL 37:6 - Tanou Moonsoi Timugon

⁶ Aniin Takamin ra uat am kual, am niayuk taubin kau ra kungkung. Aniin Takamin ra painawo maa' raginio maayag kau saguli'. Bagu no makapandai kau ra Aku noyo Tuhan.’ ”

YEHEZKIEL 37:6 ပူးပေါင်းရင်းမြစ်များ

JOIL 2:27

Ginio ra, akau Israil, makapandai kau ra Aku soroi ra tatanga' min, am ra Aku, Tuhan iono i Aki Kapuuno' min, am kolondo' boo bokon. Ulun Kuno totopot kalo boo asabin.”

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

JOIL 3:17

“Ginio ra akau Israil, makapandai kau boo, ra Aku noyo Tuhan, i Aki Kapuuno' min. Mayan Aku giu' ra Sion, bulur Kuno ondo' matulai. Jirusalim masauk ra bandar ondo' matulai; ulun bansa' ra bokon totopot kalo boo mampagaau raginio.

YEHEZKIEL 37:14

Pasampuyon Ku painawo Kuno ra ralalom nilo koson mamayag risilo saguli'. Aku pana mangiou risilo mayan poyo giu' ra pagun nilo galama'. Makapandai ilo boo ra Aku noyo Tuhan. Binantu' Ku mambaal raginio am maaru' baalon Ku. Aku, Tuhan minindagu noyo.”

YEHEZKIEL 39:6

Mampaang Aku ra apui giu' ra pagun Magog, am giu' ra gawar ru nagas intok ru ulun maayag ra kaansayan. Ngaangai' ulun makapandai boo ra Aku noyo Tuhan.

YEHEZKIEL 38:23

Koson noyo raginio ra Aku mampakito ra kinaayo am kinatulai Kuno ra ngaangai' bansa'. Makapandai ilo boo ra Aku noyo Tuhan.”

YEHEZKIEL 35:12

Bagu no makapandai kau ra Aku, Tuhan mokorongog ra pagasaban min paat ra akau mindagu, ‘Gunung-gunung ru Israil nasauk ra masiluk am pataakin ra akanon takau.’

YEHEZKIEL 35:9

Saukon Ku pagun min ra kolondo' tutuu' am masiluk ra sabubuoi no. Kolondo' boo osoi pana mayan ra bandar-bandar min. Bagu no makapandai kau ra Aku noyo Tuhan.

YEHEZKIEL 34:27

Puun ru tataun mangkawa', umo mangingkual ra ampos, am moonong ulun mayan ra moonsoi giu' ra tana' nano galama'. Paat ra Aku mangukat ra nakabangkil ra ulun Kuno am mampalabus risilo intor ra bansa' ondo' nangulipon risilo, bagu no makapandai ilo ra Aku noyo Tuhan.

YEHEZKIEL 6:7

Ulun ondo' potoyon giu' ra ati pana intok, am ilo ondo' maayag mangiou ra Aku noyo Tuhan.

1 RAJA'-RAJA' 20:28

Sangulun nabi minuma' ra Raja' Agab am indagu, “Koon raginio ragu ru Tuhan: ‘Sabap no ra ulun ru Siria minindagu ra Aku ayuk makakuasa' giu' ra gunung am kalo makakuasa' giu' ra tana' marata', manaak Aku rirun ra kamanangan ra saujor nilo ondo' masuang kaga' no. Okou am mamagun muno makapandai ra Aku noyo Tuhan.’ ”

YEHEZKIEL 39:28

Makapandai boo ulun Kuno ra Aku Tuhan, i Aki Kapuuno' nilo. Makapandai ilo boo ra pinoloso Ku ilo pinatiran ra pagun ru ulun, kaa' timungon Ku niayuk ilo am ibiton ilo muli' ra pagun nilo galama', ra kalo tatangon sangulun pana giu' ra pagun namatiran.

YEHEZKIEL 39:22

Intor raginio boo Israil makapandai ra Aku noyo Tuhan, i Aki Kapuuno' nilo.

YEHEZKIEL 35:15

koson akau ragili maansayan magilong ra pagun ru Israil, longgom Kuno nasauk ra kolondo' tutuu' am masiluk. Sotopot no kabuluran ru Siir, am niayuk titikop ru pagun Idom masauk ra kolondo' tutuu' am masiluk. Paat raginio makapandai boo moonong ulun ra Aku noyo Tuhan.”

YEHEZKIEL 20:38

Inggion Ku ulun ondo' gumuor am makatula ra gino ngai' min. Ibiton Ku ilo mingkual intor ra pagun-pagun intok inayanan min raino, am kalo mangiou Aku risilo sumaguli' ra pagun ru Israil. Bagu no makapandai kau ra Aku noyo Tuhan.”

YEHEZKIEL 11:12

Makapandai kau boo ra Aku noyo Tuhan, am gumagaya' ra ukum ru pagun-pagun ra paginggaar, inanggal min ukum Kuno am nangimpai ra susuban Kuno.”

YEHEZKIEL 11:10

matoi kau ra potoyon ralalom ru pangayawan giu' ra pagun min galama'. Bagu no moonong ulun makapandai ra Aku noyo Tuhan.

YEHEZKIEL 7:9

Kalo malubatan Aku ramuyun kapoam makaasi' ramuyun. Mangukum Aku ramuyun ra binaal min ondo' makauyuyu', maa' raginio makapandai kau ra Aku noyo Tuhan am Aku noyo ondo' mangukum ramuyun.”

YEHEZKIEL 7:4

Kalo malubatan Aku rirun kapoam makaasi' rirun. Ukumin Tokou ra binaal muno ondo' makauyuyu' no, maa' raginio makapandai kou ra Aku noyo Tuhan.”

YEHEZKIEL 6:13

Baangkai nilo makabanta' ra lolot ru sinungkalalaing am giu' ra liliut ru altar-altar, giu' ra rasawat ru moonong bulur ondo' masawat, giu' ra saau ru moonong puun tataun masansam am moonong puun tataun oak ondo' maayo, giu' ra moonong intok papataakan nilo ra taak simbalui ondo' sinolob ra sinungkalalaing nilo. Bagu no moonong ulun makapandai ra Aku noyo Tuhan.

SAGULION 29:6

Kolondo' ruti' ra akanon min, wain kapoam inumon makagauk ra inumon, kaa' nanampos Tuhan ra ngaangai' pakuan min maa' raginio makapandai kau ra Io noyo i Aki Kapuuno' min.

YEHEZKIEL 32:15

Paat ra pasaukon Ku Misir ra tana' kaagisan ondo' kolondo' tutuu' am masiluk, am niayuk mamuso ra ngaangai' mamagun ra giu' no, bagu no makapandai ilo ra Aku noyo Tuhan.

KAINGKUALAN 6:3

Minintalang Aku noyo ri Abragam, ri Isak am ri Jakub koson ra i Aki Kapuuno' Ondo' Maayo Kaga' Kuasa', kaa' kalo napaulig Aku risilo ra inggalan Kuno ondo' matulai, iono Tuhan.

KASAUKAN 2:7

Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.

MAZMUR 104:30

Kaa' paat ra Okou manaak ra pamainawo, ngaangai' no maayag; nanaak Kou ra kaayagan bagu ra tana' ti.

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.