YEHEZKIEL 37:5 - Tanou Moonsoi Timugon

⁵ Balai' bungul-bungul no ra Aku, Tuhan Raja' mindagu ra bungul mapua' no, ‘Pasampuyon Ku painawo ra ralalom mino maa' raginio maayag kau saguli'.

YEHEZKIEL 37:5 ပူးပေါင်းရင်းမြစ်များ

KASAUKAN 2:7

Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.

YEHEZKIEL 37:14

Pasampuyon Ku painawo Kuno ra ralalom nilo koson mamayag risilo saguli'. Aku pana mangiou risilo mayan poyo giu' ra pagun nilo galama'. Makapandai ilo boo ra Aku noyo Tuhan. Binantu' Ku mambaal raginio am maaru' baalon Ku. Aku, Tuhan minindagu noyo.”

JUANIS 20:22

Sampuyo' No boo ilo am indagu, “Apuo' noyo Ambiluo ri Aki Kapuuno'.

IPISUS 2:5

saboi sabap ri Kristus itakau inanian ra kaayagan bagu. Ragili itakau koson ra minatoi ayuk ra pagilangan Nano sabap ra anggal am tula takau, kaa' raino sabap ra asi' ri Aki Kapuuno' binayag takau noyo.

ROMA 8:2

Sabap ra ukum ru Ambiluo ri Aki Kapuuno' ondo' mangani' ra kaayagan ra pasimpungan takau ri Kristus Jisus, nampalabus noyo raki' intor ra ukum ondo' mangkinibit ra tula am kapatayan.

PINAINTALANG 11:11

Pakasail talu ngoorou naintanga' ratong poyo painawo intor ri Aki Kapuuno' am subol ra baangkai nilo. Ilo pana bigor am ngaangai' ru ulun nagilong risilo no nalaa' kakaga'.

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.