YEHEZKIEL 37:12 - Tanou Moonsoi Timugon

¹² Ginio ra indagu no ra ragu manala' ra ulun Kuno, Israil, am balai' ilo ra Aku, Tuhan Raja' mangukab ra lobong nilo. Ingkualon Ku ilo intor ra giu' no am magibit risilo muli' ra pagun ru Israil.

YEHEZKIEL 37:12 ပူးပေါင်းရင်းမြစ်များ

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

GOSIA 13:14

Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

1 TISALONIKA 4:16

Sabap ra tingganai ru malaikat manusub ra bolos mosongou am bujung ri Aki Kapuuno' samputin, am Tuhan Jisus galama' boo tumuun intor ra suruga' am ulun namagatoi ondo' nangintopot ri Jisus pasiguluon bayago'.

JISAYA 66:14

Paat ra akau makakito ra kasaukan raginio, maansukan kau. Maligag kau koson ra sakot malabung. Bagu no makapandai kau ra Aku, Tuhan mangindangan ra ulun ondo' gumagaya' Raki', am pakitonon Ku sangit Kuno ra pantula' Kuno.”

PINAINTALANG 20:13

Ulun minatoi giu' ra raat, intor ra Patayan kapoam giu' ra Nabalu; ngaangai' inukuman maya' ra binaal nilono.

GOSIA 6:2

Mopongo ruo kapoam talu ngoorou babason No itakau am maayag takau giu' ra saang Nano.

YEHEZKIEL 37:25

Mamagun ilo ra pagun ondo' tinaakan Kuno ri Jakub, ulipon Kuno, giu' ra pagun inayanan ru kinamatuaan nilo. Ilo am papag nilo mayan ra giu' ra sabubuoi no. Sangulun raja' koson ri Daut, ulipon Kuno mamarinta risilo ra sabubuoi no.

YEHEZKIEL 36:24

Timungon Takamin intor ra moonong pagun am intor ra moonong bansa' am magibit ramuyun muli' ra pagun min galama'.

YEHEZKIEL 37:21

Pambala' boo risilo ra Aku, Tuhan Raja' manimung ra ngaangai' ulun Kuno intor ra pagun-pagun intok inangayan nilo. Ibiton Ku ilo muli' ra pagun nilo galama'.

YEHEZKIEL 28:25

Indagu Tuhan Raja', “Ibiton Ku ulun ru Israil muli' intor ra pagun-pagun intok nampatuliaran Kuno risilo, am ngaangai' bansa' makapandai boo ra Aku ti matulai. Ulun ru Israil mayan poyo ra pagun nilo galama', tana' ondo' tinaakan Kuno ri Jakub, ulipon Kuno.

SAGULION 32:39

“ ‘Aku noyo rorondo' i Aki Kapuuno'; kolondo' bokon ondo' ayuk am Aku. Mamutus Aku ra painawo, am manaak Aku ra painawo, mamilat Aku ra ulun, am mamabas Aku ra ulun; kolondo' sangulun pana makagula' ra baalon Kuno.

1 SAMUIL 2:6

Tuhan no mamatoi ra ulun, am Io niayuk mamayag risilo. Io mangator ra ulun mongoi ra intok ru ulun namagatoi, am Io niayuk magibit risilo saguli'.

YEHEZKIEL 37:4

Indagu Io, “Indagu no ra ragu manala' ra bungul-bungul no. Susubo' bungul-bungul no rumongog ra ragu ru Tuhan.

YEHEZKIEL 37:13

Mabaal Ku ngaangai' baal raginio, makapandai ilo boo ra Aku noyo Tuhan.

DANIL 12:2

Masuang ulun ondo' minatoi maayag saguli': mokoondo' ondo' makasia' ra kaayagan mantilayun, mokoondo' poyo ondo' maimbolo' ra mantilayun.

JIPANYA 3:20

Masaboi paat no; ibiton Ku muli' ulun ondo' nantutuliar; pasaukon Takamin ra mauligan kaga' giu' ra titikop ru tana', am pasaukon kau ra langkaya' igondo' poyo.” Tuhan nakaindagu noyo.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JOIL 3:5

Nampagaau kau ra mas am pirok Kuno, am niayuk nagibit ra rapu' kalangkayaan Kuno ra ralalom baloi ru sinungkalalaing min.