YEHEZKIEL 37:1 - Tanou Moonsoi Timugon

¹ Malimanan Ku kuasa' ru Tuhan, am Ambiluo Nano magibit raki' ra rondo' limayak ondo' nososok ra bungul.

YEHEZKIEL 37:1 ပူးပေါင်းရင်းမြစ်များ

1 RAJA'-RAJA' 18:12

Ati kulaan amon ru Ambiluo ru Tuhan magibit rirun mongoi ra intok ra bokon ondo' kalo mapandayan ru ulun, ra kakaugar ku ayuk mangiruan ra intok ragitio? Paat ra aku mambala' ra raja' ra soroi kou ragiti am raja' no kalo makauyum rirun, mamatoi io raki'. Karaa' noyo, topot-topot aku sumambayang ra Tuhan intor ra aku lakat poyo mamulok.

2 RAJA'-RAJA' 2:16

am indagu, “Akai limo ngoopor ngaulun ragiti, am ngaangai' mai maikang. Polosoon noyo akai maguyum ri Ilia, tuan muli. Maaru' Ambiluo ru Tuhan nagibit riso am nangiruan riso giu' ra rasawat ru gunung kapoam giu' ra limayak.” Indagu i Ilisa, “Pai', kalo pana mugar!”

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

JIRIMIA 7:32

Ginio ra, masaboi paat no ra intok raginio kalo boo sabiton ra Topit kapoam Limayak Ginom, kaa' Limayak Pamatayan. Lobongon nilo baangkai ra giu' no sabap ra kolondo' boo intok ra bokon.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

YEHEZKIEL 1:3

Giu' ra pagun Babilonia, giu' ra kiing ru Sungoi Kibar, nokorongog aku ra Tuhan minindagu raki', am nakaliman aku ra kuasa' Nano.

YEHEZKIEL 11:24

Ralalom ru pinaintalang no, nangkayang Ambiluo ri Aki Kapuuno' raki' am nagibit raki' saguli' ra intok ru ulun pinatiran giu' ra Babilonia. Pinaintalang no pana liminiot boo,

YEHEZKIEL 3:14

Kuasa' ru Tuhan rumatong raki' ra mapuor, am paat ra aku kinayang am inibit ru Ambiluo Nano, malimanan ku maruol guang am sumangit.

YEHEZKIEL 3:22

Makaliman aku ra kuasa' ru ratangan ru Tuhan am mokorongog Riso mindagu raki', “Ingkakat no am ongoi no ra limayak. Mindagu Aku rirun ra giu' no.”

YEHEZKIEL 33:22

Paat ra rondom ra io kalo poyo nakaratong, nakaliman aku ra kuasa' ru Tuhan. Paat ra ulun no nakasaboi ra suabon no, nambaal Tuhan raki' makaindagu saguli'.

YEHEZKIEL 37:2

Nagibit Tuhan raki' liminiput ra limayak no, am nakakito aku ra bungul-bungul nakulipatak ondo' masuang kaga' am mapua' kaga'.

YEHEZKIEL 40:1

Paat ra orou koopor, sila' kasaa' ralalom ru bilor karuo ngoopor am limo paat akai ralalom pamatiran, am bilor koopor am apat kalupus Jirusalim kinala, makaliman aku ra kuasa' ru Tuhan, am nagibit Io raki' minugar.

YEHEZKIEL 43:5

Nangkayang Ambiluo ru Tuhan raki' am nagibit raki' ra liliut ralalom. Giu' no nakakito aku ra Baloi ru Tuhan natikop ra sinda katulayan ru Tuhan.

YEHEZKIEL 8:1

Paat ra orou kalimo, sila' koonom ralalom ru bilor koonom paat ra akai ralalom ru pamatiran, tingganai-tingganai ru ulun pinatiran intor ra Jiuda soroi giu' ra baloi kuno. Pulali' ru kuasa' ru Tuhan Raja' nanguasa' raki'.

YEHEZKIEL 8:3

Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.

LUKAS 4:1

Paat ri Jisus minuli' intor ra Sungoi Jordan, kinuasa' Io toojo ru Ambiluo ri Aki Kapuuno' am inibit Io ru Ambiluo ri Aki Kapuuno' no giu' ra tana' kaagisan.

RINALATAN 8:39

Pakaasak ilo, ibito' i Pilipus ru Ambiluo ru Tuhan intor ra giu' i. Kalo boo nakito io ru pagawai i, am tungguli' nilo boo pangkiralanan nabaya' ra kaansukan.

PINAINTALANG 1:10

Paat ra orou sumambayang ra Tuhan, Ambiluo ri Aki Kapuuno' nanguasa' raki'. Pokorongog aku boo ra rondo' bolos ondo' mosongou kaga', koson ra bolos ru bujung ra bakulung kuni.