YEHEZKIEL 36:3 - Tanou Moonsoi Timugon

³ “Panala' no am potonowo' noyo atan ondo' paraguon Kuno, Tuhan Raja'. Paat ra bansa'-bansa' paginggaar mangala am mantakou ra kagunungan ru Israil, ilo ngaangai' magasab ra Israil.

YEHEZKIEL 36:3 ပူးပေါင်းရင်းမြစ်များ

MAZMUR 35:25

Pai' polosoo' ilo magigindagu galama', “Ginio noyo kasaga' mai ra buoi ti!” Pai' ilo polosoo' mindagu, “Naala mai io!”

MAZMUR 61:1

Ra tingganai ru santimungan maririmbai. Ondo' sumbayaan ra jitor. Mazmur ri Daut.

MAZMUR 69:12

Bulintok ra aku manulung ra bayang panguliran, kuritin nilo aku.

MAZMUR 79:10

Pai' polosoo' bansa'-bansa' ra bokon mangkuot, “Ati i Aki Kapuuno' mini?” Ukumi' noyo bansa'-bansa' raginio ra saang mai sabap ra napasasar ilo ra raraa' ru ulipon-ulipon Muli.

MAZMUR 79:4

Ngaangai' bansa' ra paginggaar mangiis ramon; makakurit ilo am magagasab ramon.

AMSAL 1:12

Raino kaayagan nilo matasu' am kolondo' maruol, kaa' pupus no masauk ilo koson ra ulun matikapatoi.

JIRIMIA 18:16

Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.

JIRIMIA 2:15

Pantula' nano mansangal koson ra singa', am nampasauk ra tana' nano kolondo' tutuu' am masiluk; bandar-bandar nangaurus, am kolondo' ulun minayan.

JIRIMIA 24:9

Mamparatong Aku ra karaat risilo saboi ngaangai' bansa' ra titikop ru tana' ti malaa'. Iison ilo, pasaukon ra kukuritin am tauyuon. Ati ayuk pantutuliaron Ku ilo, inggalan nilo alapon ra pagulasan.

JIRIMIA 33:24

“Nakapandai kou kia ra inimpayan Ku Israil am Jiuda, ruo sasambaloi ondo' pinili' Kuno? Ulun magasab ra ulun Kuno am kalo boo mangkara' risilo koson ra rondo' bansa'.

JIRIMIA 51:34

Raja' ru Babilonia nongolot-ngolot noyo ra Jirusalim am inakan-akan no. Sinaliir no bandar no koson ra ulun nanaliir ra rarapu'. Koson ra tambuakal, tinolon no bandar no. Inalap no atan ayuk kasagaan nano, am ondo' bokon no patirin no.

JIRIMIA 52:1

Umur ru Raja' Jidikia ruo ngoopor am rondo' ngambilor paat ra io nasauk ra raja' ru Jiuda, am namarinta giu' ra Jirusalim buoi mopor am rondo' ngambilor. Ina' nali ininggalanan ri Gamutal anak ri Jirimia intor ra bandar Libna.

SULABOI 2:2

Pinuso ru Tuhan ngaangai' kampung giu' ra Jiuda ra kolondo' guang makaasi', linunsai No kubu-kubu ondo' nasauk ra pangampin ru pagun. Nanauyu' Io ra pamarintaan am ulun nanguasa' nano.

SULABOI 2:5

Koson ra pantula', namuso noyo Tuhan ra Israil; namuso Io ra ngaangai' kubu am istana nano. Namparuang Io ra kangilukan ru mamagun ru Jiuda.

SULABOI 3:62

Nonsongorou ilo mansusunur raki', am mangatang koson mampajamar raki'.

YEHEZKIEL 12:20

Bandar-bandar ondo' raino nososok ra ulun mangapuso, am pagun no masauk ra tana' kaagisan. Paat raginio noyo bagu no makaliman ilo ra Aku noyo Tuhan.”

YEHEZKIEL 13:10

“Nabi-nabi no nampalayau ra ulun Kuno ra minindagu ra ngaangai' no moonsoi ayuk, kaa' sotopot no ngaangai' no kalo moonsoi! Ulun Kuno nambaal ra timbok ondo' kalo maikang, nabi-nabi no pana minatong am pinulak ginio ra kapur.

YEHEZKIEL 35:13

Nokorongog Aku ra ngaangai' pagasaban min Raki'.”

YEHEZKIEL 36:5

“Ralalom ru simbuluk ru sangit Kuno, Tuhan Raja' nagulas ra bansa'-bansa' paginggaar no, mulu' poyo ra Idom. Pinabaya' ra maansayan am paliso magasab, ginaau nilo pagun Kuno am padang sakot no.

DANIL 9:16

Sinaung Mu akai ragili. Ginio ra pai' noyo boo sangit ra Jirusalim. Bandar ti bandar Muno, bulur Muno ondo' matulai. Ngaangai' ulun intor ra pagun-pagun paginggaar nagasab ra Jirusalim am ulun Muno, sabap ra tula mai am kalaatan ondo' binaal ru kinamatuaan mai.

IMAMAT 26:43

Kaa' makapagulu, musiti' pagun no kolondo' soroi ra mamagun no maa' raginio totopot makatangus. Musiti' ulun Kuno maukuman ra ngaangai' ukum, sabap ra marara' gumagaya' ra ukum am susuban Kuno.

OBAJA 1:13

Akau sotopot no kalo sumubol ra ralalom ru bandar ru ulun Kuno koson maansukan sabap ra mamagun nano maimbolo', am koson mampagaau ra rapu' nilo paat ilo malumpa' ru karaat.

1 KORINTUS 4:13

paat ra akai uwin, ruliin mai ra ragu moonsoi. Saboi raino akai koson ra ginsamol ru tana' ti; akai noyo nasauk koson ra jamol ra pagilangan ru ulun.

SAGULION 28:37

Giu' ra pagun-pagun intok napatuliaran ru Tuhan ramuyun, makatigog ulun magilong ra baal ondo' nasauk ramuyun. Magagasab am manauyu' ilo ramuyun.