YEHEZKIEL 34:4 - Tanou Moonsoi Timugon

⁴ Kalo babason min ondo' malawo, kapoam mamabas ra ondo' marualan, kapoam mamangkos ra ondo' napilat, kapoam magibit muli' ondo' nakalayau kapoam maguyum ra ondo' natatak. Kaa' malaat boo pamakuan min ra ngaangai' domba no.

YEHEZKIEL 34:4 ပူးပေါင်းရင်းမြစ်များ

MATIUS 9:36

Paat ra Io magilong ra ulun masuang no, makaasi' Io toojo risilo, sabap ra ilo ti mangalaa' am mangalawo koson ra domba kolondo' magagalung.

YEHEZKIEL 34:16

“Uyumon Ku ilo ondo' natatak, ibiton muli' ilo ondo' nakalayau, am babason ilo ondo' marualan; kaa' ilo ondo' molomok am maikang pusoon Ku, sabap ra Aku magagalung ondo' mambaal ra matimpok.

MATIUS 10:6

Kaa' ongoi kau ayuk ra ulun ru Israil, domba ondo' timinanggau.

IBRANI 12:12

Kaikango' noyo rondo' am bokon koson ra kalindu' malami' kapoam atur monontol kaikangon.

2 KORINTUS 1:24

Kalo mompogogot akai maningganai ramuyun koson mambala' ra atan musiti' intopoton min, sabap ra mangintopot kano toojo ri Kristus. Kaa' masaga' akai ayuk maguguyu ramuyun, maa' raginio maansayan kau toojo.

JIRIMIA 8:22

Kolondo' kia tatapis giu' ra Giliad? Kolondo' kia duktur ra giu' no? Kua kia ra bansa' kutu kalo mapali'?

MATIUS 24:49

Io pana tumalimpuun boo mampalamba' ra ulipon-ulipon ra bokon no am mangakan am manginum io ra ulun gagaukon.

MATIUS 21:35

Kaa' rokopo' nilo ulipon ru tatangan ra umo i. Sangulun i linamba' nilo, ondo' bokon i pinatoi nilo am bokon binobol nilo ra batu.

JIRIMIA 22:13

Aibui boo ra ulun ondo' nambaal ra baloi nano ra kolondo' katimpakan, am kinaayo no ra kolondo' kabanisan ru guang. Nanusub io ra ulun mangandoi ra kalo gajiin, am kalo nambayar ra gaji' nilo.

JISAYA 56:10

Kon ru Tuhan, “Ngaangai' tingganai ru bansa' Kuno ioginio ulun bolou! Kolondo' atan-atan napandayan. Ilo koson ra uku' bungangang ondo' kalo magusig, kaa' mombolong ayuk am maginupi. Mombolong ayuk kapandayan nilo am maginupi.

IMAMAT 25:43

Pai' kapuka' ra ulun ru Israil ondo' mantalan ra inan nilono ramuyun koson ra inulipon, kaa' kalaa' noyo ri Aki Kapuuno' mino.

JISAYA 1:5

Kua kia rayusi' min gumuor? Masaga' kau kia ukumin ra maagat poyo no? Alii ra Israil, ulu mino nototop noyo ra pipilat. Guang am pangkaraan mino marualan.

JISAYA 3:7

Kaa' tumaam ulun no, “Kalo makapangindangan aku ramuyun. Aku galama' kolondo' akanon am bayang. Pai' aku sauko' ra tingganai min!”

YEHEZKIEL 19:6

Nasukor anak no am liminatok ra singa'-singa' ungkuyon ra bokon. Migila' io niayuk mansaam am masauk ra mangakan ra ulun.

YEHEZKIEL 19:7

Linunsai no kubu am nampalunsai ra bandar. Mamagun ru pagun mangalaa' moonong ra io mansangal.

YEHEZKIEL 19:9

Inaput nilo io ra ralalom ru kandang, am inibit io ra raja' ru Babilonia. Inalungan nilo io maa' raginio kalo boo morongog bolos nano giu' ra tampak ru bulur-bulur ru Israil.