YEHEZKIEL 34:2 - Tanou Moonsoi Timugon

² “Okou ulun mapandai matoi, ulaso' raja'-raja' ru Israil. Panala' no am posoboyo' atan ondo' paraguon Kuno, Tuhan Raja' risilo, ‘Aibui boo ramuyun, akau magagalung ru Israil. Alungin min ayuk kaatangan min galama' am sala' ka kaatangan ru domba-domba.

YEHEZKIEL 34:2 ပူးပေါင်းရင်းမြစ်များ

JIRIMIA 23:1

Mapara' boo makalalaa' ukuman ru Tuhan risilo panguasa' ondo' namuso am nampatutuliar ra ulun Nano!

JIRIMIA 3:15

Mangani' Aku ramuyun ra tingganai-tingganai ondo' gumagaya' Raki'. Maningganai ilo ramuyun ra kapintaran am pangaratian.

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

JIRIMIA 10:21

Taam aku, “Tingganai takano sasambungon. Kalo makitulu' ilo ra Tuhan. Ginio sabap ra itakau kalo nakasugut, am bansa' takano nakapantuliar ra ati-ati.

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

RINALATAN 20:29

Napandayan ku noyo ra pakaugar aku, mokoondo' ulun koson ra taani masangit mongoi simpung ramuyun am ulun ondo' inalungan mino gaawon intor ramuyun.

JAKARIA 11:17

Kaulas noyo magagalung ondo' kolondo' onong no! Nangiruan io ra domba sampanon nano. Pangayawan mamupus ra kuasa' nano. Kalindu' nano lumawo am mato pamiris nano moolou.”

YEHEZKIEL 13:19

Magasab kau Raki' ra saang ru ulun Kuno koson makaalap ra sogonggom barli am kukula' ruti'. Ulun ondo' kalo musiti' matoi, potoyon min am ulun ondo' kalo musiti' maayag, polosoon min maayag. Akau pana nagabau ra ulun Kuno am mangintopot ilo ramuyun.’ ”

RINALATAN 20:26

Ginio boo ra, balain takamin toojo ra orou raiti'; Amon ru mokoondo' lair intor ramuyun no mapuso ra tauli no, pai' min aku sonsolo'.

JIRIMIA 12:10

Masuang panguasa' ra bansa' bokon nampapaluyak ra umo ru anggur Kuno; pinanjak-panjak nilo umo Kuno. Kinulau nilo pagun Kutu ondo' moonsoi nasauk ra tana' kaagisan.

JIRIMIA 2:8

Kalo nangkuot imam-imam, ‘Ati boo Tuhan?’ Imam-imam Kuno pana kalo nakaulig Raki'. Panguasa'-panguasa' giminuor Raki'; nabi-nabi minindagu ralalom inggalan ru Baal am sinamba sinungkalalaing ondo' kolondo' onong.”

YEHEZKIEL 33:24

“Okou ulun mapandai matoi, ulun ondo' minayan giu' ra intok nalunsai ra bandar-bandar ru Israil mindagu, ‘I Abragam sangulun ayuk, am nakaalap ra titikop ru tana' ti; kaa' itakau ti masuang, am maaru' no tana' ti masauk ra longgom takau.’

2 SAMUIL 5:2

Intor ragili, am poyo paat ra Raja' Saul lakat poyo raja' mai, okou noyo naningganai ra saujor ru Israil nangayou. Binantu' niayuk ru Tuhan no rirun ra okou maningganai ra ulun Nano am masauk ra raja' nilo.”

JUANIS 10:8

Ngaangai' ondo' nakasigulu Raki', ilo ti mantatakou am mampapagaau ayuk, kaa' kalo nangkirongog sampanon ru domba no risilo.

2 KORINTUS 12:14

Gitio kaintalu ra aku nakatampos mongoi ramuyun. Pai' ru mantipagon aku ramuyun, sabap ra akau no tupo kasagaan kuno, sala' ka ruit mino. Pai' ru anak no ondo' mampakan ra matuo nano, kaa' matuo ondo' mampakan ra anak nilai no.

JUDAS 1:12

Paat ra pagakanan min ra Kristian, moroot ilo am mampakaatang ra kasagaan galama' ayuk. Ilo ti koson ra gaun ondo' siabin ayuk ru bagiu', kaa' kalo niayuk mamparasam. Mogondo' ilo niayuk ra puun tataun ondo' kalo mangkawa' paat ra pangkawaan nano. Koson ilo ra puun tataun ondo' binubul noyo ra bakat nano pana – minatoi boo toojo.

YEHEZKIEL 22:25

Tingganai-tingganai nilo koson ra singa' ondo' mansangal malupus nansaam ra akanon. Namatoi ilo ra ulun, nampagaau ra ngaangai' ruit am rapu', am niayuk nangkinibit ra masuang ruandu' nasauk ra napuor.

YEHEZKIEL 34:1

Indagu Tuhan raki',

YEHEZKIEL 34:14

Polosoon Ku ilo mongkotop ra maansukan giu' ra padang masansam. Mangiou Aku risilo mangakan giu' ra padang sakot giu' ra gunung, giu' ra limayak, am giu' ra padang sakot ondo' masansam giu' ra Israil.

YEHEZKIEL 34:15

Aku galama' magalung ra domba-domba Kuno. Maguyum Aku ra intok tangusan risilo. Aku, Tuhan Raja' nakaindagu noyo.

AMOS 6:4

Aibui boo ramuyun ondo' liminuya' ra intok kaalangan ondo' moonsoi kaga', am munsag ra mangakan ra kual ru anak sapi' am anak domba!

JISAYA 56:11

Koson ilo ra uku' moroot ondo' kalo maasug-asug. Tingganai-tingganai raginio kalo makarati'. Sigagama' mambaal ra kasagaan ru guang am maguyum ra kalabaan nano galama'.