YEHEZKIEL 32:7 - Tanou Moonsoi Timugon

⁷ Paat ra Aku mamuso rirun, siliin Ku limbowon am mampalasa' ra ngaangai' butitin. Mato ru orou libungin ru gaun, am bulan pana kolondo' boo sinda.

YEHEZKIEL 32:7 ပူးပေါင်းရင်းမြစ်များ

MATIUS 24:29

“Kalo mabuoi malupus bulintok kapaganan raginio, mato ru orou lumondom, bulan kalo boo sumila' am butitin-butitin rumatu' intor ra limbowon, am ikang ru limbowon uyogon.

JOIL 2:31

Kalo poyo ra orou ru Tuhan ondo' makalalaa' am moporos no masaboi, mato ru orou masauk ra molondom, am sila' masauk ra malia' koson ra raraa'.

JOIL 2:2

Orou raginio molondom am majuut, orou maitom am makagaun. Saujor ru gapu' no matong koson ra kalandaman ondo' liminibung ra kagunungan. Kalo poyo igondo' nasauk baal koson ragitio, am baal ragitio kalo boo masauk saguli'.

YEHEZKIEL 30:3

Orou no mamaar noyo, paat Tuhan mimbuor. Orou raginio molondom am mapagon ra tayar ru bansa'-bansa'.

JISAYA 34:4

Mato ru orou, bulan, am butitin matutuk. Limbowon mapuso, ilain koson ra rinulun koson naskhah rinulun. Butitin-butitin maratu' koson ra raun matutu' intor ra puun ru anggur kapoam puun ru nunuk.

JISAYA 13:10

Moonong butitin am tinting ru butitin lumasa' sinda no. Mato ru orou lumondom bulintok sumirang am bulan kolondo' boo sinda.

JOIL 3:15

Mato ru orou am sila' lumondom, am butitin-butitin kalo boo suminda.

PINAINTALANG 8:12

Malaikat kaapat no boo nanamput ra bujung. Sampitalu ru mato ru orou no, bulan no am butitin-butitin no nangakulau boo. Ioginio saboi sampitalu ru sinda nilai mairu' am sampitalu ru orou am rondom kolondo' sinda.

MARKUS 13:24

“Mopongo orou kaimbalaan raginio, mato ru orou lumondom am bulan kolondo' binusasal.

AMOS 8:9

Masaboi paat ra Aku mangkinibit ra mato ru orou tumolop paat ra tanga' ru orou am tana' ti lumondom paat ra orou matawang. Aku, Tuhan Raja' nakaindagu noyo.

YEHEZKIEL 30:18

Bandar Tapanis lumondom paat ra orou Aku manguasa' ra Misir am mamuso ra kuasa' nano ondo' limbawan nano. Misir libungin ru gaun, am ngaangai' mamagun ru bandar no rokopon.

JIRIMIA 13:16

Urumato' noyo Tuhan, i Aki Kapuuno' muno ra Io kalo poyo mamparatong ra kalandaman, am kalayam muno makasaru ra kagunungan; ra kalo poyo sinda ondo' lansanin min kulawon masauk ra molondom kaga'.

AMSAL 13:9

Ulun motopot koson ra lampung makasinda, kaa' ulun malaat koson ra lampung matikalasa'.

LUKAS 21:25

“Gitio noyo tatandu' ru pamupusan no; mato ru orou, bulan am butitin kulawon. Ngaangai' ulun ru tana' ti malawo am malaa' ilo ra bobolos am kinulun ru raat.

AYUP 9:7

Mainggalaran ri Aki Kapuuno' mato ru orou sumirang, am mainggalaran butitin-butitin suminda paat ra rondom.

MAMPATANOU 12:2

Bulintok raginio mato min kalo boo makakito saboi sinda ru mato ru orou, bulan am butitin masauk ra molondom. Kapaganan koson ra gaun masait mompolondom ramuyun.

YEHEZKIEL 31:15

Koon raginio noyo ragu ru Tuhan Raja', “Paat ra orou tuunan ru puun tataun no ra intok ru ulun minatoi, mangkinibit Aku ra timug giu' ra ragana' ru tana' manimug riso koson ra tatandu' mangulir. Ompongon Ku aug ru timug ru sungoi am sonsongon sungoi-sungoi boborok. Sabap ra puun tataun no minatoi noyo, porotongon Ku kalandaman giu' ra Kagunungan Libanon am mampasauk ra ngaangai' puun tataun giu' ra kataunan lumonot.

YEHEZKIEL 34:12

koson ra sangulun magagalung maguyum am manimung ra domba-domba nano ondo' nantutuliar. Timungon Ku ilo intor ra intok ilo pinatutuliar paat ra rondom ondo' molondom am karaat no.

JOIL 2:10

Tana' ti malunggun paat ra gapu' sumuku', am limbowon pana monontol. Mato ru orou am sila' lumondom, butitin-butitin kalo boo suminda.