YEHEZKIEL 32:24 - Tanou Moonsoi Timugon

²⁴ “Soroi i Ilam ra giu', liniputan ru lobong-lobong ru saujor nano. Ilo ngaangai' minatoi ralalom pangayawan, am timinuun ra intok ru ulun minatoi ra kalo nakaulig ri Aki Kapuuno'. Bulintok naayag, nampatabual ilo mampalalaa' ra gino ngai' ru ulun, kaa' raino minatoi ilo am nansaan ra uyu'.

YEHEZKIEL 32:24 ပူးပေါင်းရင်းမြစ်များ

YEHEZKIEL 32:30

“Ngaangai' ulun manguasa' ru pagun-pagun ralayo soroi ra giu', koon raginio niayuk ra ulun ru Sidon. Rondo' paat ragili kuasa' nilo nampatabual ra mampalalaa', kaa' raino minatoi ilo am tinauyu' nababaya' risilo ondo' minatoi ralalom pangayawan. Linobong ilo nababaya' ra ulun ondo' kalo makaulig ri Aki Kapuuno'. Nansaan ilo ra pagasaban ru ulun ondo' timinuun ra intok ru ulun minatoi.

YEHEZKIEL 32:25

Liminangan i Ilam nabaya' risilo ondo' minatoi ralalom pangayawan, liniputan ru lobong-lobong ru saujor nano. Ngaangai' no minatoi ralalom pangayawan. Bulintok naayag, nampatabual ilo mampalalaa' ra gino ngai' ru ulun, kaa' raino minatoi ilo am nansaan ra uyu' nababaya' ra ulun ondo' minatoi ralalom pangayawan.

YEHEZKIEL 32:18

“Okou ulun mapandai matoi, panulaboi no ra tayar ru mamagun Misir ondo' masuang no. Atari' noyo ilo mababaya' ra bansa' ra bokon ondo' maikang ra intok ru ulun minatoi.

YEHEZKIEL 26:20

Atarin Tokou ra intok ru ulun minatoi maa' raginio mayan kou masimpung ra ulun ra galing i. Polosoon Tokou lumayun ra intok ru ulun minatoi, giu' ra tanga' ru nalunsai ondo' mantilayun, mabaya' ra ulun minatoi. Tana' muno pana kalo boo ayanin ru ulun, am kalo makasimpung kou ra gino ngai' ru ulun maayag.

YEHEZKIEL 16:54

Mauyu' kou ra inan muno galama'. Sabap ra baal muno ondo' makauyuyu' no, pabukat-pabukat muno makaliman ra mapara' bonsoi ru baal nilo.

YEHEZKIEL 16:52

Raino nansaan kou kalalaat ra uyu'. Maayo poyo tula muno ka tula ru pabukat-pabukat muno. Ilain ayuk koson ilo kolondo' sala amon ru pogondoon rirun. Musiti' kou mauyu' am mansaan ra uyu', sabap ra pabukat-pabukat muno ilain mapasau.”

KASAUKAN 10:22

Anak-anak ungkuyon ri Siim iono i Ilam, Asyur, Arpaksad, Lud am i Aram, ilo ti noyo kinamatuaan ru ondo' namakai ra inggalan nilo.

YEHEZKIEL 44:13

Kalo iowon ilo mangandoi Raki' koson ra imam, kapoam minggaar ra atan ayuk ondo' mapasau ra tayar Kuno, kapoam sumubol ra Lamin Matulai Kaga'. Gitio noyo ukuman tayar ru binaal makauyuyu' ondo' binaal nilo.

YEHEZKIEL 39:26

Paat ilo mayan poyo giu' ra pagun nilo galama' ra kaansayan, am kolondo' sangulun pana mampajajou risilo, am ilo pana mampalilian ra nagasaban risilo sabap ra nanumbalik Raki'.

YEHEZKIEL 34:29

Aniin Ku ilo ra tana' ondo' malabung am niayuk mamuso ra bitilan giu' ra pagun no. Bansa' ra bokon kalo boo magagasab risilo.

KASAUKAN 14:1

Mokoondo' apat ngaulun raja', iono: Raja' Amrapil intor ra Babilonia, Raja' Ariok intor ra Ilasar, Raja' Kidorlaomir intor ra Ilam am Raja' Tidial intor ra Goyim nangayou ra limo ngaulun raja' ra bokon, iono: Raja' Bira intor ra Sodom, Raja' Birsya intor ra Gomora, Raja' Syinab intor ra Adma, Raja' Simibir intor ra Jiboim am raja' intor ra Bila ondo' sabiton niayuk ra Joar.

ABAKUK 2:16

Raino nasaboi paat min koson tauyuon am sala' ka urumaton. Pangurumatan ramuyun makulau masauk ra pagasaban. Jajalin kau ru Tuhan manginum intor ra sangkir ondo' suang no ukuman; manginum kau am mangkasiling.

DANIL 8:2

Ralalom ru pinaintalang no, pulali' ku nakaliman ra inan ku giu' ra wilayah Ilam, giu' ra Susan, pusor bandar Pirsia. Minigor aku mamaar ra Sungoi Ulai.

YEHEZKIEL 36:15

Pagun ti kalo boo asabin kapoam iison ru bansa'-bansa'. Pagun ti kalo boo mamuso ra mamagun nano. Aku, Tuhan Raja' nakaindagu noyo.”

YEHEZKIEL 32:21

Ulun-ulun tutumula' am ulun ondo' manaung ra Misir manguma' ra ratangan ru ulun ru Misir mongoi ra intok ru ulun minatoi. Nagilakup ilo, ‘Ilai', ulun ondo' kalo makaulig ri Aki Kapuuno' minatoi ralalom pangayawan. Raino matong ilo ragiti, am lumangan ragiti!’

YEHEZKIEL 31:14

Ginio ra intor raino, kolondo' boo puun tataun ondo' tumuu' koson ra sawat raginio kapoam mokoondo' ra untu ondo' makasaboi ra gaun kabalu' pana mokoowot ra timug masuang. Ngaangai' no musiti' matoi koson ra ulun mapandai matoi am tumimung mabaya' ra ulun ondo' timinuun ra intok ru ulun minatoi.”

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

AYUP 28:13

Kapintaran kalo matuum ra gino ngai' ru ulun; kolondo' osoi pana nakapandai ra logo ra sotopot no.

1 TUNUNG RU BANSA' ISRAIL 1:17

Anak ungkuyon ri Siim iono i Ilam, i Asyur, i Arpaksad, i Lud, i Aram, i Us, i Gul, i Gitir am i Misik. Ilo no kinamatuaan ru bansa'-bansa' ondo' sabiton sumugut ra inggalan nilo.

MATIUS 11:23

Am akau, ulun ru Kapirnaum! Guang min, painsawaton kau saboi ra suruga'? Patirin kau giu' ra naraka! Amon ru kaimuagan ondo' binaal ra tatanga' ramuyun i binaal ra giu' Sodom, maaru' Sodom i lakat ayuk poyo soroi ra raino ti!

MAZMUR 142:5

Ilain ku pangkiing kuno, kolondo' sangulun pana makapangindangan raki'; kolondo' sangulun pana makapanindung raki'. Kolondo' sangulun pana mampalio raki'.

JISAYA 38:11

Mangkara' aku, giu' ra intok ru ulun maayag kalo boo makakito aku ra Tuhan, kapoam osoi pana ulun ondo' lakat poyo maayag.

JIRIMIA 11:19

Koson aku ra domba ra kalo manantam ondo' inibit mongoi ra intok pamatayan. Kalo nakapandai aku ra aku noyo nasauk ra sonsolon ru paguguuman nilo. Konilo, “Ibok no ongoyo' takau tagaro' puun tataun no ra malabung ayuk poyo; ibok no potoyo' takau io maa' raginio inggalan nano malilianan ru ulun.”

YEHEZKIEL 31:18

“Puun tataun no tatandu' ru raja' ru Misir am mamagun nano. Kolondo' puun tataun giu' ra Idin ondo' totopot masawat am matulai. Kaa' raino, koson ra puun tataun giu' ra Idin, puun tataun no timinuun ra intok ru ulun minatoi am minayan risilo ondo' kalo makaulig ri Aki Kapuuno' am niayuk ilo ondo' minatoi ralalom ru pangayawan. Aku, Tuhan Raja' nakaindagu noyo.”

YEHEZKIEL 32:19

Raguo' noyo risilo, ‘Mangkara' kau kia ra mantalur kau poyo intor ra ulun ra bokon? Tumuun kau ra intok ru ulun minatoi, am lumangan ra giu' mababaya' ra ulun ondo' kalo makaulig ri Aki Kapuuno'.’