YEHEZKIEL 32:19 - Tanou Moonsoi Timugon

¹⁹ Raguo' noyo risilo, ‘Mangkara' kau kia ra mantalur kau poyo intor ra ulun ra bokon? Tumuun kau ra intok ru ulun minatoi, am lumangan ra giu' mababaya' ra ulun ondo' kalo makaulig ri Aki Kapuuno'.’

YEHEZKIEL 32:19 ပူးပေါင်းရင်းမြစ်များ

YEHEZKIEL 31:18

“Puun tataun no tatandu' ru raja' ru Misir am mamagun nano. Kolondo' puun tataun giu' ra Idin ondo' totopot masawat am matulai. Kaa' raino, koson ra puun tataun giu' ra Idin, puun tataun no timinuun ra intok ru ulun minatoi am minayan risilo ondo' kalo makaulig ri Aki Kapuuno' am niayuk ilo ondo' minatoi ralalom ru pangayawan. Aku, Tuhan Raja' nakaindagu noyo.”

YEHEZKIEL 32:24

“Soroi i Ilam ra giu', liniputan ru lobong-lobong ru saujor nano. Ilo ngaangai' minatoi ralalom pangayawan, am timinuun ra intok ru ulun minatoi ra kalo nakaulig ri Aki Kapuuno'. Bulintok naayag, nampatabual ilo mampalalaa' ra gino ngai' ru ulun, kaa' raino minatoi ilo am nansaan ra uyu'.

YEHEZKIEL 32:21

Ulun-ulun tutumula' am ulun ondo' manaung ra Misir manguma' ra ratangan ru ulun ru Misir mongoi ra intok ru ulun minatoi. Nagilakup ilo, ‘Ilai', ulun ondo' kalo makaulig ri Aki Kapuuno' minatoi ralalom pangayawan. Raino matong ilo ragiti, am lumangan ragiti!’

YEHEZKIEL 31:2

“Okou ulun mapandai matoi, posoboyo' ragu Kuno ra raja' ru Misir am ngaangai' ru mamagun nano: Maikang kau kaga'! Kolondo' makagula' rirun.

YEHEZKIEL 28:10

Matoi kou koson ra ulun asabin, pinatoi ru ulun bansa' ra bokon ondo' kalo makaulig ri Aki Kapuuno'. Aku, Tuhan Raja' minindagu noyo.’ ”

1 SAMUIL 17:36

Namatoi aku noyo ra singa' am baawang, am ulun ru Palistin ondo' kalo nakaulig ri Aki Kapuuno' no, niayuk nogondo' pamakuan kuno koson ra bibiag raginio, sabap ra makakau' io manggal ra saujor ri Aki Kapuuno' ondo' naayag.

1 SAMUIL 17:26

Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”

YEHEZKIEL 32:26

“I Misik am i Tubal soroi ra giu', liniputan ru lobong-lobong ru saujor nilo. Ilo ngaangai' kalo nakaulig ri Aki Kapuuno', am ilo ngaangai' minatoi ralalom pangayawan. Kaa' rondo' paat ragili nampalalaa' ilo ra ulun naayag.