YEHEZKIEL 31:3 - Tanou Moonsoi Timugon

³ Okou koson ra puun tataun sidar giu' ra Libanon, nososok ra pango ondo' masuang am moonsoi, puun tataun ondo' masawat saboi untu nano makasaboi ra gaun.

YEHEZKIEL 31:3 ပူးပေါင်းရင်းမြစ်များ

MAZMUR 92:12

Makito ku pantula' kuno maala, am makaining ra golok ru ulun malaat ondo' mangayou raki'.

JISAYA 37:24

Nanusub kou ra kukula' ngaulun koson lumimbau ri saang Kuno, pangkaraan muno kurita' kuda muno makapanguasa' ra gunung-gunung mangasawat giu' ra Libanon. Ragu muno ayuk maayo ra tinagar mu kunu' puun ru tataun sidar ondo' masawat kaga', am puun ru sipris ondo' moonsoi kaga', am naliput mu kunu' kataunan ru Libanon ondo' makapal no.

JIRIMIA 17:8

Koson io ra puun tataun ondo' tumuu' giu' ra kiing ru sungoi ondo' kalo tumilis; bakat no gumawar saboi ra timug. Bulintok malasu' kalo malaa' io, sabap ra raun-raun nano masalok masansam; kabalu' pana malumpa' pagun ra tampio, kolondo' pagalabaan nano, sabap ra masalok io mangkawa'.

JIRIMIA 50:18

Sabap no ginio, Aku Tuhan Ondo' Maayo Kaga' Kuasa', i Aki Kapuuno' ru Israil, mangukum ra Raja' Nibukadnijar am pagun nano, koson ra Aku nangukum ra raja' ru Asyur.

YEHEZKIEL 17:22

Gitio noyo ragu ru Tuhan Raja', “Mangkatu' Aku ra umbus mamulok intor ra untu ru puun tataun sidar ondo' masawat; tonomon Ku ginio giu' ra gunung ondo' masawat,

YEHEZKIEL 19:11

Bulisang-bulisang nano masauk ra maikang saboi masauk ra jujuga' ru pamarintaan. Puun no sumawat makasuku' ra gaun, am kaansayin ru ngaangai' ulun sabap masawat am maawas raun nano.

YEHEZKIEL 31:10

“Ginio ra Aku, Tuhan Raja' mambala' ramuyun atan ondo' masauk ra puun tataun ondo' untu nano nakasaboi ra gaun. Gumaai sawat nano, gumaai limbau ru puun tataun no.

YEHEZKIEL 31:16

Paat ra Aku mampatuun ra puun tataun no ra intok ru ulun minatoi, bolos ru karatuan nano manguyog ra bansa'-bansa'. Ngaangai' puun tataun giu' ra Idin am ngaangai' puun tataun moonsoi kaga' giu' ra Libanon ondo' mokoowot ra timug ra masuang kaga', ondo' timinuun noyo ra intok giu' ra ragana' maansukan sabap ra karatuan nano.

YEHEZKIEL 31:17

Ngaangai' puun tataun mangator riso ra intok ru ulun minatoi koson maya' ra puun tataun ondo' nakapagulu noyo naratu' ragili. Ngaangai' ondo' siminindung ra saau ru puun tataun no mantutuliar ra gino ngai' ru bansa'.

YEHEZKIEL 31:5

Sabap ra naukop timug nano intor ra puun tataun ra bokon. Raan nano giminayo am maawar.

YEHEZKIEL 31:6

Ngaangai' salinut ru susuit nanabunsut ra raan nano, bibiag masigo naganak ra saau ra raan nano. Bansa'-bansa' sumindung ra saau nano.

YEHEZKIEL 31:8

Kolondo' puun tataun sidar giu' ra taman ri Aki Kapuuno', ondo' mokogondo' ra puun tataun no. Kolondo' puun tataun fir ondo' makaraan koson ra raan nano. Kolondo' puun tataun berangan ondo' makapango koson ra pango nano. Kolondo' puun giu' ra taman ri Aki Kapuuno' ondo' koson ra bonsoi ru puun raginio.

YEHEZKIEL 32:22

“Soroi Asyur ra giu', liniputan ru lobong-lobong ru saujor-saujor nano. Ilo ngaangai' minatoi ralalom pangayawan,

DANIL 4:10

“Tatanga' ra aku nombolong, nakakito aku rondo' puun tataun ondo' makalu giu' ra tatanga' ru tana' ti.

DANIL 4:12

Raun-raun no moonsoi am kawa' no maawas kaga' – maukop koson akanon ru ulun ra titikop ru tana' ti. Bibiag masigo sumindung ra saau nano; susuit mambaal ra bunsut ra raan nano am ngaangai' ondo' maayag mangakan ra kawa' nano.

DANIL 4:7

Ngaangai' ulun mangilong, ulun mapandai kaga' ra sihir, ulun makakapandayan am ulun mapandai kaga' ra nujum ibiton muma'. Nantunung aku ra inupi kuno, kaa' kalo makapambala' ilo ra arati' nano.

JIPANYA 2:13

Mopongo raginio pakayon ru Tuhan kuasa' Nano koson manutuk ra Asyur. Bandar Niniwi saukon ra intok ondo' masiluk kaga' am tana' kaagisan ondo' mapua'.

JAKARIA 11:1

Okou Libanon, ukabi' noyo kulobon-kulobon muno, maa' raginio apui mokosolob ra puun ru sidar muno.

JAKARIA 11:2

Okou puun ru sipris, pantangi' no am panulaboi no, sabap ra puun ru sidar naratu' noyo; puun-puun tataun ondo' maayo napuso noyo. Akau puun-puun ru oak giu' ra Basan, pantangi' no am panulaboi no, sabap ra kataunan makapal tinagar noyo.

TINGGANAI RU BANSA' 9:15

Taam bulungkut makaruui no, ‘Amon totopot guang min masaga' ra masauk aku ra raja' min, ibok no sindung ra saau kutu. Kaa' amon ru kalo, mingkual apui intor ra pango-pango kuno ondo' makaruui am monolob ra ngaangai' puun sidar giu' ra Libanon.’ ”