YEHEZKIEL 31:2 - Tanou Moonsoi Timugon

² “Okou ulun mapandai matoi, posoboyo' ragu Kuno ra raja' ru Misir am ngaangai' ru mamagun nano: Maikang kau kaga'! Kolondo' makagula' rirun.

YEHEZKIEL 31:2 ပူးပေါင်းရင်းမြစ်များ

JIRIMIA 1:17

Okou Jirimia, tampos no! Ugar no am balai' ilo intor ra ngaangai' ondo' nanusuban Kuno rirun. Pai' no kalaa' risilo maa' raginio kalo mangkinibit Aku rirun malaa' poyo paat ra okou muma' risilo ra maagu no.

JIRIMIA 1:5

“Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”

YEHEZKIEL 29:15

iono pamarintaan ondo' malawo kaga' am kalo makapanguasa' ra bansa'-bansa' ra bokon. Saukon Ku ilo ra malawo toojo saboi ilo kalo makapamarinta ra ati-ati bansa'.

YEHEZKIEL 29:19

Ginio ra Aku, Tuhan Raja' mindagu, ‘Pataakon Ku pagun ru Misir ra Raja' Nibukadnijar. Talingaawon no pagun no am mampagaau ra ngaangai' rapu' ru pagun no koson ra gaji' ru saujor nano.

YEHEZKIEL 30:10

Indagu Tuhan Raja', “Pakayon Ku Raja' Nibukadnijar intor ra Babilonia koson manutuk ra kalangkayaan ru Misir.

YEHEZKIEL 31:18

“Puun tataun no tatandu' ru raja' ru Misir am mamagun nano. Kolondo' puun tataun giu' ra Idin ondo' totopot masawat am matulai. Kaa' raino, koson ra puun tataun giu' ra Idin, puun tataun no timinuun ra intok ru ulun minatoi am minayan risilo ondo' kalo makaulig ri Aki Kapuuno' am niayuk ilo ondo' minatoi ralalom ru pangayawan. Aku, Tuhan Raja' nakaindagu noyo.”

PINAINTALANG 10:11

Binalaan aku poyo, “Pabalaa' noyo saguli' tanou intor ri Aki Kapuuno' ti ra ngaangai' pagun, bansa', ragu am raja'.”