YEHEZKIEL 3:18 - Tanou Moonsoi Timugon

¹⁸ Amon ru mambala' Aku ra sangulun ondo' malaat matoi, kaa' kalo pinasaboi mu pampakaraan Kuno riso maa' raginio mangulau ra paliso saboi maayag io, am io pana matoi koson sangulun makatula, am karaan Tokou ra mosonsol ra pinatayan nano.

YEHEZKIEL 3:18 ပူးပေါင်းရင်းမြစ်များ

KASAUKAN 2:17

kaa' ondo' ayuk kalo maakan no intor ra puun ondo' mangani' ra kapandayan ra baal moonsoi am niayuk malaat. Kawa' no kalo maakan mu; amon ru akanon mu, maaru' matoi kou ra orou raginio niayuk.”

KASAUKAN 42:22

Indagu i Rubin, “Binalaan takamin noyo ra pai' min jamari' lalaing i, kaa' kalo inining min ragu kuli. Raino nalumaagan takau ra pinatayan nali.”

2 SAMUIL 4:11

Atan poyo ru akau, mapara' piboo laat ru binaal mino! Namatoi kau noyo ra sangulun ondo' kolondo' tula, am ondo' tatanga' nombolong giu' ra baloi nano galama'! Raino mambalos aku ra kalaatan mino. Luuson takamin intor ra tana' ti!”

2 RAJA'-RAJA' 1:4

Balai' raja' no ra koon raginio ragu ru Tuhan, ‘Kalo mapali' kou intor ra pilat-pilat muno. Matoi kou!’ ” Kopongo i Ilia nampasaboi ra ragu ru Tuhan no,

AMSAL 14:32

Ulun malaat matoi sabap ra kalaatan nilo galama'; ulun moonsoi masindungan sabap ra kabanisan ru guang nilo.

JISAYA 3:11

Kaa' alii boo ra ulun malaat! Atan pinamakuan nilo ra ulun bokon, ginio niayuk pamakuan risilo.

YEHEZKIEL 18:13

am niayuk makitaak ra bunga' paat mampaira' ra ruit. Maayag kia ulun no? Maaru' kalo! Nambaal io ra ngaangai' baal ondo' makauyuyu' no, am ginio ra matoi io. Mangkinibit io ra patayan nano galama'.

YEHEZKIEL 18:20

Ulun ondo' makatula matoi. Sangulun anak kalo pana makinibitan ra tula ru ama' nano. Koon niayuk ra sangulun ama' kalo pana makinibitan ra tula ru anak nano. Sangulun ondo' moonsoi makapangapu ra balos moonsoi sabap ra kinoonsoi nano, am sangulun ondo' malaat makinibitan ru kalaatan nano.

YEHEZKIEL 18:4

Aku tangan ra painawo ru moonong ulun, painawo ru ama' am poyo painawo ru anak. Osoi ayuk makatula, io noyo ondo' matoi.

YEHEZKIEL 3:20

Amon ru sangulun ondo' moonsoi tumalimpuun mambaal ra malaat, am aku nampauma' riso ra makalalaa', am io pana matoi amon kalo aniin mu io ra pampakaraan. Matoi io sabap ra tula nano, am kalo karaan Ku binaal nali ondo' moonsoi ragili. Kaa' karaan Tokou ra mosonsol ra pinatayan nano.

YEHEZKIEL 33:12

“Okou ulun mapandai matoi, pambala' no ra ulun ru Israil ra paat ulun moonsoi makatula, kinoonsoi nilo ragili kalo makapamayag risilo. Amon ru ulun malaat lumonggo' mambaal ra tula, kalo ukumin ilo. Kaa' amon ru ulun moonsoi tumalimpuun makatula, kalo mabayag ilo.

YEHEZKIEL 33:6

Kaa' amon ru ulun magagalung no nakakito ra pantula' matong am kalo mampagia' ra tatandu' makalalaa', matong boo pantula' am mamatoi ra ulun makatula, karaan Ku ulun magagalung no mansaan ra pinatayan nilo.

YEHEZKIEL 34:10

Aku, Tuhan Raja', mampatanou ra Aku pantula' min. Alapon Ku domba-domba Kuno intor ramuyun, am domba-domba kalo boo palansanin ramuyun. Kalo boo mangiou Aku ramuyun magalung ra kaatangan min galama' ayuk. Bayagon Ku domba-domba maa' raginio kalo masauk ra akanon min.’ ”

UNTABAN 26:65

Minindagu Tuhan ra matoi ilo ngaangai' giu' ra tana' kaagisan. Minatoi ilo ngaangai' ondo' ayuk am i Kalib anak ri Jipuni am i Josua anak ri Nun.

LUKAS 13:3

Kalo! Balain takamin, amon ru kalo tumalikur kau intor ra tula mino, akau ngaangai' matoi koson risilo am pasubolon ra naraka.

LUKAS 13:5

Kalo! Balain takamin, amon ru kalo tumalikur kau intor ra tula mino, akau pana matoi koson risilo am pasubolon ra naraka.”

JUANIS 8:21

Indagu poyo i Jisus risilo, “Aku ti mugar am maguyum kau poyo Raki', kaa' matoi kau ayuk mabaya' ra tula mino. Akau kalo mokoongoi ra angayan Kuno.”

JUANIS 8:24

Ginio sabap ra Aku minindagu ramuyun ra matoi kau ayuk ra tula mino. Amon ru kalo mangintopot kau ra ‘Aku noyo AKU’, matoi kau ayuk mabaya' ra tula mino.”

RINALATAN 2:40

Ginio noyo ragu ri Pitrus nambala' toojo risilo. Masuang poyo ragu nano ra bokon manusub risilo koson magibayag intor ra pangukuman ri Aki Kapuuno' ondo' paratuon ra ulun mangalaat ra pagun ti.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

1 TIMOTIUS 4:16

Ilalai' kaayagan muno am niayuk pangilaan muno. Porondono' ayuk ngaangai' ti, maa' raginio okou galama' am niayuk ilo ondo' mangkirongog ra pangilaan muno bayagon.

1 TIMOTIUS 5:22

Pai' kaluoi papabanta' ra kalindu' ra ulu ru sasangulun, koson ra tatandu' ra mangiou riso ra mangngandoi ru Tuhan. Amon ru ulun ra bokon mambaal ra tula, pai' no pakaayaya'. Kaa' alungi' ayuk toojo kapasawan ru kaayagan muno.

1 SAMUIL 8:9

Ginio ra suguto' noyo kitaakon nilono; kaa' anii' ilo ra papakaraan ra malasang, am balai' noyo ra baal pamakuan ru raja' nilono risilo ra maagu no.”