YEHEZKIEL 3:11 - Tanou Moonsoi Timugon

¹¹ Kopongo raginio ongoi no ra bansa' muno ondo' ralalom ru pamatiran, am posoboyo' atan ondo' raguon Kuno, Tuhan Raja' risilo, ru rumongog ilo rirun kapoam kalo.”

YEHEZKIEL 3:11 ပူးပေါင်းရင်းမြစ်များ

KAINGKUALAN 32:7

Indagu Tuhan ri Musa, “Kataki' noyo tuun sabap ra ulun muno ondo' tiningganai muno miningkual intor ra Misir nambaal ra tula am nangimpai Raki'.

JIRIMIA 29:20

Akau ngaangai' ondo' pinatiran Ku ra Babilonia, rongog no ra atan ondo' paraguon ru Aku, Tuhan.’

YEHEZKIEL 2:4

Bambalingatan ilo am kalo mangurumat Raki'. Ginio ra susubon Tokou koson mampasaboi ra atan ondo' paraguon Ku, Tuhan Raja' risilo.

YEHEZKIEL 2:5

Ulun giminuor no rumongog rirun kapoam kalo, makapandai ilo ra mokoondo' nabi ra ilo po ngai'.

YEHEZKIEL 2:7

Posoboyo' ragu Kuno risilo, rumongog ilo kapoam kalo. Karaa' noyo, ilo ngaangai' no gumuor.

YEHEZKIEL 20:27

“Raino, okou ulun mapandai matoi, posoboyo' noyo atan ondo' paraguon Kuno, Tuhan Raja' risilo. Kinamatuaan nilo nagasab poyo Raki' ra kalo giminagaya' ilo.

YEHEZKIEL 3:10

Rinayus ri Aki Kapuuno' ragu Nano, “Okou ulun mapandai matoi, ilai' toojo, am karaa' noyo ngaangai' ondo' raguon Kuno rirun.

YEHEZKIEL 3:12

Kayango' aku boo ru Ambiluo ri Aki Kapuuno', am norongog ku bolos mosongou intor ra talikuron ondo' mindagu, “Omporo' noyo katulayan ru Tuhan giu' ra suruga'!”

YEHEZKIEL 3:15

Pakasaboi aku boo giu' ra Til-Abib giu' ra kiing ru Sungoi Kibar, intok inayanan ru ulun pinatiran. Buoi tulu' ngoorou aku minayan ra giu' no, am nakasioro' sabap ra ngaangai' ondo' nakito ku noyo am norongog ku noyo.

YEHEZKIEL 3:27

Paat ra Aku mindagu poyo rirun, am niayuk mangiou rirun mindagu saguli', musiti' kou mambala' risilo ra atan ondo' rinagu Kuno, Tuhan Raja'. Santayaran ulun rumongog, kaa' santayaran poyo kalo, sabap ilo totopot bansa' ra gugumuor.”

YEHEZKIEL 33:12

“Okou ulun mapandai matoi, pambala' no ra ulun ru Israil ra paat ulun moonsoi makatula, kinoonsoi nilo ragili kalo makapamayag risilo. Amon ru ulun malaat lumonggo' mambaal ra tula, kalo ukumin ilo. Kaa' amon ru ulun moonsoi tumalimpuun makatula, kalo mabayag ilo.

YEHEZKIEL 33:17

Kaa' bansa' muno mindagu ra binaal Kuno kalo matimpok! Binaal nilono ondo' kalo matimpok!

YEHEZKIEL 33:2

“Okou ulun mapandai matoi, balai' bansa' muno ra atan ondo' masauk paat ra Aku mamparatong ra pangayawan ra rorondo' pagun. Mamagun ru pagun no mampili' ra sangulun intor risilo koson ra magagalung.

YEHEZKIEL 33:30

Indagu Tuhan, “Okou ulun mapandai matoi, bansa' muno mansunur rirun paat ilo naguma' mamaar ra timbok ru bandar kapoam giu' ra talupak ru kulobon ru baloi nilo. Ilo galama' nagindagu, ‘Ibok rongog takau ra atan ragu ru Tuhan ra orou raiti'.’

YEHEZKIEL 37:18

Paat ra mangkuot bansa' muno ra arati' nano,

DANIL 12:1

Malaikat ondo' nambayang ra linon no mindagu, “Paat raginio, malaikat maayo, iono i Maikol manindung ra bansa' muno sumalula'. Bulintok raginio mokoondo' ra kapaganan ondo' maagat kaga' intor ra bansa'-bansa' soroi. Paat raginio, ngaangai' ulun intor ra bansa' muno ondo' inggalan nano tinulisan ra ralalom ru kitab ri Aki Kapuuno' bayagon.

DANIL 6:13

ilo ngaangai' minuma' ra raja' koson mambala' intor ri Danil. Konilo, “Okou raja' siminain noyo ra rondo' susuban ondo' manginggalar ra osoi ayuk buoi talu ngoopor ngoorou ra raiti' koson makitaak ra atan ayuk intor ra dewa am ulun, ondo' ak am intor rirun galama'. Osoi ayuk manggal ra susuban no patirin ra ralalom ru luang batu ru singa'.” Indagu raja', “Motopot. Susuban no nasauk ra undang-undang ru Midia am Pirsia ondo' kalo boo kulawon.”

SAGULION 9:12

Kopongo raginio indagu Tuhan raki', ‘Kataki' noyo tuun giu' ra lonson toojo ru gunung, sabap ulun ondo' tiningganai muno miningkual intor ra Misir no nambaal noyo ra malaat. Timinalikur ilo noyo intor ra susuban Kuno, am nambaal noyo ra rondo' sinungkalalaing tayar nilo galama'.’