YEHEZKIEL 3:10 - Tanou Moonsoi Timugon

¹⁰ Rinayus ri Aki Kapuuno' ragu Nano, “Okou ulun mapandai matoi, ilai' toojo, am karaa' noyo ngaangai' ondo' raguon Kuno rirun.

YEHEZKIEL 3:10 ပူးပေါင်းရင်းမြစ်များ

AYUP 22:22

Apuo' noyo susuban ondo' tinaakan Nano; bulii' noyo ragu Nano ralalom ru guang muno.

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 85:9

Rongogon ku ragu ru Tuhan i Aki Kapuuno'; binantu' No kaansayan ritakau, ulun Nano, amon ru kalo sumaguli' takau mambaal ra tula.

AMSAL 19:20

Ulun ondo' masaga' mangkirongog ra bilin am masaga' migigila', masauk io ra mapintar ra tauli no.

AMSAL 8:10

Guango' min pangilaan kuno makasail poyo intor ra pirok; kaatango' min noyo katutunan makasail poyo ra mas kopoyo.

YEHEZKIEL 2:7

Posoboyo' ragu Kuno risilo, rumongog ilo kapoam kalo. Karaa' noyo, ilo ngaangai' no gumuor.

YEHEZKIEL 2:8

Okou ulun ondo' mapandai matoi, rongogo' ragu Kutu. Pai' no guor koson risilo. Gaalo' kabang muno am akano' atan ondo' pataakon kutu.”

YEHEZKIEL 3:11

Kopongo raginio ongoi no ra bansa' muno ondo' ralalom ru pamatiran, am posoboyo' atan ondo' raguon Kuno, Tuhan Raja' risilo, ru rumongog ilo rirun kapoam kalo.”

YEHEZKIEL 3:9

Baalon Tokou koson ra kinaikang ru bulur batu am koson ra kinokotog ru intan. Pai' kalaa' ra ulun-ulun gumuor no.”

LUKAS 8:15

Ondo' naratu' ra tana' malabung i, io no ulun ondo' mangkirongog ra bala' no am porondonon nilo ra guang ra matanda'. Mongorot ilo saboi manangkawa'.”

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

1 TISALONIKA 4:1

Pabukat ku ngai', pupus no, nangani' akai no ramuyun ra tiluan moonsoi ra ati koson ru kaayagan ondo' mapabansuk ra guang ri Aki Kapuuno' am ginagaya' min noyo ginio. Kaa' raino, ralalom inggalan ri Tuhan Jisus, kitaakon am kimaitin takamin mirot poyo toojo mapabansuk ra guang ri Aki Kapuuno'.