YEHEZKIEL 28:5 - Tanou Moonsoi Timugon

⁵ Mapandai kou mantalan am magail maulian. Lumimbau kou sabap ra kalangkayaan muno!’

YEHEZKIEL 28:5 ပူးပေါင်းရင်းမြစ်များ

MAZMUR 62:10

Ulun ti koson ayuk ra labus ru paminawo; maayo kapoam boborok nogondo' ayuk kolondo' logo. Amon timbangon, mamaan ilo ayuk, mamaan poyo intor ra igondo' labus maminawo.

MAZMUR 52:7

Ginio ra, i Aki Kapuuno' mamuso rirun ra sabuoi-buoi no; rokopon am ralaaton No okou intor ra baloi; pusoon No okou intor ra pagun ru ulun maayag.

GOSIA 13:6

Kaa' pakaayan kau boo ra pagun ondo' moonsoi, am naasug kau am niayuk najala', liminimbau kau am nampalilian Raki'.

YEHEZKIEL 28:2

“Okou ulun mapandai matoi, posoboyo' atan ondo' paraguon Kuno, Tuhan Raja' ra raja' ru Tirus, ‘Malilimbau kou am mangkara' ra inan muno dewa ondo' nanturung giu' ra tatanga' ru raat. Tumilu kou koson ra dewa, ondo' sotopot no ulun kou ayuk ondo' mapandai matoi!

AMSAL 11:28

Osoi lumansan ra rapu' maratu' io koson ra raun mapua', kaa' ulun ra kolondo' tula tumuu' koson ra sakot malabung.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

ROMA 12:16

Kaayag kano ra rondo' guang ra rondo' am bokon. Pai' pampaguang ra akau ti maatang, kaa' latok kano ra ulun musikin. Pai' pangkara' ra akau ti poyo mapintar.

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

JISAYA 5:21

Aibui boo ramuyun! Pangkaraan min, mapintar kau am mapandai toojo!

AMSAL 26:12

Sasambungon pana ulun, sala' ka koson ra kinasambung ru ulun ondo' mangkara' ra io mapintar, sotopot no kalo.

JAKARIA 9:3

Nambaal noyo Tirus ra kubu-kubu nano am nanimung ra masuang kaga' mas am pirok, saboi nasauk ra kuliamos ru kaindalaman koson ra agis giu' ra ralan.

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

YEHEZKIEL 16:49

Liminimbau Sodom am anak nano sabap ra masuang akanon nilo am maayag ra moonsoi am mamimio. Kaa' kalo nangindangan ilo ra ulun musikin am mapagon.

JISAYA 23:8

Osoi kia nangatang ra baal koson ragitio ra Tirus, bandar ra maayo no? Sala' kia ka ulun-ulun mangindapu' no ulun bangsawan ondo' urumaton toojo ra tana' ti?

JISAYA 23:3

mongoi ra sandaup ru raat koson magalig pantalan ra gandum intor ra Misir am koson talanon ra ngaangai' bansa'.

AMSAL 30:9

Amon ru langkaya' aku, magu' mindagu aku ra kolondo' pakuan kuno Rirun. Kaa' amon ru musikin aku, magu' mantakou aku, am mapakauyu' ri Aki Kapuuno' kuno.

2 TUNUNG RU BANSA' ISRAIL 25:19

Okou Raja' Amajia, lumimbau-limbau kou sabap ra kinala mu noyo ulun ru Idom; kaa' maminson aku rirun maa' raginio morondon ayuk ra baloi. Kua paguguyum ra kapaganan ondo' pupus no mamparatong ra karaat rirun am mamagun muno?”

JIRIMIA 49:4

Kua ramuyun lumimbau, ulun kau ngai' ondo' kalo gumagaya'? Ilai' noyo, kaikangan min tumalimpuun lumawo. Kua kia lansan kau ra kaikangan galama' am mindagu ra kolondo' osoi pana makakau' mamulunsar ramuyun?

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.

2 RAJA'-RAJA' 14:10

Okou Raja' Amajia, malupus nangala ra ulun ru Idom, Raja' Amajia nasauk ra malilimbau! Mamanggo ra kamanangan raino am porondon no ra baloi. Kua paguguyum ra panguyatan ondo' pupus no maparatong ra karaat ra inan ru Raja' Amajia am mamagun?”

MAZMUR 62:11

Pai' lansani' ampos ru mangimbolo'; pai' pangimansan ra kandoi mantakou ayuk, kabalu' pana kinalangkayaan mino rumuang, pai' lansani' ginio.

YEHEZKIEL 28:17

Malilimbau kou sabap ra bulos muno maindon, am mambaal kou ra sasambungon sabap ra nauligan kou kaga'. Ginio noyo sabap ra pinampasan Tokou ra tana', am nampasauk rirun koson ra pampakaraan ra raja'-raja' ra bokon.

DANIL 11:12

Raja' ru Misir lumimbau sabap ra kamanangan nano, am sabap ra masuang saujor ondo' pinatoi nano, kaa' kalo marayus io mamanang.