YEHEZKIEL 28:2 - Tanou Moonsoi Timugon

² “Okou ulun mapandai matoi, posoboyo' atan ondo' paraguon Kuno, Tuhan Raja' ra raja' ru Tirus, ‘Malilimbau kou am mangkara' ra inan muno dewa ondo' nanturung giu' ra tatanga' ru raat. Tumilu kou koson ra dewa, ondo' sotopot no ulun kou ayuk ondo' mapandai matoi!

YEHEZKIEL 28:2 ပူးပေါင်းရင်းမြစ်များ

KASAUKAN 3:5

Mindagu i Aki Kapuuno' koon raginio sabap nakapandai Io ra amon ru mangakan kau ra kawa' raginio, makapandai kau ra ngaangai' baal; masauk kau koson ri Aki Kapuuno' am makapandai ra atan ayuk ondo' moonsoi am malaat.”

2 TUNUNG RU BANSA' ISRAIL 26:16

Kopongo Raja' Ujia nasauk ra maikang, nasauk io ra malilimbau; limbau nano nangkinibit ra naratuan nano. Inanggal ru Raja' Ujia susuban ru Tuhan, i Aki Kapuuno' nano sabap ra sinolob no kaminyan giu' ra rasawat ru altar kaminyan giu' ra Baloi ru Tuhan.

MAZMUR 9:20

Sukal no, iou Tuhan, akimi' noyo bansa'-bansa', pai' polosoo' ulun makalabus ra ukuman.

AMSAL 16:18

Lumimbau mangkinibit ra kapusaan am karatuan.

AMSAL 18:12

Ulun ondo' minggana' guang urumaton; ulun malilimbau maaru' iono mapuso.

JISAYA 2:12

Orou raginio Tuhan Ondo' Maayo Kaga' Kuasa' mapainggana' ra ngaangai' ulun ondo' minsawat guang, am mangukum ra ngaangai' ulun malilimbau.

JISAYA 23:8

Osoi kia nangatang ra baal koson ragitio ra Tirus, bandar ra maayo no? Sala' kia ka ulun-ulun mangindapu' no ulun bangsawan ondo' urumaton toojo ra tana' ti?

JISAYA 31:3

Ulun ru Misir sala' ka tuhan; ilo ulun ayuk. Kuda nilono ondo' makapainawo ra lamuoi, sala' ka ambiluo ra makakuasa'. Bulintok ra Tuhan mamatas, bansa' ra maikang pana maratu', am bansa' ra lamuoi ondo' indanganon nilono pana maratu'. Karuo-ruo no mapuso.

JISAYA 47:8

Rongogo' Aku no, okou ondo' masaga' mangilou ra katasuan! Indoson mu kaayagan muno moonsoi, am kolondo' koson rirun. Indoson mu kalo masauk kou ra mapuor, kapoam mailusan ra anak-anak muno.

YEHEZKIEL 16:49

Liminimbau Sodom am anak nano sabap ra masuang akanon nilo am maayag ra moonsoi am mamimio. Kaa' kalo nangindangan ilo ra ulun musikin am mapagon.

YEHEZKIEL 26:17

Rimbayon nilo boo rimbai sulaboi ragitio ramuyun: Bandar maayo no napuso noyo! Kapal-kapal nano inalusan intor ra raat. Ragili mamagun nano nanguasa' ra raat, am nampalalaa' ra ngaangai' mamagun ru raat.

YEHEZKIEL 28:1

Indagu Tuhan raki',

YEHEZKIEL 28:17

Malilimbau kou sabap ra bulos muno maindon, am mambaal kou ra sasambungon sabap ra nauligan kou kaga'. Ginio noyo sabap ra pinampasan Tokou ra tana', am nampasauk rirun koson ra pampakaraan ra raja'-raja' ra bokon.

YEHEZKIEL 28:9

Paat raginio, lakat kou kia poyo mindagu ra dewa kou? Paat ra okou muma' ra ulun mamatoi rirun, makito ra ulun kou ayuk ondo' mapandai matoi am sala' ka dewa.

YEHEZKIEL 29:3

Balai' io ra gitio noyo ragu ru Tuhan Raja' ra raja' ru Misir, ‘Aku pantula' muno, okou buayo maayo ondo' liminuya' giu' ra sungoi! Kamu ra Sungoi Nil no longgom muno, am okou nambaal no.

YEHEZKIEL 29:9

Masauk Misir ra intok kolondo' tutuu' am masiluk. Makapandai kau boo ra Aku noyo Tuhan. “Okou raja' ru Misir! Sabap ra minindagu kou ra Sungoi Nil longgom muno, am okou nambaal no,

YEHEZKIEL 31:10

“Ginio ra Aku, Tuhan Raja' mambala' ramuyun atan ondo' masauk ra puun tataun ondo' untu nano nakasaboi ra gaun. Gumaai sawat nano, gumaai limbau ru puun tataun no.

DANIL 11:12

Raja' ru Misir lumimbau sabap ra kamanangan nano, am sabap ra masuang saujor ondo' pinatoi nano, kaa' kalo marayus io mamanang.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

DANIL 11:37

Raja' kalo mampalio ra dewa ondo' sambaan ru kinamatuaan nano, am niayuk dewa ondo' sambaan ru ruandu'-ruandu'. Sotopot no raja' no kalo mampalio ra ngaangai' dewa sabap ra pangkaraan nano io maayo poyo intor ra ngaangai' no.

ABAKUK 2:4

Gitio noyo tanou no: ‘Ulun ondo' nambaal ra kalaatan pusoon, kaa' ulun ondo' nambaal ra kasagaan ri Aki Kapuuno' maayag sabap ra gumagaya' ilo ri Aki Kapuuno'.’ ”

JIPANYA 2:15

Ginio noyo ondo' masauk ra bandar ondo' noloos maansukan am ondo' mangkara' ra inan nano makakaansayan. Mamagun nano mangkara' ra bandar nilo noyo bandar ondo' maayo kaga' ra tana' ti. Mapara' siluk no ru libung no, kolondo' ulun minayan ra intok no ondo' ayuk am bibiag ru kataunan ondo' makabunsut ra giu' no! Moonong ulun ondo' mansail giu' ra bandar no magasab riso am makaliman ra malaa'.

JAKARIA 9:2

Gamat ondo' nambalit ra pagun Siria pana longgom ru Tuhan, koson niayuk ra bandar Tirus am Sidon am ra ngaangai' kapintaran ru mamagun nano.

LUKAS 14:9

Tatangan ra baloi ondo' nampiau ramuyun karuruo matong rirun am mindagu, ‘Pataaki' intok ragitio riso.’ Maaru' mauyu' kou ongoyon paturungo' ra intok ondo' kalo moonsoi no.

SAGULION 8:14

tutuno' noyo maa' raginio kalo malilimbau kau, am kalo lilianin Tuhan i Aki Kapuuno' min ondo' nagibit noyo ramuyun miningkual intor ra Misir, intok min inulipon ra galing i.

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

1 TIMOTIUS 3:6

Musiti' io ti poyo sala' ka bagu ayuk siminauk ra Kristian, sabap ra maagu minsawat lair guang nati am ulason io mogondo' ra Tingganai ru riwato ra galing i.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”

PINAINTALANG 17:3

Ambiluo ri Aki Kapuuno' no boo nanguasa' raki' am ibito' aku ru sangulun malaikat ra intok masiluk. Giu' no makito ku sangulun ruandu' nanturung ra rasawat ru sanginan bibiag masigo malia' ondo' natitip niayuk ra tinulisan ra inggalan magulas ri Aki Kapuuno'. Bibiag masigo no makaulu tulu' am makasangau mopor.

PINAINTALANG 18:7

Imboloo' ilo saboi mangiluk guang nilo, saboi kangilukan nilo mogondo' ayuk ra kauligan am kalangkayaan nilai. Sabap ra masalok ilo mangkara': ‘Akai ti maayag koson ra raja'. Pai' ru makaliman akai ra guang mangiluk.’