YEHEZKIEL 28:16 - Tanou Moonsoi Timugon

¹⁶ Kumantisuk kou ra talanon muno; baal raginio noyo ondo' nangkinibit rirun liminaat am makatula. Ginio ra pinagiru' Tokou intor ra gunung Kuno ondo' matulai am kirub ondo' magalung rirun nampagiru' rirun intor ra tatanga' ru batu mologo ondo' manguliat no.

YEHEZKIEL 28:16 ပူးပေါင်းရင်းမြစ်များ

ABAKUK 2:17

Nantagar kau ra puun-puun tataun giu' ra kataunan Libanon, kaa' raino akau galama' tagaron. Namatoi kau ra bibiag ra giu' no, kaa' raino ilaanon kau ru bibiag. Ngaangai' ti masauk sabap ra namatayan am kalaatan ondo' binaal min ra mamagun ru tana' ti am niayuk bandar-bandar ra tana' ti.

ABAKUK 2:8

Nampagaau kau ra rapu' ru masuang bansa'. Kaa' raino bansa'-bansa' ondo' naayag mampagaau ra rapu' min sabap ra namatayan ondo' binaal min am sabap ra kalaatan min ra mamagun ru tana' ti am niayuk bandar-bandar ra tana' ti.

JUANIS 2:16

Indagu Io ra mantatalan ra susuit asang no, “Paingkualo' noyo ngaangai' kuliamos min ti. Pai' min sauko' Baloi ru Ama' Kutu ra pasar!”

YEHEZKIEL 8:17

Indagu Tuhan raki', “Okou ulun mapandai matoi, nakakito kou kia raginio? Mamagun ru Jiuda kalo poyo najala' ra binaal nilo ondo' makauyuyu' kapoam kalaatan ondo' binaal nilo ra titikop ru pagun ti. Inambai nilo nambaal ra ngaangai' no ragiti niayuk, ralalom ru Baloi Kuno am nampasangit poyo boo Raki'. Ilai' ati kulaan ilo magasab Raki' ra ralan ondo' makauyuyu' kaga'!

KASAUKAN 3:24

Giu' boo ra tampilon sirangon ru Taman no, Tuhan i Aki Kapuuno' napaayan ra kirub am rondo' ilang makaapui ondo' lumibut ra ngaangai' intok koson mantamung ra puun ondo' mangani' ra bayag. Ginio ra kolondo' sangulun pana makasubol am makainggaar ra puun raginio.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

JIPANYA 1:9

Ukumin Ku ngaangai' ulun ondo' siminambayang koson ra ulun ondo' kalo nakaulig Raki', am ondo' nantakou am niayuk namatoi koson nompososok ra baloi ru tingganai pangandayan nilo ra kuliamos-kuliamos tinakou.”

MIKA 6:12

Ulun langkaya' ra gino ngai' min mangimbolo' ra ulun musikin; akau ngaangai' magabau.

MIKA 2:10

Karat no am ugar no intor ragiti. Kolondo' boo intok ondo' mamimio. Tula min naparatong ra karaat ondo' makalalaa' ra intok ti.

MIKA 2:2

Paat ilo mompogogot ra umo, gumaau ilo ra umo ru ulun bokon. Paat ra ilo mompogogot ra baloi, gumaau ilo ra baloi ru ulun bokon. Kolondo' sambaloi ru osoi pana, kapoam rapu' ru osoi pana ondo' mabayag.

AMOS 3:9

Potonowo' tanou ti ra ulun ondo' minayan giu' ra istana Misir am Asdod, “Timung kano giu' ra bulur-bulur giu' ra liliut ru Samaria, am ilai' kajajawan am niayuk kalaatan ondo' nasauk ra giu'.”

GOSIA 12:7

Ginio ra, akau papag ri Jakub, pangintopot kano ri Aki Kapuuno', am saguli' kano Riso. Kaayag kano ra matikop ra togom am baalo' ondo' matimpok, am inaani' ra guang tumaan saboi i Aki Kapuuno' min mimbuor.

YEHEZKIEL 28:14

Pinaayan Ku kirub ondo' makalalaa' ra giu' no koson magalung rirun. Minayan kou giu' ra rasawat ru gunung Kuno ondo' matulai am mugar giu' ra tatanga' ru batu mologo ondo' manguliat.

JISAYA 23:9

Tuhan Ondo' Maayo Kaga' Kuasa' nangatang noyo raginio, maa' raginio malanggaan No limbau nilono ondo' masalok mamanggo ra baalon nilono, am niayuk magasab ra ulun ondo' makainggalan maayo.

JISAYA 22:19

Tuhan mopolonggo' rirun intor ra kandoi muno am patuunon kou intor ra pangkat muno ra masawat.”

KASAUKAN 6:11

kaa' ngaangai' ulun ra bokon malaat ra pagilangan ri Aki Kapuuno' am makakalaatan ra ati ayuk intok.

OBAJA 1:3

Rinuung kau ru limbau mino. Pusor bandar min noyo kubu ru batu ondo' mapiot; intok ayanan min giu' ra tampak ru gunung ondo' masawat. Ginio sabap ra akau mangkara', ‘Osoi kia ondo' masaga' mamparatu' ramon?’