YEHEZKIEL 28:12 - Tanou Moonsoi Timugon

¹² “Okou ulun mapandai matoi, panulaboi no ra tayar ru raja' Tirus. Posoboyo' atan ondo' paraguon Kuno, Tuhan Raja' riso, ‘Igondo' kou nasauk ra tiluan moonsoi kaga'. Ragili totopot kou mapintar am maindon!

YEHEZKIEL 28:12 ပူးပေါင်းရင်းမြစ်များ

YEHEZKIEL 19:1

Manusub Tuhan raki' marimbai ra rimbai ra manulaboi ti posoboyon ra ruo ngaulun anak ungkuyon:

YEHEZKIEL 26:17

Rimbayon nilo boo rimbai sulaboi ragitio ramuyun: Bandar maayo no napuso noyo! Kapal-kapal nano inalusan intor ra raat. Ragili mamagun nano nanguasa' ra raat, am nampalalaa' ra ngaangai' mamagun ru raat.

KOLOSI 2:3

I Jisus Kristus noyo ondo' nampasalula' ra ngaangai' kalangkayaan ru kapintaran am kapandayan ri Aki Kapuuno' ra ondo' kalo natutunan ru ulun ra buoi ti.

KOLOSI 1:9

Ginio nai ra intor poyo ra akai nakaining raginio, masalok akai boo mangkara' ramuyun ralalom pakiasian mai. Makiasi' akai ri Aki Kapuuno' ra makatutun kau ra atan sotopot no kasagaan Nano, ioginio aniin kau ru Ambiluo ri Aki Kapuuno' ra kapintaran am kapandayan.

2 KORINTUS 1:22

Koson ragitio noyo itakau tinatanduan ri Aki Kapuuno' ra Io tatangan; pinataak No Ambiluo Nano ra guang takau koson mapakalansan ra mangani' Io ritakau ra ngaangai' ondo' binantu' Nali.

1 KORINTUS 3:19

Sabap ra ondo' karaan ru ulun ru tana' ti ra mapintar, karaan ri Aki Kapuuno' ra sasambungon. Sabap ra mokoondo' tinulisan ra Buuk Kitab, “Linandak ri Aki Kapuuno' ulun mangapintar ra kapintaran nilo galama'.”

ROMA 15:28

Mopongo ku kandoi ragitio, io no makataak ku ruit no risilo ra Jirusalim, mapit aku tumuum ramuyun ra pangkiralanan kuno mongoi ra Sipanyol.

RINALATAN 6:3

Ginio ra aruo' min tulu' ngaulun ondo' mangatanda', kinuasa' ru Ambiluo ri Aki Kapuuno' am mapintar, ginio ra makapalit ilo boo ramon mambaal ra kandoi ti.

LUKAS 2:40

Siminukor lalaing i am maikang, mapintar am tagamin Io kaga' ri Aki Kapuuno'.

YEHEZKIEL 32:16

Pampakaraan ragitio masauk ra rimbai sulaboi, am ruandu' ru bansa'-bansa' ra bokon marimbai raginio koson manulaboi ra Misir am ngaangai' mamagun nano. Aku, Tuhan Raja', nakaindagu noyo.”

YEHEZKIEL 27:32

Marimbai ilo ra rimbai sulaboi rirun, ‘Tirus, osoi kia mokogondo' rirun? Tirus, giu' ra raat raino mongkoror kou.

YEHEZKIEL 19:14

Tataun ru puun anggur no inakan ru apui, bulisang am kawa' nano nosolob. Bulisang nano kalo boo masauk ra maikang, kalo boo masauk ra jujuga' ru pamarintaan. Gitio noyo rimbai ra manulaboi ondo' rurulion rimbayon ru ulun.

JIRIMIA 9:23

Indagu Tuhan, “Ulun mapintar kalo mamanggo sabap ra kapintaran nilo, ulun maikang kalo mamanggo sabap ra kaikangan nilo, am ulun langkaya' kalo mamanggo sabap ra kalangkayaan nilo.

JISAYA 14:4

Bulintok ra Tuhan no mambaal koson raginio, asabin nilo raja' Babilonia koson ragitio, “Raja' ra malaat kaga' naratu' noyo! Kalo boo makapangimbolo' io ra osoi-osoi ayuk pana!

JISAYA 10:13

Raja' ru Asyur maayo ragu, “Nansalinut binaal kuno intor ra kaikangan kuno galama'. Mapintar aku am mapandai. Pinuso ku balitan ru pagun-pagun am nampagaau ra inula' nilono. Koson ra sanginan sapi' gawayan, kikinjangin ku bansa' ondo' minayan ra giu' no.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

2 TUNUNG RU BANSA' ISRAIL 35:25

Nabi Jirimia nanulis rondo' rimbai sulaboi ra Raja' Josia. Giu' ra Israil saboi raino, rimbai no rinimbai ru ulun-ulun maririmbai, ondo' ungkuyon am poyo ruandu', ralalom pangkaraan ra panguliran ra Raja' Josia. Rimbai no pinasimpung ra ralalom ru pulalai rimbai ru sulaboi.

YEHEZKIEL 32:2

“Okou ulun mapandai matoi, anii' ra pampakaraan moporos ra raja' ru Misir. Posoboyo' ragu Kuno riso, ‘Giu' ra saang ru bansa'-bansa' ra bokon ilai' kou ayuk koson ra singa', kaa' baal muno koson poyo ra buayo ondo' minabol giu' ralalom ru sungoi. Kalayam muno nampalutok am nampajamol ra sungoi-sungoi.

KASAUKAN 3:5

Mindagu i Aki Kapuuno' koon raginio sabap nakapandai Io ra amon ru mangakan kau ra kawa' raginio, makapandai kau ra ngaangai' baal; masauk kau koson ri Aki Kapuuno' am makapandai ra atan ayuk ondo' moonsoi am malaat.”

YEHEZKIEL 28:11

Indagu poyo Tuhan raki',

YEHEZKIEL 28:15

Paliso muno kalo majamol intor ra okou inangun saboi ra okou tumalimpuun mambaal ra malaat.

YEHEZKIEL 43:10

Indagu poyo Tuhan raki', “Okou ulun mapandai matoi, balai' ulun ru Israil intor ra Baloi Kuno am susubo' ilo mangimansa' ra baal nano. Tauyuo' ilo sabap ra tula nilo.

JAKARIA 9:2

Gamat ondo' nambalit ra pagun Siria pana longgom ru Tuhan, koson niayuk ra bandar Tirus am Sidon am ra ngaangai' kapintaran ru mamagun nano.