YEHEZKIEL 27:31 - Tanou Moonsoi Timugon

³¹ Binulutan nilo abuk sabap ra akau, am nambayang ra konoon karung tatandu' mangiluk guang. Manulaboi ilo ra guang mangiluk.

YEHEZKIEL 27:31 ပူးပေါင်းရင်းမြစ်များ

YEHEZKIEL 7:18

Mambayang ilo ra konoon karung am ngaangai' inan nilo monontol. Abuk nilo lamparin, am ilo ngaangai' tauyuon.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

JISAYA 16:9

Kaa' ragino tangiin ku puun ru anggur Sibma koson ra tangi' kuno ra Jaijir. Tumulisan lomou kuno koson ra Gisybon am Iliali, sabap kolondo' boo ampos ru tatanom koson mapabansuk ra guang ru ulun.

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

JISAYA 22:4

Polosoo' aku sangulun koson maupus ra ngaangai' ulun kuno ondo' minatoi. Pai' aku kinami' ansuko'.

MIKA 1:16

Mamagun ru Jiuda kau ngai', lomporo' noyo abuk mino koson tatandu' mangulir ra lalaing-lalaing katagaman mino. Lingono' min buluti' abuk, sabap ra ngaangai' anak min patirin intor ra pagun.

MIKA 1:8

Indagu boo i Mika, “Ginio ra mangulir aku am mantangi'. Koson mampakito ra kangilukan ru guang kuno, mugar aku ra mantilagas am kolondo' kasut. Mampaung aku koson ra taani am mompoloong koson susuit unta.

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

JIRIMIA 48:37

Ilo ngaangai' nangaur ra abuk am jangut, namilat ra kalindu', am nambayang ra karung koson tatandu' mangiluk guang.

JIRIMIA 47:5

Mamagun ru Gaja mangiluk kaga' guang, mamagun ru Askilon pana nongkoror. Saboi sanggilan kia ulun ru Palistin mangulir?

JIRIMIA 16:6

Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

SAGULION 14:1

“Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.

IMAMAT 21:5

“Kalo iowon sangulun imam mangaur ra ati pana tayar ra ulu nano, kapoam mopolompor ra jangut nano, kapoam mamilat ra inan nano koson mapakito ra mangulir io.

JISAYA 3:24

Ragino nagumau ilo ra umau maamis owou, kaa' maagu no moonsor. Abot nilo ra malumis aligin ra abot makalas. Ulu nilo ra makaabuk moonsoi masauk mambulut. Bayang nilo ra mongoonsoi aligin ra konoon mangalaat ondo' makauyuyu'!

YEHEZKIEL 29:18

“Okou ulun mapandai matoi, Raja' Nibukadnijar intor ra Babilonia namulunsar noyo ra Tirus. Nanusub io ra saujor nano mansaan ra maagat kaga' saboi ulu nilo naampakan am limbawo nilo nalandaran. Kaa' raja' am niayuk saujor nano kalo nakasugut nampagaau ra bandar no.

JUNUS 3:6

Pokorongog raja' Niniwi ra tanou no, tuun io intor ra panturungan nano. Inalus no sukub nano am bayango' no konoon karung, am turung io ra rasawat ru kaau.

JOIL 1:13

Akau imam-imam ondo' mangandoi giu' ra altar, pambayang kano ra konoon karung am pantangi' no. Umpos kano ra ralalom Baloi ru Tuhan am panulaboi kano ra mosorondom. Kolondo' boo gandum am wain koson pataakon ri Aki Kapuuno' min.