YEHEZKIEL 27:3 - Tanou Moonsoi Timugon

³ bandar giu' ra kiing ru nagas ondo' mantalan ra mamagun ru ngaangai' nagas. Pabalaa' noyo ragu ru Tuhan Raja': Okou Tirus, ra limbau muno mindagu, ‘Totopot kou moonsoi kaga'.’

YEHEZKIEL 27:3 ပူးပေါင်းရင်းမြစ်များ

YEHEZKIEL 27:4

Raat koson ra baloi ra tayar muno. Ulun nambaal rirun no nangindon rirun koson ra kapal moonsoi.

PINAINTALANG 18:3

Sabap ra ngaangai' bansa' am raja'-raja' ru tana' ti nansasawa' ilo ra mamagun ru bandar i, koson ra ulun mangagauk ra wain. Intor raginio ulun-ulun mantatalan nano lumangkaya'.”

YEHEZKIEL 26:17

Rimbayon nilo boo rimbai sulaboi ragitio ramuyun: Bandar maayo no napuso noyo! Kapal-kapal nano inalusan intor ra raat. Ragili mamagun nano nanguasa' ra raat, am nampalalaa' ra ngaangai' mamagun ru raat.

JISAYA 23:11

Palar ru Tuhan binilar no ra rasawat ru raat am mamulir ra ngaangai' pamarintaan. Nanusub Io koson mamuso ra pusor-pusor ru pangindapuan giu' ra Punisia.

MAZMUR 50:2

Intor ra Sion, bandar ondo' maramai, makasinda i Aki Kapuuno' koson ra mato ru orou.

MAZMUR 83:7

ulun ru Idom am ulun ru Ismail, ulun ru Moab am ulun ru Gagri;

YEHEZKIEL 16:15

“Kaa' sala' boo pinamakuan muno ra kinantalur muno am kinoonsoi ru inggalan muno. Riminulug kou ra osoi ayuk ondo' mansail.

YEHEZKIEL 26:12

Gaawon ru pantula' kalangkayaan am kuliamos talanon muno. Gabaan nilo timbok-timbok am manutuk ra baloi moonsoi muno. Patirin nilo ngaangai' batu, tataun am natuyas ra batu ra ralalom ru raat.

AMSAL 31:14

Maparatong io ra akanon intor ra intok maalur koson ra ondo' binaal ru kapal ra mantatalan.