YEHEZKIEL 27:15 - Tanou Moonsoi Timugon

¹⁵ Ulun ru Rodis pana mantalan ramuyun; mamagun giu' ra masuang intok tampilon ra nagas nambali ra kuliamos muno am nambayar ra gading am tataun maitom.

YEHEZKIEL 27:15 ပူးပေါင်းရင်းမြစ်များ

PINAINTALANG 18:12

Kolondo' boo mambali ra mas, pirok, parmata am sisigot mutiara nilono; niayuk konoon linon, konoon matanggilung, sutra' am konoon kasumba'; ngaangai' bansa' ru tataun maamis owou, kuliamos binaal intor ra ripon ru gaja am intor ra tataun ondo' mongologo; kuliamos binaal intor ra gangsa', basi' am pualam;

1 RAJA'-RAJA' 10:22

Raja' Salomo mokoondo' ra masuang kapal maayo ondo' masundoi ra raat malandom am malangka' mababaya' ra kapal-kapal ru Raja' Giram. Igondo' ralalom ru talu ngambilor, kapal-kapal ru Raja' Salomo muli' am magibit ra mas, pirok, gading, gabuk am susuit tuou.

KASAUKAN 10:7

Papag ri Kus, iono mamagun ru Siba, Gawila, Sabta, Raima am Sabtikga. Papag ri Raima iono mamagun ru Syiba am Didan.

YEHEZKIEL 27:20

Mamagun ru Didan nambayar ra kuliamos muno ra konoon apin ru palana.

YEHEZKIEL 25:13

Raino potonowon Ku ra ukumin Ku Idom. Potoyon Ku ngaangai' ulun am bibiag ondo' minayan ra giu' no. Pusoon Ku pagun no, intor ra bandar Timan saboi ra Bandar Didan. Mamagun nano matoi ralalom pangayawan.

JIRIMIA 49:8

Mamagun kau ru bandar Didan, likar no am pagiru' no! Pansibuni no! Pusoon Ku papag ri Isau, sabap ra nasaboi paat no ra Aku mangukum risilo.

1 TUNUNG RU BANSA' ISRAIL 1:32

I Abragam mokoondo' sangulun ruandu' parulug ininggalanan ri Kitura. Ruandu' parulug nano naganak onom anak ungkuyon: Jimran, Joksan, Midan, Midian, Isybak am Sua. I Joksan mokoondo' ruo ngaulun anak ungkuyon, i Syiba am i Didan.

1 TUNUNG RU BANSA' ISRAIL 1:9

Papag ri Kus iono ulun ru Siba, Gawila, Sabta, Raima am Sabtikga. Papag ri Raima iono ulun ru Syiba am Didan. (

KASAUKAN 25:3

I Joksan ama' ri Syiba am i Didan. Papag ri Didan iono ulun ru Asyur, Litus am ulun ru Lium.

JISAYA 21:13

Gitio noyo tanou ru Tuhan intor ra Arab. Alii ra ulun ru Didan, Kafilah-kafilah mino nangkim giu' ra Arab, tana' ra mapua' no.

YEHEZKIEL 38:13

Ulun ru Syiba, ulun ru Didan, am ulun mantalan intor ra bandar-bandar ru Sipanyol mangkuot rirun, ‘Timungon mu kia saujor muno am mamulunsar koson mampagaau am niayuk mantakou? Makaguang kou kia koson mampagaau ra ngaangai' pirok am mas, bibiag tinambiag am rapu' no?’ ”

2 TUNUNG RU BANSA' ISRAIL 9:21

Raja' Salomo mokoondo' ra masuang kapal maayo ondo' masundoi giu' ra raat malangka' mababaya' ra kapal-kapal ru Raja' Giram. Igondo' ralalom ru talu ngambilor, kapal-kapal ru Raja' Salomo minuli' nagibit ra mas, pirok, gading, gabuk am susuit tuou.