YEHEZKIEL 27:13 - Tanou Moonsoi Timugon

¹³ Mantalan kou giu' ra Junani, Tubal am Misik, am nokoowot ra ulipon am kuliamos gangsa' koson ra pangalig ra kuliamos muno.

YEHEZKIEL 27:13 ပူးပေါင်းရင်းမြစ်များ

KASAUKAN 10:2

Gitio noyo anak ri Japit, iono i Gomir, Magog, Madai, Jawan, Tubal, Misik am i Tiras.

JISAYA 66:19

am makaliman ra Aku noyo mangukum risilo. Kaa' santayaran risilo no bayagon Ku, am pootoron Ku ra bansa'-bansa' giu' ra pagun-pagun maalur, ondo' kalo poyo igondo' pokorongog ra katulayan Kuno, kapoam makakito ra kinaayo Kuno am kuasa' Kuno. Pootoron Ku ilo giu' ra Sipanyol, Libia am Lidia mabaya' ra ulun mapandai kaga' mamanah, am niayuk giu' ra Tubal am Junani. Pabalaan nilo katulayan Kuno ra tatanga' ru ngaangai' bansa' no.

PINAINTALANG 18:13

am kaningau, apa' pampagamis ra akanon, salong, mur am kaminyan; wain am umau; tapung am gandum; sapi' am domba, kuda am kurita', am ulun pana tinalan, ioginio ulipon.

YEHEZKIEL 39:1

Indagu Tuhan Raja', “Okou ulun mapandai matoi, ulaso' i Gog, ulun manguasa' kasaa' ru pagun Misik am Tubal, am balai' ilo ra Aku ti pantula' nano.

1 TUNUNG RU BANSA' ISRAIL 1:5

Anak ungkuyon ri Japit iono i Gomir, i Magog, i Madai, i Jawan, i Tubal, i Misik am i Tiras. Ilo no kinamatuaan ru bansa'-bansa' ondo' sabiton sumugut ra inggalan nilo.

JOIL 3:3

Nagugundi' ilo koson mangaru' ra ulun makaalap ra ulun rinakop. Nantalan ilo ra lalaing ungkuyon am ruandu' maa' raginio saukon ra ulipon. Alapon nilo ruit ondo' naapu koson mambayar ra ulun mantalan ra inan am mambali ra wain.

YEHEZKIEL 32:26

“I Misik am i Tubal soroi ra giu', liniputan ru lobong-lobong ru saujor nilo. Ilo ngaangai' kalo nakaulig ri Aki Kapuuno', am ilo ngaangai' minatoi ralalom pangayawan. Kaa' rondo' paat ragili nampalalaa' ilo ra ulun naayag.

DANIL 11:2

Ngaangai' ondo' raguon kuti motopot.” Kon ru malaikat no, “Talu ngaulun raja' poyo mamarinta ra Pirsia, sumunu' raja' kaapat ondo' langkaya' poyo intor ra ngaangai' no. Paat ra rasawat ru kuasa' am kalangkayaan nano, manggal io ra pamarintaan ru Junani.

DANIL 10:20

Kono poyo, “Nakapandai kou kia kua ratong aku rirun? Aku minatong koson mambala' ra suang ru Kitab Motopot rirun. Raino musiti' aku muli' am manggal ra malaikat manindung ru Pirsia. Mopongo raginio malaikat manindung ru Junani poyo sumalula', am kolondo' osoi pana mangindangan raki' ondo' ak am i Maikol, malaikat manindung ru Israil.

DANIL 8:21

Kambing gawayan no tatandu' ru pamarintaan Junani, am sangau ondo' minujak nangkilolot ra ruo mato nano tatandu' ru raja' ondo' kasaa'.

1 TUNUNG RU BANSA' ISRAIL 1:7

Papag ri Jawan iono ulun ru Ilisa, Sipanyol, Siprus am Rodis.

KASAUKAN 10:4

Papag ri Jawan, iono mamagun ru Ilisa, Sipanyol, Siprus am Rodis.

MAZMUR 120:5

Aku ondo' nakaaya' ra kaayagan mino mokoowot ra kapaganan, nogondo' ra kaayagan giu' ra Misik, kapoam kaayagan ru ulun Kidar!

YEHEZKIEL 27:12

“Mantalan kou giu' ra Sipanyol am nangapu ra pirok, basi', timah mapulak am timah maitom koson ra pangalig ra bayaran ru kuliamos muno ondo' masuang no.

JOIL 3:6

Inibit min mamagun ru Jiuda am Jirusalim giu' ra intok maalur, am niayuk nantalan risilo ra ulun ru Junani.