YEHEZKIEL 26:3 - Tanou Moonsoi Timugon

³ Indagu Tuhan Raja', “Aku pantula' muno, okou Tirus. Magibit Aku ra masuang bansa' koson mamulunsar rirun. Matong ilo koson ra kinulun ru raat.

YEHEZKIEL 26:3 ပူးပေါင်းရင်းမြစ်များ

MAZMUR 107:25

Ralalom ru panusuban Nano, makabagiu' ra mapuor, am mangkinulun ra maayo.

JISAYA 5:30

Paat ra orou raginio, titikop ru Israil maining bolos ra mangayou koson ra nginoos mapuor ru raat. Ilai' nga, titikop ru pagun no molondom am kumuliasou-asou. Sinda masauk ra molondom.

JIRIMIA 21:13

Kopongo raginio indagu Tuhan ra Jirusalim, “Okou Jirusalim! Intok muno masawat poyo intor ra limayak ra liliut muno. Koson kou ra bulur batu masawat giu' ra tana' marata', kaa' anggalon Tokou. Minindagu kou ra kolondo' sangulun pana makapamulunsar rirun kapoam makasubol ra kubu-kubu muno.

JIRIMIA 50:31

“Alii rirun Babilonia, malilimbau kou kaga'. Ginio sabap ra Aku, Tuhan Raja' Ondo' Maayo Kaga' Kuasa', manggal rirun! Nasaboi paat no ra mangukum Aku rirun.

JIRIMIA 50:42

Nanampanah am nanangilang ilo; malaat am masangit ilo. Bolos kinurikap ru kuda koson ra raat mangkinulun, paat ra ilo mangura' ra kuda. Nakatampos ilo no mamulunsar ra Babilonia.

JIRIMIA 51:42

Raat liminuab ra Babil am nampasakob riso ra kinulun ondo' makanginoos.

JIRIMIA 6:23

Mokoondo' ilo ra panah am ilang; malaat ilo am kalo mangampun. Bolos kinurukup ru kuda nilo ondo' kinuraan koson ra bolos ru raat ondo' mangkinulun. Nakatampos ilo noyo mamulunsar ra Jirusalim.”

YEHEZKIEL 21:3

ra Aku, Tuhan mindagu: Aku pantula' min. Butuson Ku ilang am mamatoi ramuyun ngaangai', ondo' malaat am niayuk ondo' moonsoi.

YEHEZKIEL 26:19

Indagu Tuhan Raja', “Saukon Tokou ra masiluk koson ra bandar ondo' kolondo' mamagun. Taubin Tokou ra timug intor ra raat.

YEHEZKIEL 27:26

Paat ra kakabil muno magibit rirun masundoi, angin sirangon lumumpa' rirun giu' ra tanga' ru raat.

YEHEZKIEL 28:22

Balai' mamagun ra giu' no atan ondo' paraguon Kuno, Tuhan Raja': Aku pantula' muno Sidon. Ulun mongompor Raki' sabap ra atan ondo' binaal Kuno rirun. Makapandai ilo ra Aku noyo Tuhan ondo' matulai, paat ra Aku mangukum ra mamagun muno.

YEHEZKIEL 29:10

Aku masauk boo ra pantula' muno am pantula' ru sungoi muno. Saukon Ku titikop ru Misir ra intok kolondo' tutuu' am masiluk, intor ra bandar Migdol giu' ra tampilon ralayo saboi ra bandar Aswan giu' ra tampilon rabugus, am makasaboi poyo ra balitan ru Itiopia.

YEHEZKIEL 38:3

am balai' io ra Aku, Tuhan Raja' noyo pantula' nano.

YEHEZKIEL 5:8

Ginio ra Aku, Tuhan Raja' mindagu rirun raino ra makimantula' Aku rirun. Ukumin Tokou giu' ra saang ru ngaangai' bansa'.

MIKA 4:11

Masuang noyo bansa' timinimung koson mamulunsar ramuyun. Konilo, “Jirusalim musiti' pusoon! Magilong akai ra bandar no masauk ra malunsai!”

NAGUM 2:12

Mansaam singa' ra ondo' akanon nano, am kual nano binsangon no koson akanon ru singa' ruandu' am anak nano. Sosokon ru singa' luang batu nano ra binsang ru kual ru ondo' sinaam nano.

NAGUM 3:5

Mindagu Tuhan Ondo' Maayo Kaga' Kuasa', “Okou Niniwi, ukumin Tokou! Pagibaangon Tokou, am mompoloso ra bansa'-bansa' magilong rirun; makito nilo baal muno ondo' makauyuyu'.

JAKARIA 14:2

Timungon ru Tuhan ngaangai' bansa' koson mangayou ra Jirusalim. Bandar no gaawon, baloi-baloi nano takawin am ruandu'-ruandu' nano sowoon. Sampiruo ra mamagun nano patirin ra pagun, kaa' ondo' bokon no kalo pabandingon intor ra bandar no.

JAKARIA 9:4

Kaa' Tuhan nangalap ra ngaangai' ondo' soroi riso. Patirin No ngaangai' kalangkayaan no ra ralalom ru raat, am bandar no koyoon solobon.

LUKAS 21:25

“Gitio noyo tatandu' ru pamupusan no; mato ru orou, bulan am butitin kulawon. Ngaangai' ulun ru tana' ti malawo am malaa' ilo ra bobolos am kinulun ru raat.