YEHEZKIEL 26:18 - Tanou Moonsoi Timugon

¹⁸ Kaa' raino naratu' kou noyo, mamagun ru pulu'-pulu' monontol; nakatigog ilo nokorongog ra nalunsayan muno.”

YEHEZKIEL 26:18 ပူးပေါင်းရင်းမြစ်များ

JISAYA 41:5

Mamagun ru pagun-pagun ra maalur magilong ra binaal Kuno; naliangan ilo am monontol malaa'. Ginio ra minatong ilo ngai' am tumimung.

JIRIMIA 49:21

Paat ra Idom maratu', bolos nano mosongou kaga' saboi titikop ru tana' ti mogonggon, am golok ru mamagun nano morongog polos ra Teluk Akaba.

JIRIMIA 50:46

Paat ra Babil maratu', bolos no mosongou kaga' saboi titikop ru tana' ti mogonggon, am tangi' ru mamagun nano morongog ru bansa'-bansa' ra bokon.”

YEHEZKIEL 26:15

Indagu Tuhan Raja' ra bandar Tirus, “Paat ra okou kuasaan ra maagu no, ulun ondo' soroi giu' ra gawar ru nagas malaa' sabap ra nokorongog ra golok ru ulun ondo' pinatoi.

YEHEZKIEL 27:35

“Ngaangai' ulun ondo' minayan giu' ra gawar ru nagas no nakatigog nokorongog ra pupus muno. Raja'-raja' nilo pana totopot nalaa'; laa' makito ra bulos nilo.

YEHEZKIEL 31:15

Koon raginio noyo ragu ru Tuhan Raja', “Paat ra orou tuunan ru puun tataun no ra intok ru ulun minatoi, mangkinibit Aku ra timug giu' ra ragana' ru tana' manimug riso koson ra tatandu' mangulir. Ompongon Ku aug ru timug ru sungoi am sonsongon sungoi-sungoi boborok. Sabap ra puun tataun no minatoi noyo, porotongon Ku kalandaman giu' ra Kagunungan Libanon am mampasauk ra ngaangai' puun tataun giu' ra kataunan lumonot.