YEHEZKIEL 25:7 - Tanou Moonsoi Timugon

⁷ Ginio ra pataakon Takamin ra bansa'-bansa' ondo' mantakou am manalingaau ra ngaangai' longgom min. Pusoon Takamin koyoo' saboi akau sala' ka boo bansa' ondo' mokoondo' ra pagun galama'. Makapandai kau boo ra Aku noyo Tuhan.”

YEHEZKIEL 25:7 ပူးပေါင်းရင်းမြစ်များ

JIPANYA 1:4

“Ukumin Ku mamagun ru Jirusalim am mamagun ru titikop Jiuda. Saliiron Ku ondo' natatang ra sumamba ra Baal intor ra intok-intok raginio. Imam-imam ondo' mangandoi ayuk ra Baal lilianin ra malingon.

YEHEZKIEL 25:16

Raino potonowon Ku ra mamulunsar Aku ra ulun ru Palistin am mamuso risilo. Pusoon Ku moonong ulun ondo' lakat poyo maayag giu' ra tampilon ra nagas ru raat ra pagun no.

YEHEZKIEL 25:13

Raino potonowon Ku ra ukumin Ku Idom. Potoyon Ku ngaangai' ulun am bibiag ondo' minayan ra giu' no. Pusoon Ku pagun no, intor ra bandar Timan saboi ra Bandar Didan. Mamagun nano matoi ralalom pangayawan.

YEHEZKIEL 35:3

Posoboyo' atan ondo' paraguon Kuno, Tuhan Raja' ra mamagun nano: Aku pantula' min, alii ra mamagun kau ru kabuluran Idom! Tana' min saukon Ku ra kolondo' tutuu' am masiluk.

YEHEZKIEL 14:9

“Amon ru sangulun nabi ruungon saboi mindagu ra ondo' kalo motopot, Aku, Tuhan ondo' namparuung riso. Patirin Ku io intor ra ulun Kuno Israil.

YEHEZKIEL 6:14

Iou, paakangon Ku kalindu' Kuno am tutukon ku pagun nilo saboi masauk ra kolondo' tutuu' am masiluk, intor ra tana' kaagisan giu' ra rabugus saboi ra bandar Ribla giu' ra ralayo. Ngaangai' intok ondo' inayanan ru ulun ru Israil, pusoon. Bagu no moonong ulun makapandai ra Aku noyo Tuhan.”

JIRIMIA 49:2

Kaa' masaboi paat no ra Aku mangkinibit ra mamagun ru bandar maayo Raba mokorongog ra bolos ru pangayawan, am bandar no mokoloso masauk ra malunsai. Pekan-pekan ra liliut no makai' kosolob. Kopongo raginio Israil makaalap saguli ra tana' no intor risilo ondo' nampagaau no.

JISAYA 33:4

Rapu' nilono ginaau am inalap ru ulun bokon.

SULABOI 1:14

“Inalap No ngaangai' tula kuno, am binangkos no nasauk rondo', am pasisigoto' ra liog kuno, saboi bagat nano nampalawo raki'. Pinataak aku ru Tuhan ra pantula' kuno, am kalo maikang aku gumula' risilo.

YEHEZKIEL 21:31

Makaliman kau ra sangit Kuno koson ra apui ondo' bibilak paat ra Aku mapaabus raginio ramuyun. Pataakon Takamin ra ulun mapuka', ondo' nakaigila' mamuso ra ulun.

YEHEZKIEL 21:32

Mapuso kau akanon ru apui. Raraa' min malayak giu' ra pagun min galama'. Kolondo' osoi pana boo makakara' ramuyun.’ ” Tuhan nakaindagu noyo.

YEHEZKIEL 26:5

Ulun mangimpait manuug ra ralo nilo giu' ra tampak ru batu ondo' giu' ra tanga' ru raat no. Aku, Tuhan Raja' minindagu noyo. Bansa'-bansa' ra bokon mantakou ra Tirus,

YEHEZKIEL 25:10

Polosoon Ku Moab mabaya' ra Amon kalaan ru bansa'-bansa' intor ra tana' kaagisan tampilon ra sirangon, saboi Moab sala' ka boo rondo' bansa'.