YEHEZKIEL 25:1 - Tanou Moonsoi Timugon

¹ Indagu Tuhan raki',

YEHEZKIEL 25:1 ပူးပေါင်းရင်းမြစ်များ

YEHEZKIEL 24:27

Paat ra orou raginio niayuk makaindagu kou saguli', am mindagu kou riso. Koon raginio noyo okou masauk ra tatandu' ra tayar ru ulun, am makapandai ilo ra Aku noyo Tuhan.”

YEHEZKIEL 25:2

“Okou ulun mapandai matoi, ulaso' pagun ru Amon.

JIPANYA 2:9

Sabap ra Aku Tuhan ondo' maayag, i Aki Kapuuno' ondo' sambaan ru Israil, magibot Aku ra Moab am Amon pusoon koson ra Sodom am Gomora. Pagun-pagun no mososok ra tulubong ru usi' am sabubuoi no masauk ra nalunsai ondo' mantilayun ondo' tuwin ru bulungkut-bulungkut makaruui. Ulun Kuno ondo' naayag mampagaau ra rapu' ru mamagun ru pagun-pagun no am mampagaau ra tana' nilo.”

NIGIMIA 13:1

Bulintok ra Taurat ri Musa binasa' ra mamagun, norongog nilo ra ulun ru Amon am Moab kalo iowon mongoi amung ra ulun ri Aki Kapuuno'.

JIRIMIA 12:14

Indagu Tuhan, “Gitio noyo tanou Kuno intor ra pagun-pagun paginggaar ru Israil ondo' nampajajou ra pagun ondo' pinataak Ku ra ulun Kuno Israil. Koson ra tatanom ondo' binubul intor ra tana', koon raginio noyo ra ngaangai' ulun malaat no bubulon Ku intor ra pagun-pagun nilo. Palabuson Ku Jiuda intor ra kuasa' nilo.

JIRIMIA 27:3

Tuhan pana nanusub boo raki' mampasaboi ra tanou ra raja' ru Idom, Moab, Amon, Tirus am Sidon, ondo' pinabala' galing ra ulun-ulun sinusub nilo ondo' minatong ra Jirusalim koson muma' ra Raja' Jidikia.

JIRIMIA 49:1

Koon raginio noyo ragu ru Tuhan intor ra pagun ru Amon, “Ati kia giali ungkuyon ru Israil? Kolondo' kia osoi pana ondo' mangampin ra pagun nano? Kua kia polosoo' nilo bansa' ondo' siminamba ra Dewa Milkon nampagaau am minayan ra wilayah ru bansa' ru Gad?

SULABOI 1:21

“Rongog kano ra laa kuti; kolondo' osoi pana makabansuk ra guang kuno. Pantula' kuno maansayan sabap namparatong Kou ra karaat ti raki'. Porotongo' orou ondo' binantu' Muno, maa' raginio pantula' kuno maimbolo' koson raki'.

YEHEZKIEL 28:26

Mayan ilo ra giu' ra moonsoi. Manambaloi ilo am manangumo ra anggur. Ukumin Ku ngaangai' pasambalayan nilo ondo' igondo' nagasab risilo, am Israil maayag ra moonsoi. Makapandai ilo boo ra Aku noyo Tuhan, i Aki Kapuuno' nilo.”

YEHEZKIEL 32:29

“Soroi i Idom ra giu' nababaya' ra ngaangai' raja' am ulun manguasa' nano. Ragili ilo saujor ondo' maikang, kaa' raino nakalangan ilo giu' ra intok ru ulun minatoi nababaya' ra ulun ondo' kalo makaulig ri Aki Kapuuno', ondo' minatoi ralalom pangayawan.

YEHEZKIEL 36:7

Aku, Tuhan Raja' magibot ra bansa'-bansa' ra libung no asabin.

JOIL 3:19

Misir masauk ra tana' kaagisan, am Idom masauk ra tuntur ru nalunsai, sabap ra namulunsar ilo ra Jiuda am namatoi ra mamagun nano ondo' kolondo' sala.

AMOS 1:13

Indagu Tuhan, “Mamagun ru Amon ruruli' noyo makatula, ginio ra maaru' ukumin Ku ilo. Paat ilo mangayou koson mapalangka' ra wilayah, lapaan nilo tinai' ru ruandu'-ruandu' maapang giu' ra Giliad.

ABAKUK 1:17

Mantilayun ilo kia mamakai ra ilang am mararayus mamuso ra bansa'-bansa' ra kolondo' guang makaasi'?

JIPANYA 2:8

Tuhan Ondo' Maayo Kaga' Kuasa' mindagu, “Nokorongog Aku noyo ra bansa' ru Moab am Amon nagasab am nangiis ra ulun Kuno. Masawat ragu nilo sabap ra ginaau nilo tana' ru ulun Kuno.