YEHEZKIEL 24:6 - Tanou Moonsoi Timugon

⁶ Gitio noyo ragu ru Tuhan Raja', “Aibui boo ra bandar ondo' nososok ra ulun mamatoi! Baal nano koson ra pagangan nontogol ondo' kalo igondo' liniungan. Kual ondo' pinasubo ra ralalom no iningkual saputul am saputul, saboi ngaangai' no nakai'.

YEHEZKIEL 24:6 ပူးပေါင်းရင်းမြစ်များ

2 SAMUIL 8:2

Kopongo raginio nangala Raja' Daut ra ulun ru Moab. Nanusub io ra ulun inaput nano lumangan ra tana', pamatoi io boo ra ruo ngaulun intor ra moonong talu ngaulun. Ginio ra ulun ru Moab naala ra Raja' Daut am mambayar riso ra cukai.

2 RAJA'-RAJA' 21:16

Namatoi Raja' Manasi ra masuang kaga' ulun ondo' kolondo' sala saboi raraa' nalayak giu' ra ralan-ralan giu' ra Jirusalim. Suai ra binaal raginio, Raja' Manasi niayuk nangkinibit ra mamagun ru Jiuda siminamba ra sinungkalalaing, saboi ilo makatula ra Tuhan.

2 RAJA'-RAJA' 24:3

Kasaukan raginio nasauk sumugut ra susuban ru Tuhan, koson mamatir ra mamagun ru Jiuda intor ra pagun ondo' pinataak No risilo, sabap ra ngaangai' ru tula ru Raja' Manasi,

2 RAJA'-RAJA' 24:4

mulu' poyo ra namatayan ra ngaangai' ru ulun ondo' kolondo' tula. Kalo makapangampun Tuhan ra Raja' Manasi sabap ra binaal nano.

JIRIMIA 2:22

Kabalu' pana mariu' kou ra mansabun ra masuang, kaa' lakat Aku poyo makakito ra itom ru kasalaan muno.

JIRIMIA 6:29

Malasu' noyo kaga' pampaliou no, kaa' jamol ru basi' kalo niayuk maliou am malulu'. Banangan ayuk boo ulun Kuno rayuson kinamin koson kapasawon, sabap ra ilo ondo' malaat kalo ininggi'.

YEHEZKIEL 11:11

Bandar ti kalo manindung ramuyun, koson ra pagangan manindung ra kual giu' ra ralalom no. Ukumin Takamin giu' ra ati ayuk kasarayan min ra pagun ru Israil.

YEHEZKIEL 11:3

Indagu ilo, ‘Kalo boo mabuoi mambaal takau saguli' ra baloi. Topot bandar ti koson ra pagangan am itakau koson ra kual giu' ra ralalom nano, kaa' kabalu' pana raginio masindungan takau intor ra apui.’

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

YEHEZKIEL 22:2

“Okou ulun mapandai matoi, nakatampos kono kia mangukum ra bandar ondo' napapak ra ulun mamatoi? Pakitono' ngaangai' binaal nano ondo' makauyuyu' no riso.

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

YEHEZKIEL 22:3

Balai' bandar no ra atan ondo' paraguon Kuno, Tuhan Raja': Sabap ra namatoi kau ra masuang ulun mino galama', am nampajamol ra inan ra siminamba ra sinungkalalaing, raino jam ra ukuman mino mamaar noyo.

YEHEZKIEL 24:3

Aku, Tuhan Raja' mokoondo' ra pagabigan koson posoboyon ra ulun Kuno ondo' masaga' gumuor: Parakano' pagangan ra rasawat ru apui, am totopo' pagangan ra timug.

YEHEZKIEL 24:9

Gitio noyo ragu ru Tuhan Raja', “Aibui boo ra bandar ondo' nososok ra ulun mamatoi! Aku galama' mansuru.

JOIL 3:3

Nagugundi' ilo koson mangaru' ra ulun makaalap ra ulun rinakop. Nantalan ilo ra lalaing ungkuyon am ruandu' maa' raginio saukon ra ulipon. Alapon nilo ruit ondo' naapu koson mambayar ra ulun mantalan ra inan am mambali ra wain.

OBAJA 1:11

Paat ra pantula' mampalunsai ra kulobon garabang ru Jirusalim am kuasaan bandar no, kolondo' atan pana mabaal min. Nogondo' laat min ra ulun bansa' ra bokon ondo' nagaut ra rapu' ru Jirusalim, am tinayar-tayar ginio ra ilo galama'.

JUNUS 1:7

Kopongo raginio, nagaloi boo i Junus am kaptin ru kapal giu' rasawat, ngaangai' ulun ru kapal nagindagu ilo-ilo galama', “Ibok takau ngai' magugundi' takau maa' raginio makapandai takau osoi makasala, saboi nalumpa' takau ru karaat ti!” Pagugundi' ilo am kaundi' i Junus.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

NAGUM 3:1

Aibui boo ra bandar ondo' nososok ra ulun mampatoi am ulun magabau, am niayuk nososok ra masuang rapu' ondo' gaawon am talingaawon.

NAGUM 3:10

Kabalu' pana raginio, mamagun ru Tibi rinakop am pinatiran ra pagun. Giu' ra moonong pisuk ru ralan, anak-anak nilo linamba' saboi minatoi. Tingganai-tingganai nilo rinantai am tinayar-tayar ra gino ngai' ru ulun ondo' namparakop risilo.

MATIUS 23:35

Pupus no, ukum ra namatoi ra ngaangai' ulun ondo' kolondo' sala i paratuon ramuyun. Intor namatayan ri Abil ondo' kolondo' sala, suku' namatayan ri Jakaria, anak ri Birikia, ondo' pinatoi min ra lolot ru altar am Intok Matulai.

SAGULION 23:13

Paat ra akau masaga' mampangara', ibito' niayuk saputul tataun suai ra kaukapan min koson mangkali ra luang am mamumpun no poyo.

JOSUA 10:22

Indagu boo i Josua, “Ukabo' kabang ru luang batu no am ibito' raki' limo ngaulun raja' no.”

PINAINTALANG 17:6

Kakito ku boo ruandu' no nagauk ra raraa' ru ulun ri Aki Kapuuno' am raraa' ru ulun ondo' pinatoi sabap ra giminagaya' ri Jisus. Paat nakito ku ruandu' no, nangimuag aku kakaga'.

PINAINTALANG 18:24

Bandar Babil no linunsai sabap ra mamagun no nampatoi ru nabi-nabi am ulun ri Aki Kapuuno' ra giu' no – ioginio nampatoi ilo ra ulun ra titikop ru tana' ti.