YEHEZKIEL 24:3 - Tanou Moonsoi Timugon

³ Aku, Tuhan Raja' mokoondo' ra pagabigan koson posoboyon ra ulun Kuno ondo' masaga' gumuor: Parakano' pagangan ra rasawat ru apui, am totopo' pagangan ra timug.

YEHEZKIEL 24:3 ပူးပေါင်းရင်းမြစ်များ

2 RAJA'-RAJA' 4:38

Paat ra sanganuan, paat ra bitilan nasauk giu' ra titikop ru pagun no, minuli' i Ilisa ra Gilgal. Liliwa' ra io mangila' ra sampulalai nabi, panusub io ra ulipon nano mangansak ra akanon ra ralalom ru sampagangan ra maayo risilo.

MAZMUR 78:2

Raguon ku ra ragu ru pagabigan, am mapabala' aku ra abig ra galing i,

JISAYA 1:2

Indagu Tuhan, “Alii ra limbowon am tana' ti, rongogo' noyo ragu Kutu! Ngaangai' anak ra pinasukor Kuno giminuor Raki'.

JISAYA 29:2

am porotongon ri Aki Kapuuno' karaat ra bandar ondo' sabiton ra Altar ri Aki Kapuuno'. Bolos pantangian am manulaboi maining, am titikop ru bandar no masauk koson ra altar ondo' natuba' ru raraa'.

JISAYA 30:1

Tuhan minindagu, “Aibui boo ra nasuangan tingganai ru Jiuda, sabap minanggal ilo Raki'. Mambaal ilo ra inatangan-inatangan ondo' sala' ka inatangan Kuno, am inirot nilo nabantuan koson manggal ra kasagaan Kuno. Tumuntur-tuntur boo tula nilo.

JISAYA 30:9

Masalok ilo manggal ri Aki Kapuuno', masalok magabau, am marara' manugut ra pangilaan-pangilaan ru Tuhan.

JISAYA 63:10

kaa' ilo gumuor Riso am mangkinibit ra Tuhan mangiluk guang. Ginio ra Tuhan makimantula' am manggal risilo.

JIRIMIA 1:13

Pangkuot poyo Tuhan raki', “Atan poyo nakito muno?” Taam aku, “Giu' ra tampilon ralayo, nakito ku rondo' pagangan ondo' suang no rumiri', am pagangan no mamaar matingkaung ra tampilon ragiti.”

JIRIMIA 1:14

Indagu Tuhan raki', “Karaat lumuab intor ra ralayo am lumumpa' ra ngaangai' mamagun ru pagun ti,

YEHEZKIEL 11:11

Bandar ti kalo manindung ramuyun, koson ra pagangan manindung ra kual giu' ra ralalom no. Ukumin Takamin giu' ra ati ayuk kasarayan min ra pagun ru Israil.

YEHEZKIEL 11:3

Indagu ilo, ‘Kalo boo mabuoi mambaal takau saguli' ra baloi. Topot bandar ti koson ra pagangan am itakau koson ra kual giu' ra ralalom nano, kaa' kabalu' pana raginio masindungan takau intor ra apui.’

YEHEZKIEL 11:7

“Ginio ra Aku, Tuhan Raja' mindagu ramuyun. Topot ra bandar ti noyo pagangan, kaa' kual giu' ra ralalom no sala' ka akau, kaa' baangkai ru ulun ondo' pinatoi min! Kaa' akau patirin Ku intor ra bandar ti!

YEHEZKIEL 12:2

“Okou ulun mapandai matoi, minayan kou ra tatanga' ru ulun gumuor. Mokoondo' ilo ra mato, kaa' kalo makakito; mokoondo' ilo ra talingo, kaa' kalo mokorongog, sabap ra masaga' ilo gumuor.

YEHEZKIEL 12:25

Aku, Tuhan mindagu ra ulun ru Israil, am ngaangai' ondo' raguon Kuno musiti' masauk, ra kalo boo paginjul-ginjul. Akau ulun gumuor, paat ra okou maayag, suguton Ku atan ondo' pinakara' Kuno ramuyun. Aku, Tuhan Raja', nakaindagu noyo.”

YEHEZKIEL 17:12

“Kuati' ulun-ulun gumuor no ru makarati' ilo ra arati' ru abig no. Balai' ilo ra raja' ru pagun Babilonia matong ra Jirusalim am magibit ra raja' am niayuk pagawai-pagawai ru Jirusalim mababaya' riso sumaguli' ra Babilonia.

YEHEZKIEL 17:2

“Okou ulun mapandai matoi, posoboyo' abig ti ra ulun ru Israil,

YEHEZKIEL 2:2

Bulintok ra aku mokorongog ra bolos no, Ambiluo ri Aki Kapuuno' nanguasa' raki' am napabigor raki'. Mokorongog aku ra bolos no mindagu poyo,

YEHEZKIEL 2:3

“Okou ulun mapandai matoi, susubon Tokou mongoi ra ulun ru Israil. Giminuor ilo Raki' koson ra kinamatuaan nilo ragili. Saboi raino lakat ilo poyo gumuor.

YEHEZKIEL 2:5

Ulun giminuor no rumongog rirun kapoam kalo, makapandai ilo ra mokoondo' nabi ra ilo po ngai'.

YEHEZKIEL 2:6

Kaa' okou, ulun ondo' mapandai matoi, pai' kalaa' risilo kapoam atan ayuk ondo' raguon nilo. Anggalon am asabin nilo okou. Malimanan mu koson maayag ra tatanga' ru lingait. Kabalu' pana raginio, pai' kalaa' ra ulun-ulun gumuor no, kapoam atan ayuk ondo' raguon nilo.

YEHEZKIEL 2:8

Okou ulun ondo' mapandai matoi, rongogo' ragu Kutu. Pai' no guor koson risilo. Gaalo' kabang muno am akano' atan ondo' pataakon kutu.”

YEHEZKIEL 20:49

Kaa' aku, i Yehezkiel mindagu, “Tuhan Raja', pai' aku jajali' mindagu raginio. Moonong ulun nambutok noyo sabap ra masalok aku mindagu am magabig ondo' mapagon aration.”

YEHEZKIEL 24:6

Gitio noyo ragu ru Tuhan Raja', “Aibui boo ra bandar ondo' nososok ra ulun mamatoi! Baal nano koson ra pagangan nontogol ondo' kalo igondo' liniungan. Kual ondo' pinasubo ra ralalom no iningkual saputul am saputul, saboi ngaangai' no nakai'.

YEHEZKIEL 3:9

Baalon Tokou koson ra kinaikang ru bulur batu am koson ra kinokotog ru intan. Pai' kalaa' ra ulun-ulun gumuor no.”

MIKA 2:4

Paat ra rumatong ginio, alapon ru ulun tunung intor ramuyun no koson ra pangiisan. Maririmbai ilo ra rimbai panguliran ragitio: Napuso akai noyo ra nalingon! Tuhan nangalap noyo ra pagun mai am tinaakan no ra ulun ondo' namparakop ramon.”

MARKUS 12:12

Tingganai ru ulun ru Jaudi no mirot mamparakop ri Jisus, sabap ra napandayan nilo ra ilo inabigan ri Jisus. Kaa' malaa' ilo ra ulun masuang no, am iruani' nilo boo i Jisus.

LUKAS 8:10

Taam i Jisus, “Binalaan kano ondo' kalo igondo' pinabala' ra ati kulaan i Aki Kapuuno' mamarinta. Kaa' ulun ra bokon ilaan ayuk ra pagabigan; ra kabalu' pana monontong ilo kaa' kalo makakito, mangkirongog ilo noyo kaa' kalo makarati'.”

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!