YEHEZKIEL 24:24 - Tanou Moonsoi Timugon

²⁴ Paat raginio masauk aku ra tatandu' ra tayar min. Baalon min atan ondo' baalon ku raino. Mindagu Tuhan ra paat masauk baal raginio, makapandai kau ra Io noyo Tuhan Raja'.”

YEHEZKIEL 24:24 ပူးပေါင်းရင်းမြစ်များ

YEHEZKIEL 4:3

Alapo' rondo' paliuk basi' am potolorogo' paliuk no koson ra timbok ru lolot muno am bandar no. Tingkuang no ra tampilon ra bandar no ilain koson okou magawang raginio. Baal raginio masauk ra tatandu' ra tayar ru bansa' ru Israil.

YEHEZKIEL 12:11

Balai' ilo ra binaal muno tatandu' ru baal ondo' masauk risilo. Masauk ilo ra ulun nagiru' am ulun rinakop.

YEHEZKIEL 6:7

Ulun ondo' potoyon giu' ra ati pana intok, am ilo ondo' maayag mangiou ra Aku noyo Tuhan.

JISAYA 20:3

Bulintok ra Asdod pinarinta, mindagu Tuhan, “Jisaya, ulipon Kuno minugar ra nagibabaang am kalo nangkasut buoi talu ngambilor. Tatandu' ragitio koson pulanu masauk giu' ra Misir am Itiopia.

JUANIS 16:4

Kaa' mambala' Aku ramuyun raino, maa' raginio ra io masauk, makara' min ra binalaan takamin noyo kalalair.” “Kalo binalaan takamin raginio intor ra talimpuun i, sabap ra lakat Aku ayuk poyo nabaya' ramuyun.

JUANIS 14:29

Pabalaan Ku ginio ramuyun raino ra kalo poyo masauk ngaangai' no, maa' raginio ra io masauk, mangintopot kau Raki'.

JUANIS 13:19

Balain takamin raino ra kalo poyo masugut baal ragitio, maa' raginio ra io masauk ra maagu no, mangintopot kau ra ‘Aku noyo AKU’.

LUKAS 21:13

Paat raginio boo kaluagan min mampabala' risilo ra Tanou Moonsoi no.

YEHEZKIEL 25:17

Ukumin Ku ilo ra maagat am paabuson guang mansuli' risilo. Paat ra ilo makaliman ra sangit Kuno, makapandai ilo ra Aku noyo Tuhan.”

YEHEZKIEL 25:14

Ulun Kuno Israil susubon Ku mansuli' ra Idom. Polosoon nilo Idom makaliman ra sangit Kuno ondo' moporos. Makapandai boo Idom ra ati kulaan malimanan masauk intok papaabusan ra sangit Kuno.” Tuhan Raja' nakaindagu noyo.

YEHEZKIEL 25:11

Ukumin Ku Moab, am mamagun nano pana makapandai ra Aku noyo Tuhan.”

YEHEZKIEL 25:7

Ginio ra pataakon Takamin ra bansa'-bansa' ondo' mantakou am manalingaau ra ngaangai' longgom min. Pusoon Takamin koyoo' saboi akau sala' ka boo bansa' ondo' mokoondo' ra pagun galama'. Makapandai kau boo ra Aku noyo Tuhan.”

YEHEZKIEL 25:5

Saukon Ku bandar Raba intok manambiag ra unta, am titikop ru pagun Amon intok manambiag ra domba, maa' raginio makapandai kau ra Aku noyo Tuhan.’ ”

YEHEZKIEL 17:24

Ngaangai' puun tataun giu' ralalom ru pagun makapandai ra Aku noyo Tuhan. Tagaron Ku puun tataun ondo' masawat, am mambaal ra puun tataun ondo' magana' sumawat. Polonoton Ku puun tataun ondo' masansam, am mambaal ra puun tataun ondo' mapua' sumansam. Aku, Tuhan nakaindagu noyo. Suguton Ku ngaangai' ondo' rinagu Kuno.”

YEHEZKIEL 12:6

Polosoo' noyo ilo magilong rirun mansaan ra kuntil muno am mingkual mongoi ra intok ondo' molondom ra bulos sinilian maa' raginio kalo makito mu ralan bayaan. Binaal muno masauk ra pangkaraan ra ulun ru Israil.”

YEHEZKIEL 7:27

Raja' mangulir; anak ungkuyon ru raja' kolondo' boo kalansanan, am mamagun monontol ra malaa'. Ukumin Takamin mogondo' ra ngaangai' binaal min. Mangakim Aku ramuyun koson ra Aku nangakim noyo ra ulun ra bokon. Bagu no makapandai kau ra Aku noyo Tuhan.”

YEHEZKIEL 7:9

Kalo malubatan Aku ramuyun kapoam makaasi' ramuyun. Mangukum Aku ramuyun ra binaal min ondo' makauyuyu', maa' raginio makapandai kau ra Aku noyo Tuhan am Aku noyo ondo' mangukum ramuyun.”

JIRIMIA 17:15

Indagu ulun raki', “Ati kia ngaangai' lolob ru Tuhan ramon? Polosoon Io mambaal ra ngaangai' no raino!”

JISAYA 8:18

Gitio aku no am anak-anak ondo' pinataak ru Tuhan no raki'. Tuhan Ondo' Maayo Kaga' Kuasa' ondo' namarinta ra Bulur Sion, nanusub ramon koson ra tatandu' ru ulun ru Israil.

YEHEZKIEL 20:44

Paat ra Aku mimbuor koson magalung ra kinoonsoi ru inggalan Kuno, akau ulun ru Israil makapandai ra Aku noyo Tuhan, sabap ra pamakuan Kuno ramuyun nogondo' koson ra binaal mino ondo' mapuka' am malaat.” Tuhan Raja' nakaindagu noyo.