YEHEZKIEL 24:23 - Tanou Moonsoi Timugon

²³ Kalo mugar kau ra kolondo' sigal ru ulu, kapoam kasut. Kalo manulaboi kau kapoam mantangi'. Gumaai kagas min sabap ra tula min, am mampalaa kau ra rondo' am bokon.

YEHEZKIEL 24:23 ပူးပေါင်းရင်းမြစ်များ

2 SAMUIL 15:30

Kalo nangkasut i Daut, am nababaya' ra ngaangai' ulun minaya' riso no, nagaloi ilo ra Bulur Jaitun liliwa' mantangi' am ulu rinundung koson tatandu' mangiluk guang.

AYUP 27:15

Ilo ondo' maayag matoi sabap ra maruol tumapik, am ruandu' napuor nilo kalo mantangi' risilo.

MAZMUR 107:17

Mokoondo' niayuk ulun budu am naimbolo' sabap ra tula nilo, am niayuk inimbolo' sabap ra laat nilo;

MAZMUR 78:64

Imam pinatoi ra ilang, am andu' nilo sawayon kalo pantangion.

JISAYA 20:2

Talu ngambilor ra nakapagulu, nanusub Tuhan ri Jisaya anak ri Amos namagus ra kasut am nangalus ra konoon karung ondo' sinulungan nano. Sinugut ri Jisaya nanusuban raginio am minugar io nagibabaang am niayuk kalo nangkasut.

JISAYA 59:11

Malaa' akai am mangiluk guang; maguyum akai ra katimpakan, kaa' kolondo'; lumansan akai ra pamayagan, kaa' banangan ayuk.

JIRIMIA 13:18

Indagu Tuhan raki', “Susubo' raja' am ina' nano tumuun intor ra panturungan nilo, sabap ra karaun nilo ra moonsoi naratu' noyo intor ra ulu.

SULABOI 4:9

Maimbolo' ilo am matoi ra inuton, sabap totopot kolondo' akanon. Ulun ondo' matoi giu' ra intok pangayawan, moonsoi poyo intor ra ulun ondo' matoi ra maitilan.

YEHEZKIEL 24:22

Kopongo raginio baalon min atan ondo' baalon ku raino. Siliin min bulos kapoam mangakan ra akanon mangulir.

YEHEZKIEL 33:10

Indagu Tuhan raki', “Okou ulun mapandai matoi, rulio' noyo ragu-ragu ru ulun ru Israil risilo, ‘Nangkagas akai sabap ra nansaan akai ra bagat ru tula am kasalaan mai. Ati kulaan akai maayag?’

YEHEZKIEL 4:17

Makayaan ilo ra ruti' am timug, malawo guang nilo, am pupus no matoi sabap ra tula nilo.”

YEHEZKIEL 44:18

Koson kalo rasangon, musiti' ilo mansigal ra linon am mansaluar ra linon kolondo' abot.

IMAMAT 26:16

ukumin Ku akau. Porotongon Ku ramuyun baal makalalaa' – maruol ondo' kalo maalap kababas am salom, saboi moolou kau am maimbolo'. Magitanom kau kaa' papalo ayuk, sabap ra kalaan kau ru pantula' mino am mangakan ra ampos ru tinanom mino.

IMAMAT 26:39

Santayaran boborok intor ramuyun ondo' lakat poyo maayag giu' ra pagun ru pantula' no maimbolo' sabap ra tula min galama' am tula ru kinamatuaan min.