YEHEZKIEL 24:21 - Tanou Moonsoi Timugon

²¹ nampasaboi ra tanou ti ramuyun, ulun ru Israil: Lumimbau kau ra kinapiot ru Baloi ru Tuhan. Masaga' kau magilong am mongoi ilong, kaa' jamalin ginio ru Tuhan. Ulun ru sasambaloi min ondo' lakat poyo mamulok, ondo' minayan giu' ra Jirusalim potoyon ralalom ru pangayawan.

YEHEZKIEL 24:21 ပူးပေါင်းရင်းမြစ်များ

YEHEZKIEL 23:47

Polosoo' santimungan ulun no momobol risilo am mamulunsar risilo ra ilang, mamatoi ra anak-anak nilo, am monolob ra baloi nilo.

YEHEZKIEL 23:25

Sabap ra sumangit Aku rirun, polosoon Ku ilo malaat pamakuan rirun. Binsilon nilo arung am talingo muno, am niayuk mamatoi ra anak-anak muno ra ungkuyon am ruandu'. Totopot ilo mamparakop am monolob ra anak-anak muno ra biag-biag.

JIRIMIA 7:14

Ginio ra atan ondo' baalon Kuno ra Silo baalon Ku ra Baloi Kutu, intok ondo' lansanin min. Intok ondo' tinaakan Ku ra kinamatuaan min ni am akau ti baalon Ku koson ra Silo.

MAZMUR 27:4

Rondo' pinakiasian kuno ra Tuhan; rondo' ayuk kinitaak kuno; ioginio mayan ra Baloi ru Tuhan polos ru painawo kuno, koson tumainu ra ondo' nansalinut moonsoi Riso, am makiila' Riso.

YEHEZKIEL 24:16

“Okou ulun mapandai matoi, pulali' Ku mangalap ra ulun ondo' tagamin muno kaga', kaa' kalo makapanulaboi kou, kapoam mantangi', kapoam mompoloso ra lomou muno rumatu'.

JIRIMIA 6:11

Iou Tuhan, sangit Muno risilo niayuk malasu' ra ralalom ru inan kutu! Kalo noyo moorot ku.” Tuhan pana mindagu, “Paabuso' sangit Kuno ra lalaing-lalaing giu' ra ralan-ralan maayo am ra ulun mamulok ondo' tatanga' mantitimung. Mansawo rokopon, am ulun matutuo pana rokopon.

MAZMUR 84:1

Ra tingganai ru santimungan maririmbai. Sumugut ra rimbai ri: Gitit. Mazmur ru bansa' ri Kora.

DANIL 11:31

Kukula' ngaulun saujor ru raja' mampajamol ra Baloi ru Tuhan. Langgain nilo taak simbalui orou-orou, am manirong ra ‘Karaat Ondo' Moporos’ no.

YEHEZKIEL 9:7

Indagu i Aki Kapuuno' risilo, “Jamali' noyo Baloi ru Tuhan. Sosoko' liliut-liliut nano ra baangkai. Talimpuun kano mangandoi!” Ilo pana tumalimpuun mamatoi ra ulun giu' ra bandar no.

SULABOI 1:10

Pantula' nano nampagaau ra ngaangai' kalangkayaan nano. Nakakito Io risilo siminubol ra Baloi ru Tuhan, intok kalo iowon subolon ru ulun ondo' sala' ka ulun ru Tuhan.

JIRIMIA 9:21

Kapatayan siminubol noyo minaya' ra gigimpalan, am siminubol ra ralalom ru istana takau; kapatayan siminansar ra anak-anak giu' ra ralan maayo am buayoi-buayoi giu' ra intok malimparang.

JISAYA 65:11

Kaa' sala' ka ginio pupus mino ondo' manatang Raki' am niayuk kalo mampalio ra Sion, bulur Kuno ondo' matulai, am ondo' sumamba ri Gad am Mini, dewa ru iawo am dewa ru nasip.

MAZMUR 132:8

Ratong no am ayan no ra Baloi Muno, iou Tuhan, mabaya' ra Kaban Nabantuan, tatandu' ru kuasa' Muno.

MAZMUR 105:4

Pakiindangan no ra Tuhan, kasalok kano sumamba Riso.

MAZMUR 96:6

Katulayan am urumat liminiput Riso, intok Nano natikop ra kuasa' am kaantakan Nano.

MAZMUR 79:1

Mazmur ri Asap. Iou Aki Kapuuno', ulun ondo' kalo makaulig Rirun minayan ra tana' Muno. Jinamol nilo Baloi Muno ondo' matulai am manuyas ra Jirusalim.

MAZMUR 74:7

Sinuruan nilo Baloi Muno saboi naumpo; am intok sambaan Rirun i jinamol nilo.

IMAMAT 26:19

Pandakon Ku kuasa' ondo' lilimbawan mino. Kalo rumatu' rasam saboi tana' mino mapua' am mokotog koson ra basi'.

YEHEZKIEL 7:24

Mangator Aku ra bansa'-bansa' ondo' malaat kaga' mongoi ra pagun ti am polosoon ilo mayan ra baloi-baloi min. Paat ra Aku mompoloso risilo mampajamol ra intok sambayangan min, ungkuyon ondo' mapanggol kaga' intor ramuyun no magiru' ambiluo.

YEHEZKIEL 24:20

Taam aku koson ragitio, “Minindagu Tuhan raki' am nanusub raki'

YEHEZKIEL 24:22

Kopongo raginio baalon min atan ondo' baalon ku raino. Siliin min bulos kapoam mangakan ra akanon mangulir.

YEHEZKIEL 24:25

Indagu Tuhan, “Okou ulun mapandai matoi, alapon Ku Baloi Kuno ondo' mapiot no intor risilo, Baloi ondo' linimbawan am kasagain nilo, am ondo' ilain am angayin nilo ra guang maansukan. Aku pana mangalap niayuk ra anak-anak nilo.

YEHEZKIEL 33:28

Saukon Ku pagun ti ra tana' kaagisan ondo' kolondo' tutuu' am masiluk, am kinaayo ondo' lilimbawan min pupusin. Gunung-gunung giu' ra Israil saukon ra masiluk saboi kolondo' sangulun pana mansail ra giu' no.

GOSIA 9:16

Ulun ru Israil koson ra puun tataun ondo' kalo nangkawa' am bakat nano mapua' noyo. Kalo maganak ilo, potoyon Ku anak-anak ondo' tagamin nilo.”

MALIAKI 2:12

Gama' ru inggion ru Tuhan ulun ondo' nambaal raginio intor ra ulun ru Israil, am kalo mangiou risilo maya' ra bansa' takau koson mampataak ra taak simbalui ra Tuhan Ondo' Maayo Kaga' Kuasa'.

1 RAJA'-RAJA' 9:7

patirin Ku ulun Kuno Israil intor ra pagun ondo' tinaakan Kuno risilo. Iruanin Ku niayuk Baloi ti ondo' timpokon Ku koson ra intok sumambayang Raki' ayuk. Ulun giu' ra ati-ati intok no manauyu' am magasab ra ulun ru Israil.

MAZMUR 84:3

Makaguang-guang aku toojo mayan ra giu' no. Moondom aku kaga' mayan ra Baloi ru Tuhan. Ralalom sotopot ru guang, maansukan aku marimbai ri Aki Kapuuno' ondo' maayag.

SULABOI 2:1

Ralalom ru sangit, linibungan ru Tuhan Sion ra kalandaman. Kinulau No kinaayo ru Israil ondo' masawat koson ra limbowon nasauk nalunsai. Paat ra Io sumangit, Baloi Nano pana iruanin.

SULABOI 2:21

Ulun matutuo am mamulok ngaangai' no minatoi giu' ra ralan-ralan, kamulakan ungkuyon am ruandu' pinatoi ra ilang ru pantula'. Pinatoi Mu ilo ra kolondo' guang makaasi' paat ra orou Okou sumangit.