YEHEZKIEL 23:9 - Tanou Moonsoi Timugon

⁹ Ginio ra pinataak Ku io ra kubayau nano, ulun ru Asyur ondo' kalaayan nano kaga'.

YEHEZKIEL 23:9 ပူးပေါင်းရင်းမြစ်များ

2 RAJA'-RAJA' 15:29

Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.

2 RAJA'-RAJA' 17:23

Pupus no namatir Tuhan risilo intor ra tana' ondo' tinaakan Nano risilo. Baal raginio nasauk nontopot ra pinakara' ondo' tinaakan ru Tuhan ra ulipon-ulipon Nano. Ginio ra ulun ru Israil pinatiran giu' ra Asyur, intok inayanan nilo saboi raino.

1 TUNUNG RU BANSA' ISRAIL 5:26

Ginio sabap ri Aki Kapuuno' nambuir ra guang ru Raja' Pul intor ra Asyur koson mamulunsar ra pagun nilo. Raja' Pul niayuk nauligan ra Raja' Tiglat-Pilisir. Bansa' ru Rubin, bansa' ru Gad am bansa' ru Manasi Sirangon pinatiran ra pagun giu' ra Galag, Gabor, Gara am giu' ra rondo' intok mamaar ra Sungoi Gojan. Namagun ilo ra giu' no saboi orou raiti'.

JIRIMIA 3:8

Nakakito niayuk ri Jiuda ra inali am pinaugar Ku Israil, sabap ra nangiruan io Raki' am nasauk ra mantalan ra inan. Kaa' i Jiuda ondo' kalo gumagaya', pabukat ri Israil no, kalo malaa'. I Jiuda pana minaya' nasauk ra mantalan ra inan

JIRIMIA 4:30

Alii ra Jirusalim, malumpa' kou ru karaat! Kua pambayang kou ra malia'? Kua palimpor kou ra mas kapoam pirok, am niayuk manait ra mato? Banangan mu ayuk mampapakai! Ngaangai' ru kubayau muno ra galing i magasab rirun am niayuk masaga' ilo mamatoi rirun.

YEHEZKIEL 16:37

Ginio ra tinimung Ku ngaangai' ondo' ragili kubayau muno – ondo' kalaayan muno am niayuk ondo' kasisangin muno. Nanusub Aku risilo lumibung rirun, am aluson Ku bayang muno maa' raginio makito nilo inan muno ondo' nantilagas.

YEHEZKIEL 23:18

Nampakito io ra inan nano ondo' nagibaang ra ulun masuang saboi ngaangai' ulun nakapandai ra io sangulun mantalan ra inan. Nasuraan Aku riso, koson ra Aku nasuraan ra maayo nano.

YEHEZKIEL 23:22

“Ginio ra, okou Ogoliba, rongogo' ragu intor Raki', Tuhan Raja'. Najala' kou noyo ra kubayau-kubayau muno. Kaa' raino baalon Ku ilo sumangit rirun am magawang rirun.

GOSIA 11:5

“Marara' ilo sumaguli' Raki'. Ginio ra musiti' ilo sumaguli' ra Misir, am bansa' ru Asyur mamarinta risilo.

PINAINTALANG 17:16

Mopor sangau am poyo bibiag masigo ondo' nakito muno masisang ilo ra ruandu' ondo' mantatalan ra inan nano. Gaawon nilo atan ondo' soroi riso no am iruanin nilo io ra magibaang. Akanon nilo umas nano am umpoon io ra apui.