YEHEZKIEL 23:5 - Tanou Moonsoi Timugon

⁵ Kabalu' pana i Ogola nasauk ra andu' Kuno, io magulayun masauk ra ruandu' mantalan ra inan am guang malaai ra kubayau-kubayau nano intor ra Asyur.

YEHEZKIEL 23:5 ပူးပေါင်းရင်းမြစ်များ

GOSIA 5:13

Paat ra Israil am Jiuda makaliman ra baal nilo ondo' kalo moonsoi, mongoi Israil ra pagun Asyur koson makiindangan intor ra raja' ondo' matulai, kaa' raja' no kalo makapangindangan kapoam mamuna' ra baal nilo.

2 RAJA'-RAJA' 17:3

Paat raginio Raja' Salmanisir intor ra Asyur nangayou ra Raja' Gosia. Raja' Gosia nakiala ra Raja' Salmanisir am nambayar riso ra cukai ra moonong bilor.

2 RAJA'-RAJA' 16:7

Nanusub Raja' Agas ra kukula' ngaulun mongoi ra Raja' Pul, intor ra Asyur, am ra bilin ragitio, “Gagayaan tokou. Ginio ra ratong no koson mamayag raki' intor ra raja'-raja' ru pagun Siria am Israil ondo' tatanga' mamulunsar raki' raino.”

2 RAJA'-RAJA' 15:19

Paat ra Raja' Pul, raja' ru Asyur namulunsar ra Israil, nangani' Raja' Minagim ra Raja' Pul ra 34,000 ngakilogram pirok maa' raginio mangindangan io mapaikang ra kuasa' ru Raja' Minagim giu' ra Israil.

YEHEZKIEL 16:28

“Sabap ra kalo najala' kou ra bokon no, inilou mu ulun ru Asyur. Nantalan kou ra inan, kaa' ulun ru Asyur kalo nakajala' rirun.

JIRIMIA 50:38

Polosoon noyo tana' no masauk ra mapua', am sungoi-sungoi nano malasakan. Nososok Babilonia ra sinungkalalaing ondo' makalalaa', sinungkalalaing ondo' mangkinibit ra ulun sumamba riso no masauk ra mantuyang.

GOSIA 12:1

Indagu Tuhan, “Liminibung bansa' ru Israil Raki' ra abau am ruung, am bansa' ru Jiuda lakat poyo gumuor Raki', i Aki Kapuuno' ondo' matulai am gumagaya'.

GOSIA 10:6

Sinungkalalaing no ibiton giu' ra Asyur koson pataakon ra raja' ondo' matulai. Israil asabin am tauyuon sabap ra bilin ondo' binaya' nano.

YEHEZKIEL 23:20

Guang nano lumaai kaga' ra ungkuyon maikang koson ra kaladai kapoam kuda ungkuyon.” (

YEHEZKIEL 23:16

Pakakito ayuk i Ogoliba ra gambar no, guang malaai nano liminanja' am pangator io ra ulun sinusub mongoi risilo giu' ra Babilonia.

YEHEZKIEL 23:12

Io pana makaguang lumaai ra ulun langkaya' am pagawai saujor ru pagun Asyur – saujor ondo' nambayang ra sarampun batik ra pajamilak – am ra pulalai mangkuda, ngaangai' no ungkuyon mamulok ra mangaindon.

YEHEZKIEL 23:9

Ginio ra pinataak Ku io ra kubayau nano, ulun ru Asyur ondo' kalaayan nano kaga'.

YEHEZKIEL 23:7

I Ogola nasauk ra ruandu' mantalan ra inan ra tayar ru ngaangai' pagawai ru pagun ru Asyur. Guang malaai nano nangkinibit riso nampajamol ra inan ra siminamba ra sinungkalalaing ru Asyur.

YEHEZKIEL 16:37

Ginio ra tinimung Ku ngaangai' ondo' ragili kubayau muno – ondo' kalaayan muno am niayuk ondo' kasisangin muno. Nanusub Aku risilo lumibung rirun, am aluson Ku bayang muno maa' raginio makito nilo inan muno ondo' nantilagas.

1 RAJA'-RAJA' 21:26

Nambaal Raja' Agab ra tula ondo' malaat kaga', sabap ra siminamba io ra sinungkalalaing koson ra binaal ru ulun ru Amori, ondo' pinagiru' ru Tuhan paat ra ulun ru Israil nangayan ra tana' ti ragili.)

1 RAJA'-RAJA' 15:30

Baal raginio nasauk sabap ra Raja' Jirobiam napaingkual ra sangit ru Tuhan, i Aki Kapuuno' ru Israil; Raja' Jirobiam makatula noyo, am io niayuk nangkinibit ra ulun ru Israil makatula.

1 RAJA'-RAJA' 15:26

Koson ra ama' nali ragili, Raja' Nadab pana makatula ra Tuhan, am nangkinibit ra Israil makatula.

1 RAJA'-RAJA' 14:16

Mangiruan Tuhan ra Israil, sabap ra makatula noyo Raja' Jirobiam am nangkinibit ra ulun ru Israil makatula.”

1 RAJA'-RAJA' 14:9

Tula muno maayo poyo intor ra ulun ondo' namarinta nakapagulu intor rirun. Nangimpai kou Raki'. Napatabual kou ra sangit Kuno paat ra okou nambaal ra sinungkalalaing sambaan am sinungkalalaing intor ra basi'.

YEHEZKIEL 23:4

Ondo' maayo makainggalan ri Ogola (io tatandu' ru Samaria), am ondo' boborok makainggalan ri Ogoliba (io tatandu' ru Jirusalim). Inandu' Ku ilo ruo, am mokoondo' ra anak intor risilo.