YEHEZKIEL 23:23 - Tanou Moonsoi Timugon

²³ Timungon Ku ngaangai' ulun ru Babilonia, ulun ru Kasdim, ungkuyon intor ra Pikod, Soa, Koa am ngaangai' ulun ru Asyur. Timungon Ku ngaangai' ungkuyon mamulok ra maindon intor ra ulun langkaya' am pagawai, am niayuk ngaangai' pagawai maatang am saujor pulalai mangkuda ondo' masawat pangkat.

YEHEZKIEL 23:23 ပူးပေါင်းရင်းမြစ်များ

JIRIMIA 50:21

Indagu Tuhan ra pantula' ru Babilonia, “Bulunsaro' mamagun ru Mirataim am Pikod. Potoyo' am pusoo' ilo. Baalo' noyo ngaangai' susuban Kuno. Aku, Tuhan, nakaindagu noyo.

2 RAJA'-RAJA' 24:2

Nangator Tuhan ra pulalai ru ulun malaat makakinandoi intor ra Babilonia, Siria, Moab am Amon koson manggal ra Raja' Joyakim am niayuk namuso ra Jiuda. Baal raginio noyo ondo' rinagu ru Tuhan ondo' pinabala' galing ra nabi-nabi Nano.

YEHEZKIEL 23:12

Io pana makaguang lumaai ra ulun langkaya' am pagawai saujor ru pagun Asyur – saujor ondo' nambayang ra sarampun batik ra pajamilak – am ra pulalai mangkuda, ngaangai' no ungkuyon mamulok ra mangaindon.

YEHEZKIEL 23:6

Ilo saujor ondo' nambayang sarampun matanggilung, ulun-ulun ru langkaya', am pagawai-pagawai maatang; ilo ngaangai' pulalai ru saujor mangkuda am mangaindon ilo.

JISAYA 23:13

Sala' ka ulun ru Asyur, kaa' ulun ru Babilonia ondo' nopoloso ra tambiag masigo salilitau giu' ra Tirus. Ulun ru Babilonia ondo' namangun ra manara-manara koson mampalibung ra pantula'; ilo noyo namuut ra kubu-kubu giu' ra Tirus, am niayuk napasauk ra bandar no napuut.)

AYUP 1:17

Kalo poyo nakai' io mindagu, ratong poyo ulipon ra bokon am indagu, “Talu ngampulalai ulun ru Kasdim namulunsar ramon. Ginaau nilo unta-unta, am namatoi ra ngaangai' ulipon muno. Aku ayuk sangulun nakapagiru' koson mambala' rirun.”

IJRA 6:22

Buoi tulu' ngoorou, naansukan ilo nangiantak ra Pangiantakan Ruti' Kalo Linatakan ra Ragi. Naansukan ilo sabap ra Tuhan nangkinibit ra raja' ru pagun ru Asyur mataau guang risilo, saboi io nangindangan risilo nambaal saguli' ra Baloi ru Tuhan, i Aki Kapuuno' ru Israil.

KASAUKAN 25:18

Papag ri Ismail minayan ra libung lolot ru Gawila am Asyur, tampilon sirangon ru Misir mongoi ra Asyur. Ilo ti nakapaginggalur intor ra papag ri Abragam ra bokon.

KASAUKAN 2:14

Sungoi katalu, ininggalanan ra Tigris, ondo' tumilis ra tampilon sirangon ru Asyur am sungoi kaapat ti ininggalanan ra Iprat.

RINALATAN 7:4

Ginio boo ra iruani' ri Abragam pagun ru Kasdim am ayan ra Aran. Patoi ama' nali, am panusub boo i Aki Kapuuno' riso manding intor ra giu' i mongoi ra pagun ondo' ayanan min ra raino ti.

YEHEZKIEL 23:14

“Buoi ka buoi lumaat poyo i Ogoliba. Nabunduk guang nano ra gambar-gambar makabatik malia' pajamilak ondo' inukir ra timbok. Gambar raginio sangulun pagawai maatang ru saujor Babilonia nagabot am nansarban ondo' pinalaboi.

YEHEZKIEL 23:22

“Ginio ra, okou Ogoliba, rongogo' ragu intor Raki', Tuhan Raja'. Najala' kou noyo ra kubayau-kubayau muno. Kaa' raino baalon Ku ilo sumangit rirun am magawang rirun.

YEHEZKIEL 16:1

Indagu poyo Tuhan raki',