YEHEZKIEL 23:18 - Tanou Moonsoi Timugon

¹⁸ Nampakito io ra inan nano ondo' nagibaang ra ulun masuang saboi ngaangai' ulun nakapandai ra io sangulun mantalan ra inan. Nasuraan Aku riso, koson ra Aku nasuraan ra maayo nano.

YEHEZKIEL 23:18 ပူးပေါင်းရင်းမြစ်များ

JIRIMIA 12:8

Ulun pinili' Kuno minanggal Raki'; koson ra singa' giu' ra gimbaan koon raginio noyo ra ilo sumingangal Raki'. Ginio sabap ra masisang Aku risilo.

MAZMUR 106:40

Ginio ra Tuhan sumangit ra ulun Nano; am mataman Io magilong risilo.

MAZMUR 78:59

Siminangit toojo i Aki Kapuuno' bulintok nakakito ra babaal raginio, am inggalari' No lingono' ngaangai' ulun Nano.

YEHEZKIEL 21:24

Aku, Tuhan Raja' minindagu risilo, ‘Tula min napandayan noyo ru ulun. Ngaangai' ulun nakapandai ra mapara' gayo ru tula min. Tula min makito ralalom ru moonong baalon min. Raino nasaboi paat ra akau ukumin am pataakon kau ra pantula'.

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

JIRIMIA 6:8

Alii ra Mamagun ru Jirusalim, polosoo' noyo kapaganan no masauk ra pampakaraan ramuyun! Amon ru kalo lioon min pampakaraan raginio, iruanin Takamin; kulawon Ku bandar min masauk ra tana' kaagisan ondo' kalo ayanin ru ulun.”

JAKARIA 11:8

Nakai' noyo orot kuno ra talu ngaulun magagalung ra bokon ondo' masisang raki'. Ginio ra pagiruon ku ilo ralalom buoi sansila'.

AMOS 6:8

Kinalasang ru Tuhan Raja' Ondo' Maayo Kaga' Kuasa' nampakara' ragitio, “Masisang Aku ra kinalimbau ru ulun ru Israil; masisang Aku kaga' ra baloi moonsoi nilo. Pusor bandar nilo am ngaangai' ondo' soroi ra giu' pataakon Ku ra pantula'.”

AMOS 5:21

Indagu Tuhan, “Masisang Aku am mampalua' ra pangiantakan ru ugama min; nasuraan Aku magilong raginio!

GOSIA 7:1

Indagu Tuhan, “Pogonong ra Aku mamabas ra ulun Kuno Israil am mamuna' ra baal nilo, makito Ku ayuk kalaatan-kalaatan ondo' binaal nilo. Mamparuung ilo ra rondo' am bokon, sumubol ra baloi ru ulun koson mantakou, am mantakou ilo ra ulun giu' ra ralan-ralan.

GOSIA 2:2

Amon ru rumayus io mambaal raginio, iruon Ku ngaangai' binayang nano saboi magibaang koson paat ra io inanak. Pasaukon Ku io koson ra tana' ondo' kolondo' tutuu' am mapua', am matoi io boo ra paason.

YEHEZKIEL 16:36

Koon raginio noyo ragu ru Tuhan Raja', “Inalus mu bayang, am koson ra ruandu' mantalan ra inan pinataak mu inan ra kubayau-kubayau muno am ngaangai' sinungkalalaing muno ondo' makauyuyu' no. Namatoi kou ra anak muno am nampataak risilo koson ra taak simbalui ra sinungkalalaing.

SULABOI 2:7

Inimpayan ru Tuhan altar Nano am nangiruan ra Baloi Nano ondo' matulai; pinoloso No pantula' nampalunsai ra timbok nano. Nangindii pantula' sabap ra namanang giu' ra intok sambayang takau ra maantak ragili.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

JISAYA 3:9

Kinalaat nilono mauligan intor ra bulos nilono. Kalo boo moopot nilo mambaal ra tula koson ra mamagun ru Sodom ra galing i. Alii boo risilo no! Maparatong ilo ra karaat ru inan nilo galama'.

SAGULION 32:19

“Paat ra nakito ru Tuhan baal raginio, sangit Io, anak Nano ra ungkuyon am ruandu', inimpayan No.

JISAYA 57:8

Sinungkalalaing pabantaan min ra talikur ru kulobon mino. Tatangon min Aku. Lumabas kau am tumampak ra kaalangan ondo' maayo mababaya' ra kubayau mino: ulun ondo' binayaran maa' raginio marulug kau. Ginio noyo ralan mangimong ra saga' ru guang mino.

YEHEZKIEL 23:9

Ginio ra pinataak Ku io ra kubayau nano, ulun ru Asyur ondo' kalaayan nano kaga'.

YEHEZKIEL 23:10

Linabasan nilo io, nampagaau ra anak ungkuyon am anak ruandu' nano, am namatoi riso ra ilang. Inggalan nano susunuron ru ruandu'-ruandu' giu' ra ati ayuk intok.

YEHEZKIEL 23:19

Gumaai-gaai boo io masalok mantalan ra inan. Paliso nano koson paat ra io mamulok giu' ra Misir.