YEHEZKIEL 22:9 - Tanou Moonsoi Timugon

⁹ Sampiruo ra ulun muno magabau maa' raginio ulun ra bokon ukumin ra matoi. Mokoondo' poyo boo ondo' mangakan ra akanon ondo' pataakon ra sinungkalalaing. Mokoondo' ulun ondo' masalok mapagagaya' ra kasagaan galama' nilo.

YEHEZKIEL 22:9 ပူးပေါင်းရင်းမြစ်များ

MAZMUR 101:5

Ulun manimbaal ra kalinuos ayuk pusoon ku; ulun ondo' malilimbau am masawat guang kalo polosoon ku koson raginio.

MAZMUR 106:28

Giu' boo ra Pior, ulun ri Aki Kapuuno' maya' sumamba ra Baal, am mangakan ra taak simbalui ondo' pataakon ra dewa-dewa ondo' kolondo' painawo.

MAZMUR 50:20

Uwin min rayuso' pabukat mino, am pongkotob simbaalin ra ragu.

KAINGKUALAN 20:16

“Pai' panimbaal ra ragu ra ulun bokon.

KAINGKUALAN 23:1

“Pai' potonowo' tanou ra magabau, am pai' indangan ra ulun ondo' makasala am mangani' ra inono' kalo motopot.

AMSAL 10:18

Ulun ondo' mambuni ra kasisangan iono mamparuung. Ulun ondo' mangalimut iono sasambungon.

AMSAL 18:8

Ragu simbaalon maamis kaga'; masaga' ulun monolon.

AMSAL 26:22

Mangalimut moonsoi ra limanin, ulun masaga' monolon.

JIRIMIA 6:28

Ilo ngaangai' gugumuor ondo' mokotog guang, koson ra kinokotog ru tambaga' am basi'. Malaat paliso nilo am mugar mongoi ra ati-ati koson mampatanou ra tanou ondo' mampalaat ra ulun bokon.

JIRIMIA 9:4

Moonong ulun musiti' pagilalain rangan nano; pongkotob pana kalo maintopot. Koson ilo ri Jakub ondo' namparuung ra pabukat nano, am moonong ulun manimbaal ra ragu ra rangan nano.

YEHEZKIEL 11:6

Namatoi kau ra masuang kaga' ulun giti ra bandar ti saboi ralan-ralan nososok ra baangkai.

YEHEZKIEL 16:43

Nalilianan mu ati kulaan pinamakuan Kuno rirun paat ra okou boborok ayuk poyo, am napasingkual kou ra sangit Kuno ra ngaangai' binaal muno. Ginio sabap no ra musiti' kou mansaan ra ukuman no. Kua kia pansawa' kou poyo malupus nambaal ra ngaangai' baal ra bokon ondo' makauyuyu' no?” Tuhan Raja' minindagu noyo.

YEHEZKIEL 18:11

ondo' kalo igondo' binaal ru ama' nano. Nangakan anak no ra taak simbalui ondo' pinataak giu' ra intok-intok sambayangan am suminto ra andu' ru ulun ra bokon.

YEHEZKIEL 18:15

Kalo sumamba io ra sinungkalalaing ru ulun ru Israil, kapoam mangakan ra taak simbalui ondo' pinataak giu' ra intok-intok sambayangan. Kalo suminto io ra andu' ru ulun bokon,

YEHEZKIEL 18:6

Kalo sumamba io ra sinungkalalaing ru ulun ru Israil, kapoam mangakan ra taak simbalui ondo' pinataak giu' ra intok-intok sambayangan. Kalo suminto io ra andu' ru ulun ra bokon, kapoam makimarulug ra ruandu' ondo' tatanga' liuran.

YEHEZKIEL 23:29

Sabap ra ilo pana masisang rirun, gaawon nilo ngaangai' ampos ru kandoi muno, am mompoloso rirun magibaang koson ra ruandu' mantalan ra inan. Guang malaai am kandoi mantalan ra inan muno

YEHEZKIEL 24:13

Okou Jirusalim, jinamol kou ru binaal muno ra mantalan ra inan. Kabalu' pana kuminam Aku mampapasau rirun, kaa' magulayun kou majamol. Kalo mapasau kou saguli' saboi ra okou makaliman ra ngaangai' kinoporos ru sangit Kuno.

GOSIA 4:10

Mangakan kau ra tayar intor ra taak-taak simbalui ondo' pinataak, kaa' marayus kau maitilan. Sambaan min dewa-dewa kalabungan, kaa' magulayun kau kalo makaalap ra anak. Ngaangai' no nasauk sabap ra nangiruan kano Raki' koson sumamba ra tuhan-tuhan ra bokon.”

GOSIA 4:14

Kaa' kalo ukumin Ku ilo koson ra binaal raginio, sabap ra akau galama' pana nansawa' ra ruandu'-ruandu' mantalan ra inan ondo' mangandoi giu' ra baloi ru sinungkalalaing sambaan. Mababaya' risilo, nampataak kau ra taak simbalui ra dewa. Motopot ragu ragitio, ‘Bansa' ondo' kolondo' karatian intor ri Aki Kapuuno' mapuso.’

GOSIA 4:2

Nabantu' ilo, kaa' kalo nanugut ra bantu'. Nagabau ilo, namatoi, nantakou am nansawa'. Kalaatan gumaai am pamatayan nasauk mansusunu'.

GOSIA 6:9

Imam-imam giu' ra bandar raginio koson ra santimungan ulun mantakou ondo' nambaal ra pamulunsaran sininok ra ulun ondo' mangkiralan. Giu' pana ra ralan ondo' sumuku' ra intok mapasau giu' ra Sikgim pana namatoi ilo. Sumingon ilo mambaal ra ngaangai' baal ra malaat no.

GOSIA 7:4

Ilo ngaangai' malaat am kalo gumagaya'. Sisang nilo koson ra apui giu' ra ralalom ru rapuan ondo' kalo pinaangan ru ulun mambaal ra ruti' ra kalo poyo mopongo kabaal ruti' makata' koson solobon.

IMAMAT 19:16

Pai' potonowo' ragu sinimbaal intor ra ulun bokon. Paat ra bisaraan sasangulun no, pai' pangani' ra inono' magabau ondo' mangkinibit ra ulun no ukumin ra matoi. Aku noyo Tuhan.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MATIUS 26:59

Tingganai-tingganai imam Jaudi am ngaangai' Majlis Ugama no maguyum toojo ra sasi' koson mangkinam mamparuung ri Jisus, maa' raginio maalap nilo boo Io kapatoi.

RINALATAN 24:13

Kalo mampainono' niayuk ra rondo' pana panguwan ondo' pinabala' nilo rirun i.

RINALATAN 24:5

Napandayan mai ulun ti masalok mampakasalula' ra kalaatan; mampajajou io ayuk ra ulun ru Jaudi ra ati ayuk intok am io poyo maningganai ra paati ru ulun ru Nasarit.

TINGGANAI RU BANSA' 20:6

Alapo' ku baangkai no am puputulo', am atari' ra mopor am ruo bansa' ru Israil, sigagama' saputul. Binaal ku ginio sabap nambaal ulun ru Gibia ra baal malaat am makauyuyu' ra tatanga' ru ulun ru Israil.

1 SAMUIL 24:10

am indagu, “Kua rongogo' mu ragu ru ulun ondo' mansunur ra masaga' aku mapajamar rirun?