YEHEZKIEL 22:7 - Tanou Moonsoi Timugon

⁷ Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

YEHEZKIEL 22:7 ပူးပေါင်းရင်းမြစ်များ

MAZMUR 94:5

Kinuliagai nilo ulun Muno, iou Tuhan; inimpayan nilo longgom Muno.

MAZMUR 94:6

Potoyon nilo ulun napuor am ilo ondo' kolondo' matuo, am niayuk ulun suai ondo' minayan ra pagun mai.

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

KAINGKUALAN 21:17

“Osoi magulas ra ama' nano kapoam ina' nano musiti' ukumin ra matoi.

KAINGKUALAN 23:9

“Pai' kalaat ra ulun bansa' ru bokon; nakaili' kau nasauk ra ulun bansa' ru bokon, sabap ragili pana ulun bansa' ru bokon kau giu' ra Misir.”

AMSAL 20:20

Osoi-osoi magulas ra matuo nano, bayag nano maliom koson ra lampung malasa' ra intok molondom.

AMSAL 30:11

Mokoondo' ulun magulas ra ama' am kalo maringkuanang ra ina' nano.

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JIRIMIA 7:6

Pai' imboloo' bansa' ra bokon, anak kolondo' matuo am napuor. Pai' potoyo' ulun ondo' kolondo' sala ra pagun ti. Pai' samba ra tuhan-tuhan ra bokon, sabap binaal raginio mamuso ramuyun.

YEHEZKIEL 18:12

Mamparuung io ra ulun musikin, mantakou, am kalo mampasaguli' ra kuliamos ondo' inapu no koson ra jaminan ra irain. Mongoi io ra kuil-kuil am sumamba ra sinungkalalaing ondo' makauyuyu',

YEHEZKIEL 22:25

Tingganai-tingganai nilo koson ra singa' ondo' mansangal malupus nansaam ra akanon. Namatoi ilo ra ulun, nampagaau ra ngaangai' ruit am rapu', am niayuk nangkinibit ra masuang ruandu' nasauk ra napuor.

YEHEZKIEL 22:29

Ulun langkaya' namparuung am nampagaau. Inimbolo' nilo ulun musikin am namparuung ra ulun bansa' ru bokon.

IMAMAT 20:9

Nanaak Tuhan ra aturan ragitilo, “Osoi magulas ra ama' nano kapoam ina' nano musiti' ukumin ra matoi. Matoi ulun no sabap ra kasalaan nano galama'.

JAKARIA 7:10

Pai' imboloo' ruandu' napuor, anak nailusan ra matuo, ulun bokon ondo' minayan ra tatanga' min, kapoam osoi ayuk ondo' ralalom ru kapaganan. Pai' pangatang ra baal ondo' malaat ra ulun ru akau po ngai'.’

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MARKUS 7:10

Sabap ra nakaindagu i Musa ra galing i, ‘Urumato' noyo ama' am ina' mino! Osoi ayuk mampaluta' ra ama' kapoam ina' nano, maaru' ukumin ra potoyon!’

SAGULION 24:17

Pai' talingaawo' kaapuan ru ulun bansa' ru bokon am anak nailusan ra matuo. Pai' alapo' bayang ru sangulun napuor koson ra jaminan ru utang nano.

SAGULION 27:16

“ ‘Kaulas noyo ulun ondo' magasab ra ina' kapoam ama' nilo.’ “Ngaangai' ulun tumaam ra, ‘Amin!’

SAGULION 27:19

“ ‘Kaulas noyo ulun ondo' tumalingaau ra kaapuan ru ulun bansa' ru bokon, anak nailusan ra matuo am napuor.’ “Ngaangai' ulun tumaam ra, ‘Amin!’

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.