YEHEZKIEL 22:6 - Tanou Moonsoi Timugon

⁶ Ngaangai' tingganai ru Israil lumansan ra kaikangan nilo galama' am namatoi.

YEHEZKIEL 22:6 ပူးပေါင်းရင်းမြစ်များ

NIGIMIA 9:34

Kinamatuaan mai, raja'-raja', imam-imam am tingganai-tingganai mai, kalo gumagaya' ra Taurat Muno. Kalo nampalio ilo ra susuban am pampakaraan Muno.

AMSAL 30:14

Mokoondo' ulun mamparuung ra ulun musikin am mapagon. Ginio noyo ralan nilo maguyum ra akanon.

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

JIRIMIA 32:32

sabap ra ngaangai' kalaatan ondo' binaal ru ulun ru Jiuda am ulun ru Jirusalim, nababaya' ra raja'-raja' am tingganai-tingganai, imam-imam am nabi-nabi nilo.

JIRIMIA 5:5

Mongoi aku ra tingganai-tingganai am mindagu risilo. Maaru' makapandai ilo ra gogoton ri Aki Kapuuno' nilo, am susuban ru Tuhan nilo.” Kaa' ilo ngaangai' nangimpai ra kakuasaan ru Tuhan am marara' gumagaya' Riso.

YEHEZKIEL 21:12

Okou ulun mapandai matoi, panulaboi no am pampiau, sabap ra ilang muno pakayon koson manggal ra ulun Kuno. Ngaangai' tingganai ru Israil potoyon mababaya' ra ngaangai' ulun Kuno. Luntugo' kubab sabap ra nangkaus guang.

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

YEHEZKIEL 22:3

Balai' bandar no ra atan ondo' paraguon Kuno, Tuhan Raja': Sabap ra namatoi kau ra masuang ulun mino galama', am nampajamol ra inan ra siminamba ra sinungkalalaing, raino jam ra ukuman mino mamaar noyo.

YEHEZKIEL 45:8

Tana' no masauk ra longgom ru ulun manguasa' ondo' mamarinta giu' ra Israil, maa' raginio kalo mangimbolo' io ra mamagun, kaa' mompoloso ra tana' ondo' suwo no masauk ra longgom ru bansa'-bansa' ru Israil.

DANIL 9:8

Raja'-raja' mai, panguasa'-panguasa' mai am kinamatuaan mai nambaal noyo ra baal ondo' makauyuyu' am niayuk makatula Rirun, iou Tuhan.

MIKA 2:1

Aibui boo ra ulun-ulun ondo' mangatang ra kalaatan ondo' kalo mantilayun am liminuya' ra intok pambalangan paat ra tanga' ru rondom. Paat ra orou sinumirang baalon nilo kalaatan ondo' inatang no sabap ra maalap nilo mambaal raginio.

JIPANYA 3:3

Tingganai-tingganai ru bandar no koson ra singa' ondo' mansasangal. Akim-akim no koson ra taani maitilan ondo' masuung kaga' saboi saputul bungul pana kolondo' ondo' natatang koson ra suabon no.

JIPANYA 3:4

Nabi-nabi ru bandar no kalo malansanan am kalo maintopot; imam-imam nampajamol ra atan ondo' pakayon ra tayar ru Tuhan ayuk am napatimpurok ra ukum ri Aki Kapuuno' koson ra kaatangan nilo galama'.

JAKARIA 3:3

Minigor i Josua ra giu' am nambayang ra ondo' majamol kaga'.