YEHEZKIEL 22:3 - Tanou Moonsoi Timugon

³ Balai' bandar no ra atan ondo' paraguon Kuno, Tuhan Raja': Sabap ra namatoi kau ra masuang ulun mino galama', am nampajamol ra inan ra siminamba ra sinungkalalaing, raino jam ra ukuman mino mamaar noyo.

YEHEZKIEL 22:3 ပူးပေါင်းရင်းမြစ်များ

2 RAJA'-RAJA' 24:3

Kasaukan raginio nasauk sumugut ra susuban ru Tuhan, koson mamatir ra mamagun ru Jiuda intor ra pagun ondo' pinataak No risilo, sabap ra ngaangai' ru tula ru Raja' Manasi,

2 RAJA'-RAJA' 24:4

mulu' poyo ra namatayan ra ngaangai' ru ulun ondo' kolondo' tula. Kalo makapangampun Tuhan ra Raja' Manasi sabap ra binaal nano.

MAZMUR 106:39

Baalon nilono mapajamol ra inan nilo galama', am kalo gumagaya' ilo ri Aki Kapuuno'.

JISAYA 1:21

Bandar ra galing i gumagaya', ragino koson boo ra ruandu' mantalan ra inan! Galing i bandar no nososok ra ulun ondo' matimpok am mabanis guang, kaa' ragino ulun mamamatoi ayuk natatang ra giu' no.

YEHEZKIEL 12:25

Aku, Tuhan mindagu ra ulun ru Israil, am ngaangai' ondo' raguon Kuno musiti' masauk, ra kalo boo paginjul-ginjul. Akau ulun gumuor, paat ra okou maayag, suguton Ku atan ondo' pinakara' Kuno ramuyun. Aku, Tuhan Raja', nakaindagu noyo.”

YEHEZKIEL 22:2

“Okou ulun mapandai matoi, nakatampos kono kia mangukum ra bandar ondo' napapak ra ulun mamatoi? Pakitono' ngaangai' binaal nano ondo' makauyuyu' no riso.

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

YEHEZKIEL 22:4

Makasala kau sabap nambaal noyo ra pampatayan, am jinamalan kau ru sinungkalalaing ondo' binaal mino. Ukuman pupus ra tayar min mamaar noyo. Polosoon Ku bansa'-bansa' am ngaangai' pagun mangingiis am manuyu' ramuyun.

YEHEZKIEL 22:6

Ngaangai' tingganai ru Israil lumansan ra kaikangan nilo galama' am namatoi.

YEHEZKIEL 23:37

Nansawa' ilo am namatoi ra ulun. Nansawa' ilo ra sinungkalalaing am namatoi ra anak-anak Kuno ondo' inanak nilo. Pinataak nilo anak-anak Kuno koson ra taak simbalui ra sinungkalalaing nilo.

YEHEZKIEL 23:45

Ulun moonsoi guang mindagu ra magaka' no makasala sabap ra pansasawaan am pamatayan. Nansawa' ilo am nampalayak ra raraa'.”

YEHEZKIEL 23:7

I Ogola nasauk ra ruandu' mantalan ra inan ra tayar ru ngaangai' pagawai ru pagun ru Asyur. Guang malaai nano nangkinibit riso nampajamol ra inan ra siminamba ra sinungkalalaing ru Asyur.

YEHEZKIEL 33:25

“Posoboyo' atan ondo' paraguon Kuno, Tuhan Raja' risilo: Nanginta' kau ra kual ondo' lakat poyo makararaa'. Sinamba min sinungkalalaing am namatoi. Ati kulaan kau mangkara' ra tana' ti longgom min?

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

MIKA 3:10

Akau nambaal ra Jirusalim, bandar ri Aki Kapuuno', mimpuun ra pamatayan am kolondo' katimpakan.

JIPANYA 3:3

Tingganai-tingganai ru bandar no koson ra singa' ondo' mansasangal. Akim-akim no koson ra taani maitilan ondo' masuung kaga' saboi saputul bungul pana kolondo' ondo' natatang koson ra suabon no.

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.