YEHEZKIEL 22:29 - Tanou Moonsoi Timugon

²⁹ Ulun langkaya' namparuung am nampagaau. Inimbolo' nilo ulun musikin am namparuung ra ulun bansa' ru bokon.

YEHEZKIEL 22:29 ပူးပေါင်းရင်းမြစ်များ

YEHEZKIEL 22:7

Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

KAINGKUALAN 23:9

“Pai' kalaat ra ulun bansa' ru bokon; nakaili' kau nasauk ra ulun bansa' ru bokon, sabap ragili pana ulun bansa' ru bokon kau giu' ra Misir.”

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

JISAYA 5:7

Israil no umo ru anggur ru Tuhan Ondo' Maayo Kaga' Kuasa'; ulun ru Jiuda no puun ru anggur ondo' tinanom Nano. Malansan Io risilo mambaal ra moonsoi, kaa' baalon nilono mampatoi. Malansan Io risilo mambaal ra motopot, kaa' ondo' maining no bolos ru ilo ondo' makitaak ra katimpakan.

MAZMUR 94:6

Potoyon nilo ulun napuor am ilo ondo' kolondo' matuo, am niayuk ulun suai ondo' minayan ra pagun mai.

IMAMAT 19:33

“Pai' kapuka' ra ulun bansa' ru bokon ondo' minayan ra pagun mino.

KAINGKUALAN 22:21

“Pai' kalaat am pai' ulipono' ulun bansa' ru bokon; karaa', galing i akau pana ulun bansa' ru bokon giu' ra pagun ru Misir.

AMOS 3:10

Indagu Tuhan, “Sinuangan ru mamagun ru Samaria baloi nilo ra kuliamos-kuliamos ondo' noowot intor ra kalaatan am nantakawan. Totopot ilo kalo makapandai ra mabanis guang.

JISAYA 10:2

Ginio noyo namakuan min mongompong ra ulun musikin mangalap ra matanda' risilo am katimpakan, am niayuk mampagaau ra longgom ru ulun napuor am anak nailusan ra matuo.

JAKUBUS 5:4

Kalo nampagaji' kau ra ulun ondo' nanantab ra bilor mino. Rongogo' noyo tangi' ru nangkausan nilai ti! Bobolos ru nanantab no naining noyo ri Aki Kapuuno' Ondo' Maayo Kaga' Kuasa'.

MATIUS 25:43

Ra Aku sangulun bansa' ru bokon, kalo inapu min Aku ra baloi mino. Ra Aku kolondo' bayang, kalo inanian min Aku ra bayang. Ra Aku narualan am inaput, kalo inongoi min Aku ilai'.’

MIKA 3:3

Tinolon min ngaangai' bansa' Kuno. Iningkulitan min ilo am pinandak min bungul nilo. Kual nilo tinotok min koson ra akau monotok ra kual ondo' ansakon ralalom ru pagangan ru tana'.

MIKA 2:2

Paat ilo mompogogot ra umo, gumaau ilo ra umo ru ulun bokon. Paat ra ilo mompogogot ra baloi, gumaau ilo ra baloi ru ulun bokon. Kolondo' sambaloi ru osoi pana, kapoam rapu' ru osoi pana ondo' mabayag.

YEHEZKIEL 18:12

Mamparuung io ra ulun musikin, mantakou, am kalo mampasaguli' ra kuliamos ondo' inapu no koson ra jaminan ra irain. Mongoi io ra kuil-kuil am sumamba ra sinungkalalaing ondo' makauyuyu',

JIRIMIA 6:13

Ngaangai' ulun ondo' maayo am niayuk ondo' boborok, magingkaut am kalo mabanis guang. Atan poyo ra nabi am imam pana mamparuung ra ulun.

MAZMUR 62:10

Ulun ti koson ayuk ra labus ru paminawo; maayo kapoam boborok nogondo' ayuk kolondo' logo. Amon timbangon, mamaan ilo ayuk, mamaan poyo intor ra igondo' labus maminawo.

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

IMAMAT 19:13

“Pai' pamparuung ra ulun, am pai' takawi' osoi pana. Pai' ingai' pambayar muno ra ulun ondo' nangandoi noyo rirun, pai' ingai' gaji' nano kabalu' ra sorondom pana.

MIKA 6:12

Ulun langkaya' ra gino ngai' min mangimbolo' ra ulun musikin; akau ngaangai' magabau.