YEHEZKIEL 22:27 - Tanou Moonsoi Timugon

²⁷ Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

YEHEZKIEL 22:27 ပူးပေါင်းရင်းမြစ်များ

2 TUNUNG RU BANSA' ISRAIL 36:14

Suai intor raginio, tingganai-tingganai ru Jiuda, imam-imam am mamagun minaya' ra ralan kaayagan ru bansa'-bansa' ra naginggaar ondo' makatula. Sinamba nilo sinungkalalaing am nampajamol ra Baloi ru Tuhan, ondo' timpokon ayuk ru Tuhan galama' ra inan Nano.

AMSAL 17:23

Akim ra kalo mabanis guang suminok mangapu ra rasua am kalo nampaugar ra katimpakan.

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JIRIMIA 41:7

Pakasuku' ilo ayuk ra ralalom ru bandar no, i Ismail am ngaangai' ru ulun nano namatoi risilo, am namatir ra baangkai nilo ra ralalom ru rondo' tulubong.

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

SULABOI 4:13

Kaa' baal raginio nasauk sabap ra nabi-nabi nano makatula noyo, am imam-imam nano namatoi ra ulun ondo' kolondo' sala.

YEHEZKIEL 13:19

Magasab kau Raki' ra saang ru ulun Kuno koson makaalap ra sogonggom barli am kukula' ruti'. Ulun ondo' kalo musiti' matoi, potoyon min am ulun ondo' kalo musiti' maayag, polosoon min maayag. Akau pana nagabau ra ulun Kuno am mangintopot ilo ramuyun.’ ”

YEHEZKIEL 22:13

“Popotoyon Ku ulun mantakou am ulun mamatoi min.

YEHEZKIEL 22:25

Tingganai-tingganai nilo koson ra singa' ondo' mansangal malupus nansaam ra akanon. Namatoi ilo ra ulun, nampagaau ra ngaangai' ruit am rapu', am niayuk nangkinibit ra masuang ruandu' nasauk ra napuor.

YEHEZKIEL 22:3

Balai' bandar no ra atan ondo' paraguon Kuno, Tuhan Raja': Sabap ra namatoi kau ra masuang ulun mino galama', am nampajamol ra inan ra siminamba ra sinungkalalaing, raino jam ra ukuman mino mamaar noyo.

YEHEZKIEL 22:6

Ngaangai' tingganai ru Israil lumansan ra kaikangan nilo galama' am namatoi.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

YEHEZKIEL 34:3

Inumon min gatas ru domba, mambayang ra bulu domba, manimbalui am mangakan ra domba ondo' moonsoi kaga', kaa' kalo igondo' kau pagalung ra domba-domba no.

YEHEZKIEL 36:12

Ibiton Takamin, Israil ulun Kuno muli' maa' raginio makaayan kau poyo ra pagun no. Pagun no masauk ra longgom min, am masalok mangani' ra ampos nano maa' raginio anak-anak mino kalo matoi ra maitilan.

YEHEZKIEL 45:8

Tana' no masauk ra longgom ru ulun manguasa' ondo' mamarinta giu' ra Israil, maa' raginio kalo mangimbolo' io ra mamagun, kaa' mompoloso ra tana' ondo' suwo no masauk ra longgom ru bansa'-bansa' ru Israil.

YEHEZKIEL 45:9

Indagu Tuhan Raja', “Akau ngaangai' ondo' mamarinta ra Israil, makatula kano ra nabuoi noyo. Langgai' pangimbalaan am binaal ondo' malaat. Baalo' ondo' motopot am matimpok. Totopot pai' boo pagiruo' ulun Kuno intor ra tana' nilo. Aku, Tuhan Raja' nakaindagu noyo ramuyun.

YEHEZKIEL 46:18

Ulun manguasa' no kalo iowon mampagaau ra tana' tungkuson ru mamagun nano. Tana' ondo' pataakin no ra anak-anak ungkuyon nano musiti' tana' nano galama' ondo' inaru' noyo riso, maa' raginio kalo mangimbolo' io ra osoi pana ulun Kuno ra mampagaau ra tana' nilo.”

MIKA 7:8

Pantula' takau kolondo' sasaban koson makaansuk ra naratuan takau. Kabalu' pana maratu' takau, kaa' tumirong takau saguli'. Raino soroi takau ralalom kalandaman, kaa' Tuhan mansilau ritakau.

ABAKUK 2:9

Aibui boo ramuyun! Napalangkaya' kau ra sasambaloi min ra atan ondo' noowot min ra kalaatan. Nanambaloi kau ra mapiot koson manindung ra sasambaloi min intor ra karaat.

JIPANYA 3:3

Tingganai-tingganai ru bandar no koson ra singa' ondo' mansasangal. Akim-akim no koson ra taani maitilan ondo' masuung kaga' saboi saputul bungul pana kolondo' ondo' natatang koson ra suabon no.

MATIUS 21:13

Indagu i Jisus risilo, “Mokoondo' tinulisan ra Buuk Kitab ra i Aki Kapuuno' minindagu, ‘Baloi Kuno inggalanin ra intok pakiasian.’ Kaa' raino baalon min ra pansibunian ru mantatakou!”

MATIUS 7:15

“Ilalai' min ulun-ulun ondo' migiangku ra nabi. Rumatong ilo ramuyun tumilu ra domba, kaa' sotopot no ilo ti koson ra taani masangit.

RINALATAN 20:29

Napandayan ku noyo ra pakaugar aku, mokoondo' ulun koson ra taani masangit mongoi simpung ramuyun am ulun ondo' inalungan mino gaawon intor ramuyun.

RINALATAN 24:9

Ulun ru Jaudi pana ondo' soroi ra giu' i minaya' panguu' ri Paulus am nangiou ra ragu ri Tirtulus ti.