YEHEZKIEL 22:26 - Tanou Moonsoi Timugon

²⁶ Minanggal imam-imam ra ukum Kuno am kalo mangurumat ra atan ondo' mapasau ra tayar Kuno. Kalo pansalaan nilo atan ondo' mapasau am atan ondo' kalo mapasau. Kalo nangila' ilo ra nansala' ondo' iowon am ondo' inggalarin. Kalo lioon nilo orou Sabat. Kinibit ru ginio ulun ru Israil kalo mangurumat Raki'.

YEHEZKIEL 22:26 ပူးပေါင်းရင်းမြစ်များ

IMAMAT 10:10

Musiti' kau makapandai mapasuai ra atan ondo' paluntukon ri Aki Kapuuno' am atan ondo' kalo, am atan ondo' kalo majamol am atan ondo' majamol.

MALIAKI 2:8

Kaa' raino, akau imam-imam, siminiang intor ra ralan ondo' motopot. Pangilaan min nangkinibit noyo ra masuang ulun nambaal ra kasalaan. Inanggal min nabantuan ondo' binaal Kuno ramuyun.

YEHEZKIEL 22:8

Kalo urumaton min intok-intok ondo' matulai am kalo iantakon min orou Sabat.

YEHEZKIEL 44:23

“Imam-imam no mangila' ra ulun Kuno mampasuai ra atan ondo' matulai am atan ondo' kalo matulai; atan ondo' mapasau am atan ondo' majamol.

JIRIMIA 2:8

Kalo nangkuot imam-imam, ‘Ati boo Tuhan?’ Imam-imam Kuno pana kalo nakaulig Raki'. Panguasa'-panguasa' giminuor Raki'; nabi-nabi minindagu ralalom inggalan ru Baal am sinamba sinungkalalaing ondo' kolondo' onong.”

YEHEZKIEL 36:20

Ati ayuk angayan nilo, jamalin nilo inggalan Kuno ondo' matulai sabap ra kon ru ulun, ‘Ilai', ilo ulun ru Tuhan, kaa' iniruanan nilo kalalaat pagun ondo' tinaakan Nano risilo.’

1 SAMUIL 2:22

I Ili ti matutuo noyo kaga'. Masalok io mokorongog ra ragu intor ra binaal ru anak-anak nano ra ulun ru Israil. Nakapandai niayuk i Ili ra ilo riminulug ra ruandu'-ruandu' ondo' mangandoi giu' ra kulobon ru Kim ru Tuhan.

ROMA 2:24

Sabap ra tinulisan noyo ra Buuk Kitab, “Sabap ra paliso min ulun ru Jaudi, inggalan ri Aki Kapuuno' asabin ru ulun sala' ka Jaudi.”

SULABOI 4:13

Kaa' baal raginio nasauk sabap ra nabi-nabi nano makatula noyo, am imam-imam nano namatoi ra ulun ondo' kolondo' sala.

JIRIMIA 15:19

Taam boo Tuhan, “Amon ru sumaguli' kou, apuon Tokou. Masauk kou poyo ra ulipon Kuno. Amon ru mampatanou kou ra tanou ondo' mokoonong am sala' ka ondo' kolondo' ampos, masauk kou saguli' ra nabi Kuno. Ulun matong poyo rirun, am okou kalo pana mongoi risilo.

1 SAMUIL 2:29

Kaa' kua kia lakat kou poyo mangangkum ra taak am taak simbalui ondo' pinataak ru ulun Kuno Raki'? Mapataak ilo ra ngaangai' no Raki' sumugut ra susuban Kuli risilo. Okou Ili, kua kia okou mangurumat poyo ra anak-anak muno intor ra mangurumat Raki', am nompoloso risilo liminomok ra tayar moonsoi kaga' intor ra moonong taak simbalui ondo' pinataak ru ulun Kuno Raki'?

IMAMAT 20:25

Ginio ra musiti' kau mapandai mapasuai ra bibiag am susuit ondo' maakan am bibiag am susuit ondo' kalo maakan. Pai' akano' bibiag kapoam susuit ondo' kalo maakan. Nambala' Aku noyo ra ngaangai' no majamol. Amon ru mangakan kau, majamol kau niayuk.

IMAMAT 11:47

Pagilalain mapasuai ra atan ondo' kalo majamol am atan ondo' majamol, bibiag ondo' maakan am bibiag ondo' kalo maakan.

IMAMAT 13:43

Musiti' ilain ru imam no ulun raginio, am amon ru makaruruko ondo' mapulak ra malia'-lia',

YEHEZKIEL 7:26

Karaat am tanou malaat matong kalo lulumonggo'. Paat raginio makitaak kau ra nabi-nabi koson mambala' ra pinaintalang, kaa' papalo min ayuk. Imam-imam kolondo' atan-atan pailaan ra ulun, am ulun matutuo nakayaan ra bilin.

YEHEZKIEL 42:20

Libung Baloi ru Tuhan no apat persegi; gawar ru timbok ra moonong kiing iono 250 ngamito. Timbok no nampatuliar ra atan ondo' matulai intor ra atan ondo' kalo matulai.

YEHEZKIEL 44:10

Indagu Tuhan raki', “Ukumin Ku ulun ru Liwi ondo' nababaya' ra ulun ru Israil ra bokon ondo' nangiruan Raki' am siminamba ra sinungkalalaing.

2 TUNUNG RU BANSA' ISRAIL 36:14

Suai intor raginio, tingganai-tingganai ru Jiuda, imam-imam am mamagun minaya' ra ralan kaayagan ru bansa'-bansa' ra naginggaar ondo' makatula. Sinamba nilo sinungkalalaing am nampajamol ra Baloi ru Tuhan, ondo' timpokon ayuk ru Tuhan galama' ra inan Nano.

YEHEZKIEL 23:38

Sala' ka ginio ayuk. Jinamalan nilo Baloi Kuno am orou Sabat ondo' inaru' Ku noyo.

YEHEZKIEL 44:24

Paat ra makatabual pansangaran intor ra baal ru ukum, imam-imam no musiti' mangakim raginio sumugut ra ukum Kuno. Musiti' nilo salingapuon pangiantakan-pangiantakan ru ugama sumugut ra ukum am aturan Kuno am niayuk mangiantak ra orou Sabat koson ra orou ondo' matulai.

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.