YEHEZKIEL 22:19 - Tanou Moonsoi Timugon

^19-20 Ginio ra Aku, Tuhan Raja' nambala' risilo raino, ra kolondo' onong nilo koson ra ginsamol ru basi' no. Koson ra ulun mampasubol ra unor ru pirok, tambaga', basi', am timah maitom ra ralalom ru rapuan, koon raginio niayuk ra Aku manimung am magibit risilo ra Jirusalim. Koson ra apui mampaliou ra unor ru logam, koon raginio niayuk ra sangit Kuno mampaliou risilo.

YEHEZKIEL 22:19 ပူးပေါင်းရင်းမြစ်များ

MATIUS 13:30

Polosoon ayuk alab no tumuu' saboi mangkumos. Aku pana mindagu boo ra ulun-ulun ondo' mangkumos no: Bubulo' min galing alab no am bongkoso' min, am pasuboon boo ra apui. Mopongo raginio bagu luluro' min gandum am paulion ra gudang.’ ”

MIKA 4:12

Kaa' bansa'-bansa' no kalo makapandai ra atan inatangan ru Tuhan. Kalo malimanan nilo ra ilo pinatimung koson ukumin, nogondo' koson ra gandum umungon koson agikon.

YEHEZKIEL 11:7

“Ginio ra Aku, Tuhan Raja' mindagu ramuyun. Topot ra bandar ti noyo pagangan, kaa' kual giu' ra ralalom no sala' ka akau, kaa' baangkai ru ulun ondo' pinatoi min! Kaa' akau patirin Ku intor ra bandar ti!

MAZMUR 119:119

Pangkaraan Muno ra ngaangai' ulun malaat no koson ra ginsamol; ginio ra tagamin ku panusuban Muno.

JISAYA 1:25

Anggalon Takamin. Atan koson poyo ra ulun mamasau ra basi', koson raginio niayuk pamakuan Kuno ramuyun. Isasin Ku ngaangai' jaki mino.

YEHEZKIEL 22:18

“Okou ulun mapandai matoi, ulun ru Israil kolondo' onong Raki'. Ilo koson ra ginsamol ru basi' – tambaga', timah mapulak, basi', am timah maitom – ondo' soroi malupus pirok kinapasau giu' ra ralalom ru rapuan.