YEHEZKIEL 22:14 - Tanou Moonsoi Timugon

¹⁴ Lakat poyo kia baani kau kapoam lakat poyo kia maikang kau mangakat ra kalindu' min malupus ra Aku mangukum ramuyun? Aku, Tuhan minindagu noyo am mambaal Aku ra atan ondo' rinagu Ku noyo.

YEHEZKIEL 22:14 ပူးပေါင်းရင်းမြစ်များ

AYUP 40:9

Maikang kou kia koson Raki'? Maalap kia bolos muno maningkalur koson ra kinapuor ru bolos Kuno?

JISAYA 28:22

Guango' min pansawayan Kutu! Amon kalo guangon min, mapagon poyo akau lumabus. Norongog ku noyo namatasan ru Tuhan Raja' Ondo' Maayo Kaga' Kuasa' koson mamuso ra titikop pagun.

JISAYA 31:3

Ulun ru Misir sala' ka tuhan; ilo ulun ayuk. Kuda nilono ondo' makapainawo ra lamuoi, sala' ka ambiluo ra makakuasa'. Bulintok ra Tuhan mamatas, bansa' ra maikang pana maratu', am bansa' ra lamuoi ondo' indanganon nilono pana maratu'. Karuo-ruo no mapuso.

JISAYA 45:9

Aibui boo ra ulun ondo' minansang ri Namangun nano; ulun no koson ra paliuk ondo' manggal ra ulun nambaal no. Nangkuot kia tana' lia' no ra ulun manukang ra paliuk, “Atan binaal muno?” Makaindagu kia paliuk no ra ulun nambaal riso no kalo matuyu'?

JIRIMIA 13:21

Atan kia raguon min paat ra ulun ondo' karaan min koson ra rangan, nampaala am niayuk nanguasa' ramuyun? Maaru' makaliman kau ra maruol koson ra ruandu' maganak.

YEHEZKIEL 17:24

Ngaangai' puun tataun giu' ralalom ru pagun makapandai ra Aku noyo Tuhan. Tagaron Ku puun tataun ondo' masawat, am mambaal ra puun tataun ondo' magana' sumawat. Polonoton Ku puun tataun ondo' masansam, am mambaal ra puun tataun ondo' mapua' sumansam. Aku, Tuhan nakaindagu noyo. Suguton Ku ngaangai' ondo' rinagu Kuno.”

YEHEZKIEL 21:7

Paat ra ilo mangkuot kua pampalaa kou, raguo' ra mangiluk guang muno sabap ra tanou ra matong no. Tanou no mambaal ra guang nilo malaa', kalindu' nilo malawo, mansiab ambiluo nilo am atur nilo monontol. Paat nano masaboi, am ngaangai' no masauk!” Tuhan Raja' nakaindagu noyo.

YEHEZKIEL 23:34

Inumon mu ginio saboi makai'; am babakon mu sangkir no am pilaton kubab muno ra poto ru sangkir no. Aku, Tuhan Raja' nakaindagu noyo.”

YEHEZKIEL 24:14

Aku, Tuhan Raja' nakaindagu noyo. Nasaboi paat nano ra Aku mimbuor. Kalo malilianan Ku tula muno kapoam makaasi' rirun. Ukumin kou sabap ra binaal Muno.” Tuhan Raja' nakaindagu noyo.

YEHEZKIEL 28:9

Paat raginio, lakat kou kia poyo mindagu ra dewa kou? Paat ra okou muma' ra ulun mamatoi rirun, makito ra ulun kou ayuk ondo' mapandai matoi am sala' ka dewa.

YEHEZKIEL 36:36

Bagu no makapandai bansa'-bansa' paginggaar ondo' lakat poyo maayag ra Aku, Tuhan nambaal saguli' ra bandar-bandar ondo' napuut am nangandoi saguli' ra tana' ondo' kolondo' tutuu'. Aku, Tuhan nambantu' mambaal raginio am maaru' baalon Ku ginio.”

YEHEZKIEL 5:13

“Mailian mu kinoporos ru sangit am lasu' ru guang Kuno saboi Aku majala'. Paat ra ngaangai' no masauk, bagu no mangintopot kou ra Aku, Tuhan, nakaindagu rirun nabaya' ra sangit sabap ra kalo gumagaya' kou Raki'.

YEHEZKIEL 6:10

Bagu no makapandai ilo ra Aku noyo Tuhan am ra pampakaraan Kuno sala' ka lolob magabau.”

YEHEZKIEL 7:17

Kalindu' ru moonong ulun lumawo, atur nilo monontol.

JOIL 2:11

Nangani' Tuhan ra susuban ra bolos matangil ra saujor Nano. Saujor ondo' gumagaya' Riso masuang am maikang. Mapara' boo makalalaa' orou ru Tuhan! Kolondo' sangulun pana tumaan.

MALIAKI 3:2

Kaa' osoi kia ondo' tumaan ra orou Io matong am mintalang ra inan? Io koson ra sabun ondo' totopot makalulu' am koson ra apui ondo' manuyu' ra logam.

MARKUS 13:31

Limbowon am tana' ti mapuso, kaa' ragu Kutu mantilayun.”

1 KORINTUS 10:22

Kapoam masaga' takau kia mapasinduol ra guang ru Tuhan? Itakau ti kia maayo kuasa' intor ra Tuhan?

IBRANI 10:31

Aibui boo risilo ondo' akimin ri Aki Kapuuno' ondo' maayag no!

1 SAMUIL 15:29

I Aki Kapuuno' ondo' matulai, i Aki Kapuuno' ru Israil no kalo nagabau am kalo nangulau ra ginuang Nano, sabap ra Io sala' ka ulun.”